Author Archive

Communitas se Paasnagmaal

Written by Wilma le Roux on . Posted in Personeel, Personeel-funksies

Goeie Vrydag?

death_of_christ_by_jak26d48jybv

Nadat Jesus die suur wyn gekry het, het Hy gesê: “Dit is volbring!”

Toe het Hy sy kop vooroor laat sak en die laaste asem uitgeblaas.

Johannes 19:30

Hierdie jaar het Communitas nie hul gebruiklike paasontbyt gehou nie. Mathilda, wat vanjaar vir die reëlings verantwoordelik was, en Gielie het gevoel dat ons ‘n slag iets anders moet doen. Op Donderdag 24 Maart om 11:00 het almal dus in die Kapel bymekaargekom om saam nagmaal te hou.

Ankia du Plooy het die Woord gebring en sy het versoek dat almal in stilte die Kapel sal binnegaan sodat ʼn gewyde atmosfeer geskep kan word. En so het dit werklik gevoel ons toe ons een na die ander in stilte na binne stap en ons plekke inneem. Dit was nie ‘n ongemaklike stilte nie; eerder ‘n gewyde, ‘n afwagtende stilte. Ankia se boodskap het ons diep geraak, en die kruiswoorde en doodblaas van die kerse het ons gehelp om Jesus se lyding en dood op ‘n tasbare manier te beleef en te herdenk.

  • 20160324_110041_resizedOns sit in stille afwagting
  • 20160324_111002_001_resizedJosé sing eers a capella, en dan saam met ons terwyl Adrienne begelei
  • 20160324_111405_resizedAnkia bedien die nagmaal aan Alta, terwyl Gielie die tekens by die kruis gebruik
  • 20160324_111430_resizedFrederick ontvang die brood en die wyn

 

Tuiste vir Almal?

Written by Wilma le Roux on . Posted in Conferences, Konferensies

WINTERSKOOL 2016

Die Fakulteit Teologie aan die Universiteit Stellenbosch, in samewerking met Communitas, Ekklesia  en die Beyers Naudé-Sentrum vir Publieke Teologie bied jaarliks ​​‘n Winterskool aan vir predikante en pastors van verskeie denominasies, studente en akademici van verskillende godsdienstige en teologiese instansies, en mense uit verskillende vlakke van die lewe.

Ons is in die beplanningsfase van die 2016 Winterskool met die tema:

‘n Tuiste vir Almal – Die toekoms van die Christendom en ons jeug in Afrika.

Dit vind plaas van 31 Mei – 2 Junie 2016.

Ons is baie bewus daarvan dat daar op hierdie oomblik verskillende groepe is wat nie tuis voel in Suid-Afrika of sekere dele van Suid-Afrika nie. Dis nie hoe dit behoort te wees nie. Ons glo dat Christene in Suid-Afrika kan help om ‘n tuiste vir almal te skep. Ons glo dat die Bybel vir ons riglyne gee om ons visie te bereik. Ons glo dat die ouer geslag gesukkel het om hierdie visie van ‘n tuiste vir ons te leef, maar dat die jonger geslag ons hiermee kan help. In 1976 het ons die Soweto-opstand gehad waar baie jong mense geveg het vir ‘n beter onderwysstelsel en ‘n beter Suid-Afrika vir almal. Veertig jaar later kan ons die volgende vrae vra: Is Suid-Afrika ‘n tuiste vir almal? Wat is die rol van die kerk om ‘n tuiste vir almal te skep? Sal die kerk ‘n tuiste wees vir ons kinders en kleinkinders?

Die Winterskool bestaan ​​uit drie hoofredes met hoofsprekers, asook oggend parallelle sessies oor vyf verskillende onderwerpe geskeduleer oor drie dae, en middag parallelle sessies.

Die hoofredes sal fokus op die volgende onderwerpe:

  • Dag een sal fokus op die rol van die Christendom in die toekoms van ons land en kontinent – met as spreker Ds Esmé Bowers, van die Golgota Sanctuary van die Volle Evangelie Kerk;
  • Dag twee sal fokus op hoe die jong mense ons kan help om ‘n “tuiste vir almal” te skep – aangebeid deur Me Lovelyn Nwadeyi, nagraadse student in Politieke Wetenskap aan die Universiteit Stellenbosch;
  • Op dag drie sal ons fokus op onderwys en ‘n toekoms vir ons jeug – Prof Brian O’Connell, voormalige rektor en visekanselier van die UWK sal hierdie onderwerp dek.

