Author Archive

VBO-Program 2018

Written by Wilma le Roux on . Posted in Communitas Inligting, VBO, Vennote

VBO-

Programboekie

2018

is beskikbaar!

Ons bied met trots ons VBO-program vir die volgende jaar aan vir elke predikant, proponent, jeugwerker, kerkwerker of gewone lidmaat wat ‘n behoefte daaraan het om toegerus te word om al hoe meer te lewe vir Christus en sy kerk.
Om die VBO boekie met inligting oor kursusse en konferensies wat by Communitas en ons vennote plaasvind, af te laai, kliek hier:  VBO-boekie 2018Fin

COMMUNITAS: ʼn Terugblik met die oog op die toekoms

Written by Wilma le Roux on . Posted in Ekklesia, Nuus, Oor ons, Personeel, Personeel-funksies

Communitas se 10-jarige

verjaarsdag vieringe

 

 

Op Vrydag 15 September het die personeel van Communitas, Ekklesia, die Kerkargief en personeellede van die Bellville-Sinodale kantoor saam gekuier om die 10de verjaarsdag van Communitas te vier. Hierna het die personeel as spanbou gaan aarbeie pluk op die polkadraai-aarbeiplaas – kliek hier om die foto’s te sien.

Frederick Marais skryf as volg:

Communitas is tien jaar oud vandag, ons is dankbaar is meer as ooit gemotiveer om die geleentheid wat ons gegun word te benut om, soos Pat Keifert dit uitdruk, in, saam, langs, onder en soms teen gemeentes ʼn reis te onderneem waarin ons oop is om gevorm te word deur die Woord en Gees tot gemeenskappe waarin die Koninkryk van God sigbaar word.

Lees onder die fotobeeld van die saamkuier verder aan Frederick se terugblik- en ‘n vorentoe kyk na ‘n innoverende toekoms …

Wat ʼn voorreg is dit nie om deel te kan wees van hierdie span mense nie. Communitas was nog altyd bevoorreg om as span saam te werk. Ons krag is dat ons ʼn span is waarin PSD’s en ondersteuningspersoneel mekaar ondersteun en ter wille van die gemeentes wat ons bedien, bereid is om waagstukke aan te gaan.

Eers ʼn vinnige terugblik:

Michiel van der Merwe was die eerste Direkteur van BUVTON (Buro vir Voortgesette Teologiese Onderrig en Navorsing). BUVTON is gevestig vanuit die droom van Prof David de Villiers: dat daar ʼn plek moet wees waar predikante versorg en ontwikkel kan word. Vir hierdie droom het hy geld ingesamel en so is BUVTON gevestig as ʼn buro van die Fakulteit Teologie. Sedert die middeltagtigs het Michiel die fondament gelê vir wat ons vandag as Communitas ken. Michiel het van die begin af spanne mense ingetrek en bemagtig om te help met bediening aan gemeentes en predikante.

Bêre jou kerkskoene en trek jou “gumboots” aan …

Written by Wilma le Roux on . Posted in Communitas Inligting, Nuus, Personeel, Personeel-funksies

Communitas Spandag

2017

… ons gaan aarbeie pluk !

Vrydag 17 September was Communitas se verjaarsdag, en na die koek-en-tee om die geleentheid behoorlik te vier, het die span letterlik hul gumboots aangetrek en gaan aarbeie pluk.

Polkadraai het pas oopgemaak en die kompetisie was groot om te kyk wie … die meeste kan EET, en … die grootste aarbei kan pluk!

 

Konferensie van Vineyard in Kaapstad

Written by Wilma le Roux on . Posted in Conferences, English, Vennote

Die VBO taakspan bring graag hierdie konferensie van Vineyard onder ons predikante se aandag. Die taakspan “moedig predikante aan om sover moontlik óók konferensies en kursusse van ons ekumeniese vennote by te woon. In die uitleef van ons missionale roeping is dit belangrik dat ons blootstelling kry van ander kerke en groepe.”
Hierdie onderstaande konferensie is reeds verby, en net ‘n voorbeeld van die kwaliteit van geleenthede wat in ons land aangebied word.

 

 

 

 

Craig Keener is opgelei as historikus van die klassieke Grieks-Romeinse tydperk. Hy was ‘n uitgesproke ateïs, maar het tot geloof gekom nadat hy uitgedaag is om die Bybel met ‘n oop gemoed te lees. Hy het by ‘n Pinksterkerk aangesluit en in Nuwe Testament studeer, en daarna gespesialiseer in Grieks-Romeinse en Joodse letterkunde van ongeveer 450 vC tot 250 nC. Sy kennis van die literatuur van hierdie tydperk, wat die konteks is van die Nuwe Testament, is ongeëwenaard – hy word gereeld na verwys as ‘n lopende ensiklopedie!

Daarom skryf Craig Kube en Ricky Cupido, die koördineerders van  Vineyard Western Cape ‘n brief wat hier onder volg, en wat hulle afsluit met:

Pawn your watch, sell your car, drive, Uber, ride a bike, walk or crawl – but get there!

Below is a snippet from a blurb from Costa Mitchell, National Director of Vineyard Churches SA endorsing this EPIC conference and motivating you why you should not miss out on this important event!!!

WHY CRAIG KEENER?

…What you will discover by attending this conference is the blend of passionate commitment to God’s Presence and Power, and resulting encounter with God, together with rigorous scholarship and communication of truth. All of this in a package of humility and self-deprecating humour and thrilling personal story.

