Author Archive

MTh met die fokus op gesondheid en gender

Written by Wilma le Roux on . Posted in Ekklesia, Kursusse, Seminarium

Fakulteit Teologie

Die Fakulteit Teologie aan die Universiteit Stellenbosch, in samewerking met die Kerk in Swede, bied hiermee ‘n besonderse geleentheid aan studente om ‘n Magister in die Teologie te voltooi met die fokus op gender en gesondheid. Die Magister kan in enige van die huidige teologiese dissiplines geregistreer word (Ou Testament, Nuwe Testament, Ekklesiologie, Sistematiese Teologie, Missiologie en Praktiese Teologie).  Tien studente kom in aanmerking vir befondsing binne die Spesiale Fokus Magister Program vir die studietydperk  Januarie 2014 tot Maart 2015.

M Th ete en dankie-sê

Written by Wilma le Roux on . Posted in Personeel-funksies, VBO

Ons eet saam met Elbert en Helene   

Juliemaand het hier op ‘n hoë noot afgesluit, want ons kon aansit vir ‘n heerlike middagete wat Elbert en Helene de Kock vir die MTh’s en Communitas-personeel voorberei het as ‘n dankie-sê-ete: Wildsboud en paptert uit die boonste rakke, afgerond met ‘n uitpakslaai wat die sekretaresses voorberei het. Ons het die bakke blink geëet!

Dankie dat ons almal kon deel hê hieraan. Dit was heerlik, julle kan maar weer so maak …

20130731_131336 20130731_131316 20130731_130505 20130731_130423 20130731_131219

Nuut gekyk na Jesus

Written by Wilma le Roux on . Posted in Kursusse, VBO

VBO16 ~ Nuut gekyk na Jesus

Vind plaas op 17–19 September in Stellenbosch

Aanbieder : Marius Nel

Kom skryf in vir hierdie kursus wat gaan oor Jesus as Koning – dis ‘n kritiese evaluering van die belang van die werk van NT Wright vir die roeping van die kerk in die 3de millennium.

Kursus : Koinonia en Geloofsvorming

Written by Wilma le Roux on . Posted in Kursusse, VBO

VBO 15 : Koinonia en Geloofsvorming in gemeentes

WANNEER? 17–19 September 2013        WAAR? Stellenbosch        AANBIEDER: Nico Simpson

Hierdie kursus fokus daarop hoe om diep te connect,veilige ruimtes vir mense te skep en koinonia te bevorder. Dit is ‘n interaktiewe kursus wat deur middel van video’s, connecting-vaardighede en groepsgesprek nadink oor diep verbintenis en die herstel van verhoudings.

Kursus oor Geloofsformasie

Written by Wilma le Roux on . Posted in Kursusse, VBO

VBO 14 : Geloofsformasie in Dissipelskap – bediening in die lewe

27-29 Augustus, Stellenbosch

Nico Simpson en Coenie Burger

In hierdie kursus word daar gefokus op die saak van geloofsformasie met die oog op dissipelskap. Die kursus sluit aan by die 9-punt rooster oor predikantswerk soos dit in die VBO boekie verduidelik word. Die doel is om die middelste been oor die vorming van geloof, hoop en liefde van nader te bekyk en beter te probeer verstaan presies hoe die vorming gebeur.

Roepingskursus Suid-Kaap

Written by Wilma le Roux on . Posted in Kursusse, VBO

VBO 6 Om opnuut “Ja” te sê vir ons roeping en werk: Helende gesprekke oor die bediening

20-22 Aug, Hartenbos                            

Aanbieder: Coenie Burger

Die doel van dié kursus is om predikante te help om doelgerig verantwoordelikheid te neem vir hul persoonlike groei in die uitleef van hul roeping in die bediening, deur geleentheid te skep vir selfontdekking en groter selfbewussyn.

Armoede: Wat doen JY?

Written by Wilma le Roux on . Posted in Konferensies, Kursusse, VBO

Poverty handeOns almal weet dat grootskaalse armoede, menslik gesproke, waarskynlik die mees plofbare probleem in Suid-Afrika is.Terwyl dit so is dat baie kerke iets hieraan probeer doen, is die vraag of ons nie veel meer kan doen nie.

Ons is van mening dat hierdie ook `n saak is wat ons kerke (NG en VG) ten beste saam kan aanpak. Ons glo dat daarin ook `n getuienis sal wees. Daarom nooi die Bediening vir Armoede en Sorg graag alle barmhartigheidsverteenwoordigers, predikante, ringsverteenwoordigers van Armoede & Sorg en gemeentelede na hul Konferensie: Armoede en die Uitdaging vir die Kerk en sy Gemeentes.

Plek: NG Kerk Helderberg
Datum: 21 Augustus 2013
Tyd: 08:30 – 17:00

Vir meer inligting kontak Dr Braam Hanekom (Direkteur : Armoede & Sorg), 021-9577202