VISIE VAN WINTERSKOOL

  • Voortgesette Teologiese vorming van predikante en ander lidmate;
  • Versterking van die verhouding tussen die Fakulteit en verskillende kerke, en tussen die kerke onderling;
  • Bespreking van relevante teologiese en gemeentelike sake;
  • Om ‘n draer van hoop in SA wees.
PROGRAM EN REGISTRASIE

Die finale program en registrasievorm sal in April 2016 beskikbaar wees op die webtuistes van die Fakulteit en Communitas: www.sun.ac.za/theology  en www.communitas.co.za

NAVRAE

Helette van der Westhuizen (Tel: 021 808 9560, E-pos: hvdwest@sun.ac.za  of

Wilma le Roux (Tel: 021 808 3624, E-pos: wler@sun.ac.za

Verroes? Verras!

Written by Wilma le Roux on . Posted in Kursusse, VBO

Logoskursus in die verfrissing van Bybelse grondtale  

(Grieks & Hebreeus) 

Hebrew-Old_Testament

Die praktyk bevestig dat predikante verroes raak in die vermoë om Bybeltekste in hulle oorspronklike tale te lees.

Hierdie kursus is ʼn innoverende geleentheid vir predikante om hulle kennis van die grondtale op te skerp en te verfris.

Predikante word tegelyk ook opgelei in die gebruik en hantering van die Logosprogram wat as grondslag vir die bemeestering van die grondtale dien.

Aanbieders: Louis Jonker, Christo van der Merwe en Marius Nel

Datum: 6-7 April 2016

Deelnemers kry geleentheid om die basispakket vir die nuwe Logos 6 aan te koop teen ʼn spesiale afslagprys van R1000 ( = 10% van die normale prys).  Kontak asseblief vir Marius Nel (mjnel@sun.ac.za) vir meer inligting oor die pakket.

Die sagteware stel gebruikers in staat om

  • gemakliker toegang te kry tot die oorspronklike taalstruktuur van die teks,
  • asook die morfologie van die woorde
  • en dit bied vinnige toegang tot die betekenismoontlikhede van die oorspronklike woordeskat.

ʼn Opvolg daggeleentheid om die nuwe vaardigheid vas te lê na inoefening vind na ongeveer ʼn maand plaas – kursusgangers sal in die groep ʼn datum hiervoor bepaal.

Neem asb. kennis dat ʼn beperkte aantal persone op die kursus toegelaat kan word.

Sperdatum: Woensdag 30 Maart

 

Kursusse en Konferensies Eerste Kwartaal 2016

Written by Wilma le Roux on . Posted in Ekklesia, Konferensies

Communitas se VBO-kursusse is nie net geleenthede waar kennis oorgedra word nie. Dis tye en plekke om stil te raak, na gees én liggaam gevoed te word, te luister én te gesels, bande te smee en koinonia te beoefen. Hier is ‘n paar foto’s om te illustreer waaroor dit gaan:

Die eerste kursus van die jaar was die Sertifikaat Module 4, gehou by Communitas en bygewoon deur ‘n groepie mense wat al vir ‘n jaar saamstap en mekaar leer ken en waardeer het.

Hierdie module het gehandel oor Identiteit – Wie is ons en waar pas ons in? Daar is saamgepraat oor waar en hoe mense inpas in die Drie-enige God se plan en bemoeienis met die wêreld, en die predikant se plek en rol in God se plan en in die gemeente.


  • 20160127_09031920160127_085231

  • 20160127_085521
    20160127_085708



  • 20160127_08583720160127_085152

  • 20160127_14090320160127_090339
  • Die aanbieders, Riaan en Gys
  • Koffietyd ...
  • kuiertyd op die stoep
  • aan die werk

Op 2 Februarie het Pat Keifert in die kapel van die Fakulteit kom gesels oor vernuwing van gemeentes en die rol van leierskap. Meer as 80 persone – predikante, dosente, studente en lidmate – het na hierdie kenner oor hoe om gestuurde gemeente te wees, kom luister.

  • 20160202_112710
  • 20160202_112454
  • Aandagtig luister die gehoor
  • Pat praat passievol oor missionaal-wees

Die Fresh Expressions Konferensie het van 16-18 Februarie plaasgevind by die His People kerksentrum by N1-stad, en bykans 400 persone van meer as 25 verskillende denominasies en kerke het dit bygewoon; hiervan was meer as 100 persone uit die NG Kerk. Dit was ‘n wonderlike geleentheid vir konneksie én leer oor nuwe maniere van kerk-wees.


  • 20160216_081329 20160216_081324
  • 20160216_094101 20160216_094033
  • 20160216_09391420160216_093902
  • Communitas se dames help met registrasie
  • Gesamentlike lofprysing
  • Verskeie stalletjies in die yslike saal

 

Communitas Personeelfunksie 2015

Written by Wilma le Roux on . Posted in Personeel-funksies

Na ‘n vreeslike gesukkel om ‘n datum te vind wat almal pas, én nie bots met een van ons vennote se afsluitings nie, het ons besluit om op Maandag 7 Desember ons jaarafsluitings-ete te hou. Soos dinge egter maar gebeur, is daar ‘n vergadering op sinodale vlak gereël wat Frederick moes bywoon – ons is jammer jy kon op die ou end nie saamkuier by The Big Easy nie, Frederick!

