Begelei mekaar

My vriend

Jy weet seker teen die tyd al wat in my gedagtes aangaan.  Jy kan my soos ‘n boek lees, want ek deel my binnekant met jou, my gedagtes, my drome, my seer, my bekommernis en ook my passies.

Hier binnekant in my denke en drome is iets besig om met te gebeur.  Dit krap my so bietjie deurmekaar, dit laat my wonder, maar veral ook droom. (more…)

My vriend,

Daar gebeur nou die dag weer iets met my waarvan ek jou net moet vertel.  Miskien kan dit wat met my gebeur ook vir jou iets in jou situasie, of in al die uitdagings in jou lewe beteken.

Kyk my oudste dogter kom vinnig ‘n draai hier maak, want dit is presies wat dit is.  Sy kom vir die jongste se matriek afskeid, en dit veroorsaak by my nogal ‘n gefladder in my persoonlike hoenderhok.  Dit is ‘n bedrywigheid, so erg dat ek soms voel asof ek nêrens kom nie.  Jy weet mos hoe dit is, dat wanneer jy honderde dinge gelyktydig probeer doen, dan kom jy gewoonlik nie eers met een klaar nie. (more…)

My vriend,
Ek is besig om garage skoon te maak, gereedskap uit te sorteer, dek te bou, voordeur te maak, en sommer net my werksplek in die garage reg te pak. In die proses raak ek van onnodige bagasie en sogenaamde gemors ontslae. Dis mos omdat ek gevra het, hoe kry jy dit reg om ses jaar se verwaarlosing in drie maande in te haal?
Die antwoorde wat ek gekry het was nogal interessant, die preke nog meer. Maar tog het dit tot iets gelei, wat vir my gehelp het. Ek sou graag seker eerder wou hoor: (more…)

My vriend,

Ek wonner al weer vandag, noem my maar die wonnerende Manus.  Ek wonner, nou al die laaste paar dae oor hierdie ding in my gemoed:

Hoe haal jy ses, dalk sewe jaar se sleg voel, fisies, emosioneel, geestelike as gevolg van ‘n siekte waarvan jy nie geweet het nie, in drie maande in?

Dit sluit alle terreine van my lewe in wat ek onbewustelik of dalk bewustelik verwaarloos het.  Soos onder andere bouwerk en houtwerk by die huis, die beddens van ons twee nuwe kinders, my persoonlike finansies, vriendskappe, my gesin en sommer net myself ook fisies, en so kan ek aangaan. (more…)

My vriend,

Soms sien mens mos iets raak, of beleef jy ‘n ding, waaroor jy net droom, of wat jy net op TV sien.  Ons poog soms om ons lewe te beplan, sodat alles realiseer waaroor droom, maar dit gebeur nie altyd net soos ons dit wil,beplan en begeer nie.

Tog dink ek my vriend, dinge gebeur sommer net.  Daar is iewers ‘n gesegde wat so lui:

“Die lewe is besig om me jou te gebeur, terwyl ek en jy besig is om ander planne te maak” (vrye weergawe).

(more…)

My Vriend,

Daar is regtig ‘’n paar dinge in die lewe wat my lekker happy go lucky maak.  Die een is, as ek Vaal Japy sou drink, maar daai happy het ‘n groot kopseer, en daarvan kry ek genoeg tydens operasies wanneer ek aan kafeïen onttrekking ly.  Glo my dis erger as kraampyne, maar nou ja, eintlik kan ek nie van die laaste een uit persoonlike ervaring getuig nie.

Ek is regtig happy, as ek ‘n goeie rondte golf speel, maar ek het drie of vier jaar laas ernstig gespeel, en toe kon ek lekker speel, en was ek happy.  Ek is happy as ek ‘n goeie preek het.  Ek is baie happy wanneer ek ry op die motorfiets wat my vriend sin is, maar wat hy vir my gegee het om te gebruik terwyl hy solank daar by Jesus vir my wag. (more…)

My vriend,

Ek het mos nou die dag vir jou probeer vertel wat ek dink die verskil tussen oomblikke en mylpale is.  Die wonderlike oomblik breek toe vir my aan, iets gebeur, maar meer daaroor dalk aan die einde van die brief.

Hoe meer ek daaroor nagedink het, hoe meer besef ek dat elke persoon ’n hele boek behoort te skryf oor oomblikke in jou lewe wat jou gevorm het, vreugde verskaf het, hartseer gemaak en sommer die lewe met oorgawe laat geniet het. (more…)

My vriend,

Weet jy wat was vanaand vir my besonder gelooflik.  Dit was vir my inspirerend, insiggewend, asemrowend, deurslaggewend, verhelderend, hoopvol, vreugdevol, en gelukkig nie g…vol nie, en dit het maar net weer die wete by my tuis gebring dat daar ‘n God moet wees wat daarin spesialiseer om stukkende mense heel te maak.

Dit was net om weer iemand vanaand te sien wat weer kan lag, so kan lag dat die trane loop, soveel so dat ek wonder of die persoon se maagspiere nie môre behandeling nodig gaan hê nie.  Wanneer jy dan vandag ‘n persoon sien wat vooroor en gebukkend loop, en ‘n seer maag vashou, dan moet jy weet, dit is die persoon van wie ek praat. (more…)

My vriend,

Ek sal daardie oomblik nooit vergeet nie.  Dit is asof dit gister was dat my oupa Smith, my ma se pa, daar op sy plaas naby Dewetsdorp in die Vrystaat die volgende gesê het:

“Ek is nooit laat nie.  Wanneer iemand vir my vra om vier uur in die oggend by hom te wees, dan is ek al voor vier daar.”  (more…)