Missonale Konferensie en boekbekendstelling groot sukses

Written by Wilma le Roux on . Posted in Ekklesia, Foto's, Konferensies, VBO, Vennote

 A Missional re-Imagining of the Church

 

 

   Ds Danie Mouton, one of the editors, speaking   during the launch of the new book Cultivating Missional Change
   Hier is die “knewel van ‘n boek”soos Lambert Jacobs in sy resensie na die yslike stuk werk verwys het
   Signed by the three editors
   Ds Danie Mouton and dr Nico Simpson, Head of Publications, Bible Media
   The book, the audience and dr Frederick Marais, one of the editors at the podium
   Part of the 145 participants
   Ds Bernard Malherbe, regs, en dr Pieter van der Walt, PSD Navorsing, gesels met Jan Wentzel Amanda van der Westhuizen van Bybel-Media by die boeketafel
 Dr Michael Moynagh  works for the national Fresh Expressions team in the U.K. and specialises in the theology and methodology of new types of church.
  Dr Moynach speaking on “Handing the Church Over”
   Ds Wynand Marc Breytenbach van Durbanville-Bergsig wat as student altyd gehelp het met die elektronika, was weer ‘n voorslag met die rekenaar en powerpoint-aanbiedings tydens die konferensie
To be continued … we’ll upload as it goes!
 Each of the speaker’s speeches will be uploaded as podcasts in the next days.

To download the powerpoint presentations, click on the link:

Ecclesiology in the New Testament – Prof Marius Nel : NT Ecclesiology – Marius Nel

Response from a 21st century unban context – Rev Ralph Afghan: A Missional Re-imagining of the Church – 21st Century – R Afghan

Luther – Rev Felix Meylahn: PP for Luther’s Ecclesiology – Meylahn

Ecclesiology in the Reformation  – Dr Coenie Burger: Missional Ecclesiology_Coenie Burger

Calvin – Prof Robert Vosloo: A Church that looks in the mirror – RR Vosloo

‘Why be church differently?’‘Being church differently: what can and can’t we change?’ and  ‘Handing the church over’ – Dr Michael Moynach: South Africa 2017. Three Lectures – M Moynach

Ecclesial Re-imagination of the missionary movement in Africa? – Prof Klippies Kritzinger: Reimagining mission – Klippies Kritzinger

A Missional Re-imagination of the Church Order – Prof Nelus Niemandt: Kerkorde en missionale kerk Nelus Niemandt

 

Cultivating missional change

Written by Wilma le Roux on . Posted in Boeke, Ekklesia, Konferensies

Boekbekendstelling tydens Missionale Konferensie

Cultivating missional change: The future of missional churches and missional theology

Coenie Burger, Frederick Marais en Danie Mouton (redakteurs)

Uitgegee deur Bybelkor, Wellington 2017

438 bladsye

Hierdie boek word bekendgestel tydens die etensuur op Maandag 16 Mei by die Missionale Konferensie wat plaasvind by die Fakulteit Teologie, Universiteit van Stellenbosch, aangebied deur Communitas en Ekklesia.

(Lees meer hier: http://communitas.co.za/taakspanne/vbo/konferensies/missionale-konferensie-2/)

Dié knewel van ’n boek is die resultaat van die internasionale missionale konferensie wat op 19-21 Januarie 2015 in Stellenbosch gehou is. Die konferensie het saamgeval met die jaarlikse byeenkoms van die International Consortium for Congregational Studies (ICCS), wat reeds sedert 2003 bestaan.

As jy net die werk van plaaslike kenners wil lees, bevat die boek al genoeg vir jou, want al die voorste stemme op die gebied van missionale kerkwees in Suid-Afrika kom hier aan die woord. Daar is hoofstukke deur Coenie Burger, Nelus Niemandt, Frederick Marais, Jerry Pillay, Danie Mouton en Marius Nel, met gereelde verwysings na die werk van Malan Nel, Jurgens Hendriks, Ian Nell, Stephan Joubert en Jan Nieder-Heitmann.