  • 20151207_121343
  • 20151207_121257
  • 20151207_121405
  • 20151207_121310
  • 20151207_125615
  • 20151207_122131
  • 20151207_140629
DSC_0679 DSC_0671 DSC_0670
DSC_0669 DSC_0668 DSC_0666
DSC_0665 DSC_0664 DSC_0663

Selfdegeslag Konferensie

Written by Wilma le Roux on . Posted in Konferensies, LAS, VBO

samesex2

Konferensie oor Selfdegeslagverbintenisse

SAME-SEX-jpg

Die Sinodale Taakspan vir Leer en Aktuele het op 12 November ‘n eendag-konferensie oor Selfdegeslag-verbintenisse aangebied in die Attie van Wyk Ouditorium van die Fakulteit Teologie.

Die onderwerp is vanuit verskeie dissiplines toegelig: Ou Testament, Nuwe Testament, Dogmatiek, Ekklesiologie, Kerkreg, Genetika en Regte.

Proff Louis Jonker, Jeremy Punt, Robert Vosloo, Johan van der Merwe, Geo Quinot en dr Coenie Burger het as sprekers opgetree. Heerden van Niekerk (voorsitter STLAS) en STLAS-lede Nadia Marais, Guillaume Smit en Tiana Bosman het as roterende kontinuïteitsbeamptes opgetree en die sprekers beurtelings bekendgestel.

Nadat elke spreker sy perspektief gegee het, het ‘n paneel, bestaande uit dr Erik Basson, prof Julie Claassens en dr Leon Fouché dit verder bespreek. Hierna was daar ‘n algemene bespreking waar konferensiegangers ruim kans gehad het om vrae te vra en hul menings te lug.

Dr Coenie Burger het afgesluit deur te praat oor die vraag of ons die gesprek en die verskille oor selfdegeslagverbintenisse in een kerk sal kan hanteer. Hy sê dat die uitdaging wat die NG Kerk het, is “om alles in ons vermoë te doen om hierdie debat in een kerk te bly voer op ʼn manier wat waardig is aan die evangelie van Christus.  En kan ek sê: Ek dink dit is moontlik; dit moet moontlik wees.”

Die hele konferensie was as ‘n direkte internetuitsending (live streaming) op die lug, en verskeie persone so ver as  die Oos-Kaap, Gauteng en selfs Japan het laat weet dat hulle ingeskakel was. Dit was ‘n wonderlike IT-eerste! Sommige van die videogrepe is reeds op die internet beskikbaar en op Facebook gedeel, maar die volledige skakels na die videogrepe op Youtube sal eersdaags hier beskikbaar wees: …………………………………………….

Opsommings van die verskillende sprekers se toesprake is hier beskikbaar: Konferensie oor selfdegeslagverhoudings_NM

Hier is enkele fotos wat tydens die dag geneem is deur verskeie kursusgangers:

  • nadia
  • HenniePienaar_Selfdegeslagkonf-20151112-02139
  • Charlene
  • 20151112_112117
  • 20151112_112221
  • Nadia aan die woord
  • Hennie Pienaar se beurt
  • Charlene oor Gender en Seksualiteit
  • Op pad na 'n versnapering
  • 'n Skare word gevoed

 

 

VBO-Programboekie 2016

Written by Wilma le Roux on . Posted in Dissipelvorming, VBO

VBO gaan oor die verdieping van ons verstaan
van die evangelie,
ons ingesteldheid teenoor ons roeping en
oor die slyping van
ons bedieningsvaardighede.
Dit gaan veral ook oor konstante leerbaarheid:
oor die moed om in nuwe situasies in te gaan
met die vertroue dat die Here ons kan leer en
’n weg kan wys
wat ons nie nou helder sien nie.
9 blokke
Geagte kollega

Ons as Taakspan vir VBO stuur aan jou hierdie VBO gids vir 2016 met groot verwagting. Ons is tot ʼn groot mate ʼn nuwe span wat graag wil voortbou op die goeie werk van die vorige span. Hierdie jaar se gids is werklik ʼn spanpoging waaraan byna elke taakspan van die Sinode saam gewerk het. Meeste van die kursusse is daarom kursusse wat VBO saam met hierdie taakspanne aanbied.
Ons is bewus van die besondere uitdagings wat aan ons as predikante gestel word in hierdie tye en het na die beste van ons vermoë ʼn program saamgestel wat hierdie uitdagings aanspreek. Die uitdagings wat deur die Moderamen vasgestel is, het ons gehelp om die fokusse van die kursusse te ontwikkel.