You can read more about Dr. Keener’s personal conversion from atheism at http://www.salvomag.com/new/articles/salvo41/the-miracle-writer.php.

 

 

Loop Saam

Written by Wilma le Roux on . Posted in Konferensies, VBO

Om in iemand anders se skoene te kan staan

Die kerklike wêreld het op 5 Julie 2017 tot stilstand gekom met die ondertekening van ‘n dokument deur die Gereformeerdes, Lutherane en Methodiste vanoor die wêreld, asook die Rooms Katolieke Kerk. Die dokument verklaar dat ons nou, na 500 jaar, op een plek staan oor die verlossingsleer. Ons word alleen uit genade deur geloof gered.

Bykans alle interkerklike verhoudings word hierdeur geraak. Die wêreldkerk sê hiermee onteenseglik ons is ernstig oor ons getuienis dat Christus heers. Hy verlos mense van hulle sonde. Hy laat sy koninkryk kom. Hy gee vir mense die verbeelding van ‘n nuwe wêreld waarin kragtige verhoudings oor kultuur-, taal- en historiese grense strek. Hy laat nuwe verhoudings ontstaan wat getuig dat Hy magtiger is as menslike voorkeure en aannames. Deur die beliggaamde versoening tussen mense word sy heerskappy gedemonstreer.

Die “Loop Saam- kursus” help ons om uitdrukking te gee aan die beliggaming van versoening en eenheid in Christus. Dit help ons om in ander se skoene te gaan staan en te ontdek hoe God ons lewe wil verryk deur verhoudings waaruit ons nog nie vantevore kon leer en put nie.

Wanneer? 23-24 Augusus 2017

Waar: Communitas, Stellenbosch

Met hierdie kursus wil ons iets gee waarmee ons gemeentes kan help om

  • oor grense na mekaar uit te reik,
  • vir mekaar om te gee en
  • saam te leer hoe om mekaar met liefde en respek te hanteer.

Die materiaal wat ons gebruik, is die twee boekies “Maak Kontak” en “Loop Saam” wat deur Chris van Wyk en Nico Simpson in opdrag van die Seisoen van Menswaardigheid ontwikkel is.

Hierdie kursus getuig oor God se droom vir ‘n nuwe wêreld. Dit kan jouself en jou gemeente oneindig verryk!

Met hierdie kursus, of eerder proses, glo ons, sal die menswaardigheid van ons land se mense herstel word.

Vir meer inligting, of om in te skryf, kontak Wilma

 

Winter School presentations /Winterskool aanbiedings

Written by Wilma le Roux on . Posted in Ekklesia, Konferensies

 Winterskool 2017

Lesings en uitdeelstukke

Winter School 2017

Papers & Presentations

 

Here are the links to a few of the papers presented at the Winter School:

Spirituality and Transforming Worship – Dr Bruce Theron

Spirituality and Transforming Worship? Individual and collective experiences of Jesus’ presence (and absence) in John’s Gospel –  Elna Mouton

The handout for Prof Elna Mouton’s session: Handout_Elna Mouton

Gender, Church, Society and Us: From deformation to affirmation  and reformation  – Olojede Funlola

We the people of South Africa. . . Adopt this Constitution so as to . . . Improve the quality of life of all citizens and free the potential of each person –  Judge Majiedt

Ministry that informs and Transforms – Dr JFMarais

Breaking the leadership mould in South Africa – Magda Fourie-Malherbe

Rev Dr Leon Klein did not have notes or a paper on his session “Developing a pastoral care system in congregations” but his book, Centres of Healing, on which his presentation was based can be ordered directly from them. Please contact us for more information.

 

 

 

Hoe om weer heel te word

Written by Wilma le Roux on . Posted in Kursusse, VBO

Egskeidingsherstel Fasiliteerdersopleiding

Die uitdaging om mense wat deur die krisis van ‘n egskeiding werk, by te staan, is ‘n missionale geleentheid om genade en vergifnis prakties te maak. Dis ‘n pastorale bediening wat met baie geduld en begrip deel raak van seerkry-verhale om Goddelike genesing en herstel te vestig.

Die Opleidingskursus vir Fasiliteerders fokus op die volgende:

  • Oorsig oor een van die moontlike prosesse vir emosionele genesing na ‘n egskeiding
  • Praktiese riglyne vir die vestiging van ‘n Egskeidingsherstelgroep in jou gemeente
  • Saam dink oor die teologie van die huwelik en egskeiding

Die opleidingsgeleentheid is gefokus op predikante en ander gemeenteleiers wat verantwoordelik is vir die bediening aan voorheen-getroude persone in hulle gemeentes.

Die kursusgids wat aan deelnemers beskikbaar gestel word, vorm die basis van die fasiliteerdersopleiding. Die gedagte is dat die fasiliteerders die kursusgids dan weer by hulle gemeentes dupliseer as hulle die kursus aanbied.

Die fasiliteerdersgids gaan uiteindelik bestaan uit die powerpoints wat deurgewerk word wanneer die deelnemers die fasiliteerdersopleiding doen.

Waar: Communitas

Wanneer: 25-27 Julie

Aanbieder: Guillaume Smit

Skryf in voor of op 14 Julie

Kliek hier vir ‘n inskrywingsvorm: 12 – Egskeidingsherstel Opleiding