As jy egter wel wil kyk hoe lyk die sogenaamde “beste praktyke” in kerke van regoor die wêreld is al die groot name hier. Die groot indoena, Patrick Keifert, ander bekendes uit die VSA soos Darrell Guder en Stanley Green van die Mennoniete, kerkleiers uit die Verenigde Koninkryk soos Graham Cray, Nigel Rooms, Mike Harrison en Stuart Burns, uit Duitsland (Michael Herbst), Denemarke (Mogens Mogensen en Hans Raun Iversen) en Nederland (Stefan Paas). En dan is dit nie stowwerige teologie wat hier uitgepak word nie. ’n Mens word bekendgestel aan ware kerkplanters in ’n uiters sekulêre omgewing soos Stefan Paas uit Amsterdam, en die mense wat voorgevat het met die Fresh Expressions-beweging in Engeland. Daar is verwysings na die ondersteuning wat al drie die onlangse aartsbiskoppe van die Church of England, George Carey, Rowan Williams en Justin Welby, aan die nuwe vorme van kerkwees gegee het.

Daar is ’n paar boublokke in die onlangse soeke na ’n missionale kerkwees wat ook in hierdie boek sterk figureer. Een is die werk van Lesslie Newbegin, dan die magistrale werk van ons eie David Bosch onder die veelseggende titel Transforming mission, die talle rigtinggewende publikasies van Patrick Keifert en die keerpuntwerk getiteld Missional church met Darrell Guder as redakteur, wat vanuit die werk van die Gospel and Our Culture Network (GOCN) voortgekom het.

In hierdie boek word al die raakvlakke aangespreek waaroor mense nog onseker was, soos die rol van die Bybelwetenskappe, ekklesiologie, antropologie, die rol van kerkleiding in geloofsonderskeiding, hoe ’n missionale liturgie sou lyk, hoe die teologiese opleiding daar sou moet uitsien om missionale leiers te vorm, en nog vele meer. Jou gemeente hoef nie te sukkel vir jou om hierdie boek op te neem nie. Neem, lees!

(Resensie deur Lambert Jacobs)

 

‘n Hartseer dag

Written by Wilma le Roux on . Posted in Nuus, Predikante begeleiding, Taakspanne, VBO

Hulde aan Freddie Schoeman

Nelis Janse van Rensburg bring treffend hulde aan Freddie Schoeman van die Oostelike Sinode, wat gister skielik oorlede is.

“Freddie Schoeman se skielike heengaan vandag, is vir die NG Kerk ‘n reuse-verlies. Hy was ‘n toegewyde leraar, pastor, priester, begeleier van mense, wonderlike liturg, uitnemende teoloog, dosent, leier, denker, innoveerder, profeet. Met sy skerp intellek, wydbelesenheid en heelhartige verbintenis om God in sy beweging in die wêreld te volg, het hy ons gehelp met diep insigte in Godskennis en menswees.

Freddie was onder baie meer onder-voorsitter van die Oostelike Sinode se Diensraad, voorsitter van die Algemene Sinode se Taakspan Vir Missionale Transformasie, NG Kerk verteenwoordiger in die bestuur van die Seisoen van Menswaardigheid, leier in die Taakspan vir Liturgie en betrokke by die ontwikkeling van preekprogramme en liturgieë. (André Bartlett skryf: ‘Freddie het ‘n fyn aanvoeling vir liturgie en ook ‘n uitgebreide kennis van die geskiedenis van die erediens en die ontwikkeling van die kerklike jaar gehad. Hy het ‘n waardevolle bydrae gelewer as lid van die eindredaksie van die “Handleiding  vir die Erediens” en het ook gereelde liturgiese bydraes gelewer vir die eredienspublikasies “Woordwyser” en “Woord en Fees “.’)

