Leiers wat oorgee?

Written by webmeester on . Posted in Ontwikkeling

In ‘n onderhoud met Dallas Willard, vertel Bob Buford (skrywer van
die bekende “Halftime”) dat hy dink daar is vier fases in ‘n mens se
lewe.

  • Die eerste is “struggle” (probeer om suksesvol te wees),
  • die tweede “success” (wanneer jy daardie punt bereik) en
  • die derde is “significance” (om jou ondervinding en kennis te gebruik om ander te help).

In gesprek met Henri Nouwen, vertel Buford, sê dié dat daar nog ‘n fase is, naamlik:

  • “surrender” (om ten volle belyn te wees met God se doel)

Dallas Willard antwoord: “…

I
think actually that third step you’re talking about there requires
surrender. You can’t really manage that within the parameters of
success, you have to give up, and so you have to surrender yourself to
this good…”
http://www.halftime.org/resources/HT_WillardInterview_071507.pdf

 In
die REVEAL konferensie sê Bill Hybels dat die grootste gaping nie is
tussen soekers en gelowiges nie, maar tussen minder volwasse Christene
en “Christ-centered Christians”. Die minder volwasse Christene glo “God
is for me, my plans, and my agenda in this world”. Maar, skryf John
Ortberg hieroor, die ware Christus-gesentreerdes het hulle lewens en
drome prysgegee in volkome afhanklikheid in Hom (vgl The Gospel and the
happiness paradox – in Willow Newsletter November).

Leiers wat oorgee?

Oorgee
is volgens die elektroniese HAT  1. Oorhandig; aangee. Maar ook 2. Jou
gevange gee; jou oorwonne verklaar. Of ook 3. Verslaaf raak aan, jou
laat beheers deur.

Oorgee pas nie altyd in ons prentjie van leierskap nie. Dit klink eintlik paradoksaal. Maar so is dit as jy Jesus volg.

 

Vuurwarm leierskap!

Written by webmeester on . Posted in Inspirasie

Uitstekende leiers het daardie ekstra “iets”. Hulle gee die vlam wat
die kreatiewe vure laat opvlam, die passie witwarm maak, die energie
laat borrel. Hulle steek hulle kollegas, vriende, mense vir wie hulle
verantwoordelik is, sommer die hele samelewing aan die brand vir ‘n
betekenisvolle saak.

http://swerve.lifechurch.tv ) hoe hy sy passie lewendig hou:

  • Om God in ‘n ander deel van die wêreld te sien werk
  • Om ten minste een keer per jaar ‘n baie armoedige deel te besoek
  • Om te vas
  • Om vriendskappe met nie-Christene te bou
  • Om doelbewus tyd toe te wy aan gebed
  • Om buitengewoon te gee
  • Om te huil
  • Om ‘n begraafplaas te besoek (Ja, ek het ook oor hierdie een gewonder. Hy verduidelik dit help hom om vandag in die lig van die ewigheid te sien)

My passie vir Jesus bly lewendig…

  • as ek lees oor Hom
  • mooi natuurtonele ervaar
  • lewensgetuienisse hoor van mense wat God (op)nuut manier beleef het
  • as my kleinkind my styf omhels
  • wanneer my ego plek maak vir afhanklikheid soos wanneer ek nie antwoorde het nie
  • as ek doelbewus oorgee met “Laat U wil geskied”

Enige wenke van jou kant?

Leierskap vir die toekomstige kerk

Written by webmeester on . Posted in Ontwikkeling

Al gehoor van “reverse mentoring“? Ek dink dit was Jack Welch, die legendariese CEO van General Electric, wat my oë hiervoor oopgemaak het. Hy het geglo net soos jonger leiers die ervare leiers nodig het vir mentorskap, het ouer leiers die jongeres nodig vir die verstaan van nuwe tendense.

Besoek gerus www.catalystspace.com om ‘n kykie te kry wat leef in jonger geestelike leiers se wêreld (veral as jy ouer as 40 is!).  In hulle geskiedenis lees ons:

Catalyst was conceived as a Next Generation Leaders Conference in 1999 by Andy Stanley and Reggie Joiner from North Point Community Church, along with John C. Maxwell, Gabe Lyons and several young leaders from INJOY. Catalyst was created to meet the felt need that existed within the church leader space for a leadership event that was focused on a new generation of church leaders. Everything within this space seemed built around a forty to sixty year old mindset and medium. This team was convinced that this needed to change.

INSPIRASIE IN DIE VALLEI VAN DROË BENE

Written by webmeester on . Posted in Inspirasie

Skielik is ek moeg.

