Hoe om e-boeke van Communitas te lees

Written by webmaster on . Posted in Inligting

Ons stel e-boeke in twee formate beskikbaar: ePub en mobi.

  • ePub kan gelees word op selfone, tablette en rekenaars.
  • Mobi kan gelees word op Kindle of op ‘n Kindle toep op selfone, tablette en rekenaars.

Om ‘n e-boek aan te skaf, klik jy op die relevante boek, klik op Buy Now (selfs al is dit gratis) en volg die instruksies.  Indien die boek iets kos, word die prys in dollar waarde vertoon.  Wanneer jy egter die aankoop doen, kan jy jou kredietkaart gebruik en die prys word in Randwaarde van jou rekening verhaal.

‘n Skakel word dan na jou Inbox gestuur om die boeke te kan aflaai. Onthou om daarna in te log by Communitas, wanneer jy jou boek wil aflaai, anders sal jy nie by jou rekening se e-boeke kan uitkom nie.  Die skakels vir jou aankope en downloads verskyn in die widget aan die regterkant van die webtuiste, genaamd: E-boeke.

Om ‘n Mobi dokument vanaf die Internet op jou Kindle te lees

Written by webmeester on . Posted in Inligting

Daar is basies drie maniere om ‘n Mobi dokument (die verstek formaat van dokumente bedoel vir die Kindle) vanaf die Internet op jou Kindle te kry, om dit te lees:
  1. Sinkroniseer jou Kindle met jou PC/Mac: Laai die Mobi dokument van die Internet af en plaas dit in die Kindle Docs vouer op jou rekenaar. Koppel jou Kindle aan jou PC/Mac via ‘n USB kabel of WiFi.  Gaan na Docs op jou Kindle en laai die dokument vanaf jou rekenaar op jou Kindle.
  2. Sinkroniseer jou Kindle met jou Cloud: Laai die Mobi dokument op jou Cloud spasie op die Internet. Laai die dokument van daar af op jou Kindle deur via jou Docs na die Cloud te gaan en dit te sinkroniseer.
  3. Stuur die Mobi dokument na jou Kindle e-pos adres: By jou Cloud spasie sal jy jou Send-to-Kindle E-mail address kry wat jy kan gebruik om ‘n mobi dokument op te laai op jou Kindle via ‘n e-pos aan daardie adres. Jy kan die adres ook kry op die Internet deur te gaan na Manage your Kindle by Amazon.com. Klik dan op Manage your Devices. Dit geld ook vir Kindle toeps op iOS en Android selfone en tablette.

Hoe om ePub en Mobi publikasies te lees op jou rekenaar, tablet en selfoon

Written by webmeester on . Posted in Inligting

Communitas stel eboeke in twee formate beskikbaar.

  • Mobi wat op Kindle gelees kan word.
  • ePub wat op verskeie platforms en toepassings gelees kan word.

Mobi kan ook na ePub en ePub na Mobi omgeskakel word op die web.

ePub kan onder andere deur die volgende toepassings gelees word (klik op die onderskeie skakels om die [gratis] sagteware af te laai):

Gebruik die uitnodiging om in ePub te publiseer

Written by webmeester on . Posted in Inligting

Ten spyte van die gewildheid van Kindle onder SA gebruikers, is ePub steeds die digitale formaat wat deur die wydste verskeidenheid van elesers gebruik word.  Daar is reeds 241 eboek toestelle (ereaders) en toepassings (applications) wat die ePub formaat gebruik.  Hier is ’n lys van die toepassings en elesers waarmee jy ePub kan lees.

Baie mense het reeds die Kindle applikasie of eboek leser, veral omdat die Kindle Fire HD en Kindle Paperwhite (om maar net twee te noem) tegnologies so gevorderd is en die Amazon Kindle winkel so ’n wye verskeidenheid van digitale inhoud beskikbaar stel.  Die probleem is egter dat jy nie maklik ’n Afrikaanse boek daar kan publiseer nie.

Die goeie nuus is dat jy wel ’n ePub digitale boek kan lees met jou Kindle. 