Hy het ook in die Seisoen van Luister ‘n leidende en deurslaggewende rol gespeel. Hy het ook in talle sinodale werksaamhede leiding geneem en ‘n rol gespeel. Intussen het hy sy gemeente getrou bedien en begelei.
Sy deeglikheid en hardwerkenheid het menige hardwerkende kollegas telkens beskaam.

Maar dit was sy menswees, sterk en sag, gefokus en ruimhartig, taak- en mensgerig, wat my sal laat verlang na Freddie. Sy kalmte onder druk, lojaliteit en hulp, omgee en vriendskap het oor die afgelope jare vir my en talle ander oneindig baie beteken. Ons gaan swaar die leemte vul wat sy heengaan laat.

Ons bid vir Alma en sy kinders. Ons kan maar net raai hoe hulle voel. Mag ons almal in hierdie dae, ingeneem in die verhouding tussen Vader, Seun en Gees, ervaar hoe God ons troos en saamneem in die koms van sy koninkryk.
Ons opregte simpatie gaan ook aan sy gemeente, Lyttelton-Oos, sowel as die Oostelike Sinode.”  *

Frederick Marias, PSD vir Kerklike Opleiding by Communitas op Stellenbosch, voeg by:

“Freddie was ʼn medewerker by Communitas en het o.a. help ontwerp aan die Sertifikaatkursus en van die modules aangebied. Hy was sedert 2016 ook voorsitter van die VBO-Forum.

Ons eer sy nagedagtenis en bid vir sy vrou Alma, hul kinders en kleinkind.

 

Die beloftes van God word nie geaffekteer deur mense en politici se doen en late nie …

Written by Wilma le Roux on . Posted in Prediking, VBO, Video

 Ekstra videogreep oor Sondag 6 van Lydenstyd

 

Die afgelope weke is videogrepe oor ‘n  “preek-dinkskrum” op Youtube beskikbaar gestel.  ʼn Groep het telkens saamgesels oor die fokusteks van die week – met iemand wat as ankerpersoon vrae formuleer, ‘n eksegeet wat help met die teksuitleg, en enkele persone uit verskillende agtergronde wat help saamdink. Hierdie  videos is elke Vrydag op youtube beskikbaar gestel.

Die videogrepe is wyd verwelkom, veral deur persone wat alleen in gemeentes is en nie die voorreg het om met kollegas saam te dink en gesels nie.

 

Na aanleiding van die huidige politieke situasie en die gebeure van die afgelope paar dae, het ons dit goed gedink om ʼn ekstra gesprek op te neem rondom die fokustekste van hierdie laaste Sondag (6) van die Lydenstyd.

Frederick Marais en Coenie Burger gesels oor hoe om Sondag se erediens te kon inrig om die ervarings van die afgelope week in te sluit in die erediens rondom Palmsondag.

Kyk gerus hier daarna: https://youtu.be/y9jW_IHzJko

Daar is ‘n gebed wat deur Frederick voorgelees word, geskryf deur Hannes Theron. Die gebed is hier besklikbaar as pdf asook as 3 powerpoint-skyfies. Laai dit gerus hier af:

Die sesde Sondag se eerste opname wat gefasiliteer word deur Coenie Burger en met Louis Jonker as eksegeet, is hier beskikbaar: https://youtu.be/8cCBh_8J9SE

Communitas Jaareind-funksie

Written by Wilma le Roux on . Posted in Nuus, Personeel, Personeel-funksies

Le Pommier en Pniel-kuiers

2016 se Jaarafsluiting was ‘n anderster-lekkerte – eers het ons aangedoen by Le Pommier, ‘n wynlandgoed ongeveer 4.5 km buite Stellenbosch op die Helshoogtepad.

Le Pommier beteken ‘Die Appelboom’ in Frans, en was eers ‘n appelboord, wat deel was van die 300-jaar-oue Zorgvliet-plaas.