Moeg van al die “How to’s” oor dissipelskap wat in miljuisende op die internet beskikbaar is en mense net nog slegter laat voel oor hoekom hulle faal om Jesus te volg. Moeg gedink hoe om mense wat nie lus is nie saam te snoer in wat ons ’n kerk noem maar dikwels net ’n subskripsielys met baie name is. Moeg vir die mooi teologie wat ons uitdink om mense verskonend te oortuig ons is van hulle geld afhanklik om wonderlike dinge vir die Here te doen. Moeg om my irritasie weg te steek as nog iemand vir my sê: “Maar daardie tyd het dit so wonderlik gewerk, hoekom doen ons dit nie weer nie.” Of stil te bly vir die beterweterige “Jy moet net so en so maak volgens hierdie lysie dan gaan alles suksesvol wees.” Die lewe werk nie so nie.

Dit het tyd geword vir INSPIRASIE. Van die God-soort.

Ons het gekies om in die gemeente oor Esegiël te preek. En ek draf Sondag uit oor Hoofstuk 37. Hoe ironies. Esegiël is profeet in ’n vallei van droë bene. Die Here wat vra: “Mens, kan daar in hierdie bene weer lewe kom?” Esegiël a la Jannie antwoord: “Nee, dit weet net U, Here my God.” En toe moet hy profeteer oor God se visie van lewe en hoop.

Wat is inspirasie?

Inspirasie kom van die Latynse “inspirare” wat letterlik beteken om “in te blaas/asem” [i].  Sedert die vroegste tye is inspirasie gekoppel aan die bewussyn dat God(gode) mense aanvuur om te doen wat hulle onder normale omstandighede nie in staat sou wees om te doen nie. Die Griekse weergawe is “theopneustos”wat letterlik beteken “God geasem” of “God geblaas”.

Hier volg ‘n aantal lense om ons te help om die Godgeïnspireerde leierskap te herken en te ontwikkel:

Inspirerende leierskap:

  • skilder ‘n hoopvolle prentjie van die toekoms

Inspirerende leiers is nie tevrede met die status quo nie, maar wil ‘n beter toekoms vir almal bewerk. Hulle werk met ‘n langtermyn visie wat weer en weer geartikuleer word. Napoleon Bonaparte het gesê: “’n Leier is ‘n handelaar in hoop.” Inspirasie is om nuwe betekenis te gee aan die omstandighede waarin ons is.

  • in helder en verbeeldingryke terme

Volgens Marcus Buckingham mors die mees effektiewe leiers nie tyd om nuwe en beter toesprake te maak nie. Hulle oefen en verfyn hulle toespraak, soek nuwe en groter gehore en gee dieselfde toespraak. Dr Martin Luther King jnr. is deur sy leierskorps gevra om ‘n ander toespraak te gee vir die twee miljoen mense wat saamgekom het om in ‘n optog te loop vir werk en vryheid. Maar hy het binne agt minute gesien hy is besig om hulle te verloor, en hy val toe terug op die woorde, die beelde en die frases wat hy gereeld gebruik het. Sy “I have a dream” toespraak het gewerk omdat dit die emosies en verbeelding aanspreek.

  • wat mense so saamsnoer in gemeenskaplike roeping

Die kuns van leierskap is om dit wat gemeenskaplik is, te identifiseer en helder uit te lig. Inspirerende leierskap bind die gemeenskaplike vrese en behoeftes saam, en verfyn hierdie belange en behoeftes tot ‘n gemeenskaplike roeping. Dit bring die oplossings en potensiaal wat rééds in mense skuil na vore.

  • dat hulle emosioneel aangevuur voel

Logika en rasionele beleid mag oortuig, maar dit bring nog nie in beweging nie. Inspirerende leierskap begin ‘n beweging. En bewegings begin wanneer mense in hulle hart of emosie geraak voel. Om nog ‘n Obama-sêding aan te haal: “Get involved in an issue that you’re passionate about. It almost doesn’t matter what it is … We give too much of our power away, to the professional politicians, to the lobbyists, to cynicism. And our democracy suffers as a result.” [ii] Inspirasie is nie net die denneboom wat hoog langs die kusstrook in gunstige reënval groei nie – dis die fyn blommetjie wat in die droë Karoo waag om oop te gaan. Inspirende leierskap weet: in elkeen lê die lente en wag…

  • om saam te praat en saam te werk in daardie rigting

Ons het ‘n saam-storie nodig. Inspirerende leierskap gee vir mense stories van hoop, en bly vertel die storie wat ons saambind. As mense dieselfde storie deel, werk hulle ook saam vir die groei van die storie. Mense wil deel wees van ‘n suksesverhaal en soek nie meer om slagoffers in ‘n tragedie te wees nie. Ons is almal bereid om hard te werk as ons weet dit gaan om ‘n beter toekoms vir ons almal. Inspirasie is nie net die vinger wat wys na die lig van hoop nie – dis ook die hande wat die gordyn van donker en depressie deur karaktervolle dade wegtrek om die lig binne te laat.