’n Mens kan wel nie ’n ePub eboek direk daarop laai nie, maar jy kan sonder veel moeite ’n ePub boek herformateer in die Amazon Kindle mobi formaat.  Die voordeel van só ’n proses, is dat jy die ePub eboeke dan op min of meer alle beskikbare digitale kanale kan lees – jou rekenaar, jou selfoon, jou tablet en so meer. 

Epub vir Kindle lesers

Written by webmeester on . Posted in Inligting

Kindle lesers

Gebruikers wat met ‘n Kindle leser ‘n epub formaat wil lees, kan dit op verskeie maniere doen. Omdat daar nie DRM kopiereg ingebou is in die epub formate wat ons beskikbaar stel nie, kan jy ‘n epub dokument “convert” na enige ander formaat, onder andere die mobi formaat vir Kindle lesers. Hier is twee “converters” wat jy kan gebruik:

  • Daar is ‘n uitstekende online diens wat letterlik ‘n dokument van enige formaat na ‘n ander kan “convert”.  Gaan na Online-convert.com en volg die instruksies.
  • Of installeer die sagteware van Calibre om ‘n epub boek na Kindle (mobi) formaat te verander. Laai dit af by Calibre-ebook.com. Vir meer inligting hoe om presies te werk te gaan, kan jy hier kyk na ‘n deeglike verduideliking: How-to-read-epub-books-on-your-kindle.  (Dankie Danie Mouton vir die inligting!)

Eboeke in Epub formaat

Written by webmeester on . Posted in Inligting

Communitas

Communitas fokus op hulpverlening aan leraars en leiers in gemeentes.  Met Communitas word dit nou ‘n stappie verder geneem.  Ons wil produkte saam met rolspelers ontwikkel wat nie noodwendig kommersiële waarde inhou nie, en hoofsaaklik elektronies bemark word.  Dit sluit onder andere hulpmiddels, bedieningsmateriaal, hulpbronne, en prosesse vir gemeenteleiers en –groepe in.

Ons gaan op twee maniere te werk gaan. 

  1. Communitaspublikasies: Sommige publikasies sal aan die hand van ons eie interne prosesse voorberei word en sal ‘n Communitas ISBN nommer ontvang.  Ons dink hier aan nuwe produkte, maar ook ouer publikasies wat uit druk is.
  2. Selfpublisering: Ander publikasies sal sonder enige verandering geplaas word, om leraars en leiers geleentheid te gee om hulle materiaal vir ‘n wyer gehoor beskikbaar te stel.

Die hulpmiddels kan in enige elektroniese formaat beskikbaar gestel word.  Vir leeswerk sal ons aanvanklik met Epub werk, omdat Amazon nog nie Mobi formaat publikasies wat in Afrikaans geskryf is vir Kindle toepassings toelaat nie.  Vir Dataprojektors kan PowerPoint, videos en oudio gebruik word.  Ander produkte kan in Word en Pdf beskikbaar gestel word vir redigering en/of duplisering.  Uiteraard sal daar ook altyd die moontlikheid wees van bydraes op ons Blogs en Forums.

Ons nooi al ons leraars en leiers uit om dié geleentheid aan te gryp en óf publikasies aan ons voor te lê vir insluiting in ons Communitas prosesse óf die kans tot selfpublisering te benut.

Epub kan onder andere deur die volgende toepassings gelees word:

Kontak die webmeester.

Kindle lesers

Gebruikers wat met ‘n Kindle leser ‘n epub formaat wil lees, kan dit op verskeie maniere doen. Omdat daar nie DRM kopiereg ingebou is in die epub formate wat ons beskikbaar stel nie, kan jy ‘n epub dokument “convert” na enige ander formaat, onder andere die mobi formaat vir Kindle lesers. Hier is twee “converters” wat jy kan gebruik:

  • Daar is ‘n uitstekende online diens wat letterlik ‘n dokument van enige formaat na ‘n ander kan “convert”.  Gaan na Online-convert.com en volg die instruksies.
  • Of installeer die sagteware van Calibre om ‘n epub boek na Kindle (mobi) formaat te verander. Laai dit af by Calibre-ebook.com. Vir meer inligting hoe om presies te werk te gaan, kan jy hier kyk na ‘n deeglike verduideliking: How-to-read-epub-books-on-your-kindle.  (Dankie Danie Mouton vir die inligting!)