Ons het hier 4 wyne geproe rondom ‘n heerlike kaasbord: die Olivia Semillon-Sauvignon Blanc- versnit (glo vernoem na die eienaar, mac van der Merwe, se ma); die Le Pommier Rosé, ‘n heelike rooi versnit; die Le Pommier red Blend; en dan ‘n wonderlike malbec, Jonathan’s Malbec, wat vernoem is na ‘n bul met baie goeie smaak… Die bul het blykbaar in 2012 uitgebreek en ‘n groot deel van die oes opgeëet!

     
     

Die tweede deel van ons ekskursie was na Pniël se museum…

… waar ons ‘n kykie kon kry in die geskiedenis van die kerk, die dorpie en sy mense. Hier het ons gehoor hoe die sendingstasie wat opgerig is vir die vrygestelde slawe gegroei het tot die pragtige dorpie wat ons vandag sien. Die naam Pniël kom uit Genesis 32:30 en verwys na die plek waar Jakob met God geworstel het. Dit beteken letterlik “die gesig van God”.

     
   

Die laaste deel van ons kuier was rondom ‘n tafel in die museum se tuin …

… wat gekreun het onder regte egte Suid-Afrikaanse kersfeeskos: ‘n voorgereg van broodjies, gebakte vis en slaai, dan die hoofgereg: gebraaide hoender, ham, geelrys, soetpampoen, ‘n verskeidenheid groentes en slaai, as nagereg trifle (nie koekstruif nie!) en die kersie op die koek: eclairs en koffie! Ons opregte dank en waardering aan die dames van die teekamer-kiosk vir hierdie bederf.

Dankie ook aan Mathilda-hulle wat die reëlings getref het!

 

Communitas Personeel 2016

Written by Wilma le Roux on . Posted in Communitas Inligting, Personeel

Comm_Logo_2015 www.communitas.co.za

Noordwal-Wes 1, Stellenbosch

Posbus 3322, Matieland, 7602

Diensgroep Gemeentebegeleiding

GielieLoubs

Gielie Loubser

PSD Gemeentebegeleiding

021-808 9293

083 234 2178

gielie@sun.ac.za

Mathilda - Copy

Mathilda du Pisanie

Sekretaresse Gemeentebegeleiding

021-808 3265

mdup@sun.ac.za

PeterAd

Peter Adams

PSD Nuwe Gemeenteontwikkeling en Kerklike Samewerking

021-808 9231

082 928 7668

peteradams@sun.ac.za

Sharon2

Sharon Naudé

Ontvangsdame asook Sekretaresse Nuwe Gemeenteontwikkeling en Kerklike Samewerking

021-808 3381

snaudé@sun.ac.za

Ankia - Copy

Ankia du Plooy

Voorsitter en Administratiewe beampte Vrouebediening

021-808 9060

ngkvroue@sun.ac.za

AnriëtteDeRidder - Copy

Anriëtte de Ridder

PSD Jeug, Familie en Kinders

021-808 9154

083 490 0602

anriette@sun.ac.za

Jose - Copy

José Layman

Sekretaresse Jeug, Familie en Kinders

021-808 9050

jose@sun.ac.za

PierreG

Pierre Goosen

PSD Predikantebegeleiding

021-808 9098

083 630 5676

pmgoosen@sun.ac.za

Adrienne - Copy

Adrienne Bester

Sekretaresse Predikantebegeleiding

021-808 3382

bestera@sun.ac.za

Diensgroep Toerusting

Frederick - Copy

Frederick Marais

PSD Kerklike Opleiding

021-808 9051

083 380 1657

jfm@sun.ac.za

WleR

Wilma le Roux

VBO Koördineerder

021 808 3624

wler@sun.ac.za

Amanda1 - Copy

Amanda van Niekerk

Sekretaresse Toerusting asook Kuratorium

021-808 9138

toerusting@sun.ac.za

Kuratorium

EddieOrsmond - Copy

Eddie Orsmond

PSD Seminarium NGK

021-808 9138

084 580 3013

eddieo@sun.ac.za

Eugene Beukes

Eugene Beukes

PSD Seminarium (VGK)