  • volgens hoër waardes.

Adolf Hitler het ook geïnspireer. Maar die sinlose dood van derduisende Jode het gewys dat dit eerder ‘n illusie was. Inspirasie wat nie gerugsteun word deur hoër waardes soos liefde, geregtigheid, billikheid, eerlikheid en betroubaarheid nie, is ‘n illusie. Inspirerende leierskap word dikwels geassosieer met ‘n roeping van God, omdat dit heenwys na wat groter as ons selfsug en eiebelang is. Daarom soek inspirerende leierskap voortdurend na wysheid.

Brug die inspirasie-gaping

Die inspirasie-gaping tussen wat mense tans by leiers waarneem (persoonlike ambisie, karakterskending, etiese wangedrag, onbetroubaarheid) en dit wat hulle hoop om by hulle waar te neem (visie, volhoubaarheid, betroubaarheid, nalatenskap), kan net gebrug word as elkeen begin kyk waar hy of sy self ‘n verskil kan maak.

My oortuiging is: Jy is die inspirerende leier vir die oomblik!

Inspirerende leierskap begin tussen ons. By die voorsitter van ‘n konstruksiegroep wat in ‘n droom beleef hy moet ‘n rugbystadion kry om mense aan te spoor tot ‘n verskil. Nou is dit ‘n wêreldwye aksie. By ‘n aartappelboer wat met ‘n visie vir mans klein begin en nou ruk 60 000 mans op na Greytown, en 70 000 mense na Loftus. By ‘n dame wat in ‘n gemeenskap vir straatkinders begin kosgee en nou het daar ‘n gemeenskapsprojek vir die opheffing van armes ontwikkel. Gewone mense wat met God-inspirasie die buitengewone begin. Inspirasie is om in die opbouprogram van ons land die ruwe diamant van diversiteit verder te sny en te poleer totdat die sprankelprentjie van ‘n beter toekoms waar is. Dis beeldhouwerk. Dis skilderkuns. Dis droomkuns. Dís inspirasie.

Droom saam:

  • Droom van ‘n nuwe kultuur van mense wat geïnspireerd lewe. Waar ons mekaar se andersheid respekteer en as onontbeerlik vir ons saamwees beskou.
  • Droom van ‘n land waarin ons nie meer ons deure en vensters met diefwering hoef te beskerm nie. Waar my kind en kleinkind veilig by jou is. Waar ons veilig van die taxi af huis toe kan loop. Waar warmte en omgee vir HIV/VIGS-lyers die lewe hoopvol maak. Waar elkeen veilig in sy eie vel en sy eie land voel.
  • Droom dat ons vir mekaar oorvloedig werksgeleenthede gee. Waar ons die passies en gawes in mekaar tot nuwe moontlikhede uitbou. Waar ons die ekologiese balans beskerm en die natuurlewe vir ons nageslag behou.
  • Droom van ‘n lewe waarin ons mekaar ons foute sal vergewe en sal help opstaan. Waar ons mekaar sal bemagtig en bemoedig. Om wat ek doen, vir God en my medemens te doen.

Inspirasie is die gees van ons samelewing wat ons as die vlam van hoop soos ‘n olimpiese fakkel van een generasie na die ander oordra. As óns ander inspireer, gee ons hulle die toestemming om dit ook te doen.

Inspirasie gee substansie aan leierskap!

Inspirasie is om weer God se hand op my te voel… en daarom in die vallei van dooie bene oor die visie van lewe en hoop te praat.

Vir myself het dit hierdie week beteken ek moes my irritasies, moegwees, fieterjasies en allerhande ander filters opsyskuif. En luister wat God wil hê. Omdat Gód dit sê!

Ek wonder net: hoe maak jy om geïnspireerd te bly?

Wil jy nie in ‘n sin of twee daaroor kommentaar gee nie?

[i] http://www.humanityquest.com/themes/inspiration/Etymology/
[ii] Barack Obama. Uit ‘n publisiteit onderhoud oor sy 2006 boek Audacity of Hope. http://www.businessballs.com/inspirational_motivational_quotes.htm

DRINGEND GESOEK: INSPIRERENDE LEIERSKAP

Written by webmeester on . Posted in Inspirasie

“Ons is diegene vir wie ons gewag het. Ons is die verskil wat ons soek, ” sê Barack Obama.

Inspirasie versus substansie. Só begin ‘n artikel in die TIME tydskrif oor die stryd tussen Barack Obama en Hillary Clinton om die Demokratiese Party se leierskap (Joe Klein. 18 Februarie 2008:14. TIME.)

Obama se vermoë om te inspireer is besig om legendariese status te bereik. Geen wonder hy het Hillary Clinton verslaan in die partyverkiesing nie. En nou is hy die amptelike president!

Wat duidelik is in die Amerikaanse verkiesingstryd, is die honger na leiers wat inspireer. Mense soek na leierskap wat weer die verbeelding multi-sensories aangryp, die emosies passievol beweeg, die entoesiasme vurig aansteek. Substansie soos kundigheid en strategie is nodig, maar daar is ‘n dieper soeke.

Mense soek inspirerende leierskap.

Die wêreldwye viering van Madiba (ons vorige president Nelson Mandela) se 90ste verjaarsdag is sprekend hiervan. Aangrypend het hy gedurende sy hofsaak in 1964 gesê:

“I have fought against white domination and I have fought against black domination. I have cherished the ideal of a democratic and free society in which all persons live together in harmony and with equal opportunities. It is an ideal which I hope to live for and to achieve. But if needs be, it is an ideal for which I am prepared to die.”

En hy het hierdie inspirasie gelééf.

Wie sal die inspirasie vergeet wat steeds straal uit die verbeeldingryke “I have a dream” toespraak van dr Martin Luther King Jnr?

I have a dream that one day on the red hills of Georgia the sons of former slaves and the sons of former slave owners will be able to sit down together at the table of brotherhood. I have a dream that one day even the state of Mississippi, a state sweltering with the heat of injustice, sweltering with the heat of oppression, will be transformed into an oasis of freedom and justice.

Of die inspirasie van die gevleuelde woorde van Winston Churchill in 1940:

We … shall defend our Island, whatever the cost may be, we shall fight on the beaches, we shall fight on the landing grounds, we shall fight in the fields and in the streets, we shall fight in the hills; we shall never surrender …

Die debat rondom leierskap in Suid-Afrika en die hele debakel oor president Robert Mugabe gaan oor die vraag of dit nog inspirerende leierskap is.

Die goeroe van emosionele intelligensie, Daniel Goleman, gee hierdie leiding: “Great leaders move us. They ignite our passion and inspire the best in us. When we try to explain why they are so effective, we speak of strategy, vision, or powerful ideas. But the reality is much more primal: Great leadership works through the emotions” (Daniel Goleman. 2002:3. The New Leaders. London: Little, Brown).

Dink aan die emosie wat ons ervaar het toe president Nelson Mandela die nommer 8-trui aangetrek en die Springbokke die wêreldbeker gewen het. Onthou die oomblik verlede jaar toe die Springbokke weer gewen en vir president Thabo Mbeki hoog opgetel het. Die sterkpunt van president Mandela se termyn was inspirerende leierskap wat die emosies saamgesnoer het in ‘n gemeenskaplike droom vir ‘n nuwe Suid-Afrika. Ons het dit dringend wéér nodig, want die ekonomiese en elektriese nood, geweld en misdaad, armoede en HIV/VIGS, kinderontvoerings en -verkragtings, teleurstelling en frustrasie, ekonomiese ressessie is besig om emosionele wanhoop aan te wakker…

As jy die president was, waar sou jy begin?

Hierdie bydrae is van die nuwe blog LEIERSKAP van Jannie le Roux.  Besoek dit gerus en gesels saam!

 

Morele herorientering

Written by Frederick on . Posted in Ontwikkeling

Morele heroriëntering: Oor moraliteit en morele vorming in gemeentes
Met die oog op die moraliteitskrisis in ons samelewing fokus hierdie kursus/gesprek op krag van morele waardes, die impak van die konteks op mense en watter rol geloofsgemeenskappe in die daarstel van ‘n “gesonde” samelewing kan speel. Die kursus kan in gemeentes vir gemeenteleiers en -lede aangebeid word.
Aanbieder: Chris Jones
Kontak  Chrisna van der Merwe by  021-808 3624 of cmer@sun.ac.za om meer uit te vind en reelings te tref