021-808 9138

081 271 1581

mazar@telkomsa.net

Pieter2

Pieter van der Walt

PSD Navorsing

021-808 9138

083 536 6401

pietervdw@sun.ac.za

Sleutel tot ’n gelukkige aftrede

Written by Wilma le Roux on . Posted in Boeke

Almal van ons kom op ‘n stadium in jou lewe wanneer jy moet dink aan aftrede, maar ‘n groot aantal mense begin beplan nie vroegtydig daarvoor nie.

Johannes Jordaan is ‘n voormalige finansiёle- en lewenstyl-adviseur, en tans ‘n skrywer wat ‘n boek geskryf het getiteld “Prima Tyd: Geniet jou lewe na 50”.

In sy eie woorde: Dit verskaf praktiese riglyne oor hoe om jou leefstyl in te rig om ‘n gelukkige en vervulde lewe te geniet en jou uiteindelike aftrede vir jou Prima Tyd sal wees (en nie ‘n “wagkamer vir die dood”), soos sommige mense dit ervaar nie.

In hierdie boek skryf hy oor verskeie dinge waaraan aandag gegee moet word voor jou aftrede sowel as in jou aftree-jare, en hoe om te sorg dat jy ‘n kwaliteit-lewe in hierdie lewensfase kan hê. Hy skryf dat die doel van hierdie publikasie hoofsaaklik is om lesers tussen die jare 50 en 60, maar ook jonger mense, te help om voluit te leef in hul Prima Tyd-jare. Juis daarom beveel hy ook aan dat jy hierdie boek eintlik reeds vóór jou Prima jare moet lees, sodat jy vroeg reeds kan begin beplan en dit voorbereid kan binnegaan.

Prima Tyd is ‘n nuttige handleiding met waardevolle inligting en wenke oor finansiële- en nie-finansiёle aspekte, wat jou op reis neem deur 10 hoofstukke (INHOUDSOPGAWE) en jou help kyk na ALLES wat mens moet weet om ‘n gelukkige en vervulde lewe tot in jou oudag te geniet. Van jou belangrikste basiese behoeftes vir ’n gelukkige lewe, die beplanning  van jou begroting, tot die benutting van jou tyd tydens jou aftreejare word besin. Dit begelei jou ook om te kyk na sake soos jou gesondheid, jou geestesgesondheid, jou veiligheid en sekuriteit – selfs ook na hoe om ’n geskikte woonplek te kies – en ten slotte na die beplanning van jou boedel en testament.

Hy doen dit met humor en illustrasies – werklik ‘n boek wat oud én jonk kan geniet en benut.

Om Dr Pieter van Niekerk, teoloog, skrywer en vryskutresensent, se resensie van Prima Tyd in die Kerkbode te lees – kliek hier: KERKBODE RESENSIE Prima Tyd boek 27-5-2015

Hiermee ‘n afslag-aanbod op ‘n besonder nuttige, gebruikers-vriendelike en maklik leesbare boek (ongeveer 150 pp) oor ‘n onderwerp wat vir een en almal op ‘n besondere wyse kan help.Onderstaande 30% AFSLAG-AANBOD is geldig tot einde Oktober 2016:

Prima Tyd Johannes behartig self die verspreiding as skrywer.
Die afslag-prys is R100 per eksemplaar (i.p.v. die kleinhandelprys van R150 per eksemplaar).
Bestel 5 of meer boeke teen R90 per eksemplaar of
10 of meer teen R80 elk (bv vir gemeentelede wat saam bestel en/of geskenke vir familie of vriende).
Prime Time

Die boek is ook in Engels beskikbaar as PRIME TIME – Enjoy you life after 50. Skryf gerus aan Johannes vir meer inligting, of kliek hier om ‘n bestelvorm af te laai: BESTELVORM