Johannes in ePub formaat

Written by webmeester on . Posted in Eboeke

Die evangelie van Johannes fokus op Jesus as die gestuurde Woord van God wat volledig mens geword het. In hoofstuk 1-12 vertel Johannes van Jesus se publieke Joodse bediening met ’n fokus op wondertekens wat sy ware identiteit as die Seun van God openbaar. In Jesus ervaar ons God se genade en waarheid.

In hoofstuk 13-20 fokus Johannes op die persoonlike bediening van Jesus aan sy dissipels wat uitmond in sy verheerliking deur sy lyding, kruisdood en opstanding as publieke getuienis aan die wêreld. In Jesus vind ons die model van dissipelskap waarin die liefde – soos God liefhet – die kern van alles is.

Die evangelie eindig in hoofstuk 21 met die roerende verhaal van Petrus wat by hernuwing geroep word. Daarmee word die dissipels deur God gestuur om op dieselfde wyse as Jesus sy genade en waarheid aan die wêreld te bring, sodat die wêreld kan glo.

Hierdie is die vierde boek in die reeks Lees, Luister, Leef gemik op Bybelstudiegroepe, Bybelskole en persoonlike stiltetyd. Klik hier om dit aan te skaf.

Support independent publishing: Buy this e-book on Lulu. By Chris van Wyk

Appels – Videoclip

Written by webmeester on . Posted in Evideos

appels from Communitas on Vimeo.

In die video word die metafoor van gravitasie gebruik om God se werking in ons lewens te verstaan. Ons beperk soms God se werking as slegs iets wat in ie verlede gebeur het en weer in die toekoms ‘n invloed gaan hê. Soos gravitasie egter deel van ons lewe is, is God ook en kan ons net daaraan oorgee.

Communitas-e – 5 November 2012

Written by webmeester on . Posted in Enuus

1. GOD KIES SY SPAN

Gerrie van Deventer

Ons gemeentes hier in Mosselbaai (NG Mosselbaai en VGK Mosselbaai) het voorheen al lekker as ‘n span saamgewerk, dienste saam aangepak, by basaars wedersyds stalletjies gehad en ondersteun. Maar ai, dan val mens gou weer uit die span uit en oefen afsonderlik op eie velde.

God as Afrigter en Keurder het egter ‘n ander plan. Want sien, daar is baie soorte nood in Mosselbaai, waaronder mense met MIV & Vigs, TB, kanker en allerlei siekes in die Provinsiale hospitaal. En die Here het uit albei kerke mense begin oproep om ‘n verskil te maak. Die Tabita-groep by die VGK het ‘n houer waarin allerlei benodigdhede vir pasiente in geplaas kan word en het ‘n span wat mense in die hospitaal besoek. Hulle het ook die Here se roepstem gehoor om mense aan huis te besoek en vat hande met Home Base Care. Die Omgee-bediening van NG Moedergemeente begin met besoeke by die hospitaal, veral die kindersaal, en kyk ook na praktiese ondersteuning, terwyl van ons lidmate as verpleegsters by Home Base Care ‘n pad met mense by hulle huise begin stap.

Gebruik die uitnodiging om in ePub te publiseer

Written by webmeester on . Posted in Inligting

Ten spyte van die gewildheid van Kindle onder SA gebruikers, is ePub steeds die digitale formaat wat deur die wydste verskeidenheid van elesers gebruik word.  Daar is reeds 241 eboek toestelle (ereaders) en toepassings (applications) wat die ePub formaat gebruik.  Hier is ’n lys van die toepassings en elesers waarmee jy ePub kan lees.

Baie mense het reeds die Kindle applikasie of eboek leser, veral omdat die Kindle Fire HD en Kindle Paperwhite (om maar net twee te noem) tegnologies so gevorderd is en die Amazon Kindle winkel so ’n wye verskeidenheid van digitale inhoud beskikbaar stel.  Die probleem is egter dat jy nie maklik ’n Afrikaanse boek daar kan publiseer nie.

Die goeie nuus is dat jy wel ’n ePub digitale boek kan lees met jou Kindle. 

’n Mens kan wel nie ’n ePub eboek direk daarop laai nie, maar jy kan sonder veel moeite ’n ePub boek herformateer in die Amazon Kindle mobi formaat.  Die voordeel van só ’n proses, is dat jy die ePub eboeke dan op min of meer alle beskikbare digitale kanale kan lees – jou rekenaar, jou selfoon, jou tablet en so meer. 

Hooglied in ePub formaat

Written by webmeester on . Posted in Eboeke

Hooglied cover 200pxHooglied se liefdesgedigte belig verskeie kante van die liefde, die passievolle plesier in mekaar se geselskap, die wedersydse geborgenheid by mekaar, en die genot van seksuele eenwording binne die veilige ruimte van die familie en die huwelik. Hooglied besing nie net die hoogtepunte van die seksuele liefde nie, maar vertel ook van die teleurstellings en verwyderings, selfs die ongelykheid wat daar in die proses van seksuele vervulling kan ontstaan.

Dit is die essensie van die wysheid van Hooglied, dat die liefde in al sy dimensies beskrywe word, om te dien as motivering vir ‘n interafhanklike, wedersydse ontvanklikheid vir en ontwikkeling van die seksuele liefdesverhouding tussen die man en vrou. So leer ‘n mens dat liefhê ‘n kuns is wat nie net op onderlinge aantrekkingskrag gebaseer kan word nie, maar ook ‘n emosionele volwasse wording van die verhouding moet insluit. Hierdie is die derde boek in die reeks Lees, Luister, Leef gemik op Bybelstudiegroepe, Bybelskole en persoonlike stiltetyd.

Hierdie is die derde boek in die reeks Lees, Luister, Leef gemik op Bybelstudiegroepe, Bybelskole en persoonlike stiltetyd.  Die eerste twee was die boek Prediker en Spreuke.  In die pyplyn vir verdere ePub publikasie is onder andere Johannes en Jesaja.

Vir reekse oor ander Bybelboeke (reeds 27 beskikbaar) kan jy Bybelskool.com besoek en daar inskryf.  Dit is gratis.

Support independent publishing: Buy this e-book on Lulu.

ePub kan onder andere deur die volgende toepassings gelees word:

 

Kindle lesers

Gebruikers wat met ‘n Kindle leser ‘n ePub formaat wil lees, kan dit op verskeie maniere doen. Omdat daar nie DRM kopiereg ingebou is in die ePub formate wat ons beskikbaar stel nie, kan jy ‘n ePub dokument “convert” na enige ander formaat, onder andere die mobi formaat vir Kindle lesers. Hier is twee “converters” wat jy kan gebruik:

  • Daar is ‘n uitstekende online diens wat letterlik ‘n dokument van enige formaat na ‘n ander kan “convert”.  Gaan na Online-convert.com en volg die instruksies.
  • Of installeer die sagteware van Calibre om ‘n ePub boek na Kindle (mobi) formaat te verander. Laai dit af by Calibre-ebook.com. Vir meer inligting hoe om presies te werk te gaan, kan jy hier kyk na ‘n deeglike verduideliking: How-to-read-epub-books-on-your-kindle.  (Dankie Danie Mouton vir die inligting!)

Communitas-e – 23 Oktober 2012

Written by webmeester on . Posted in Enuus

1.  Co-mission-ing: Worship of the Missional Church

Jannie Swart

Those familiar to missional church conversations are used to the fairly common practice of rooting mission in the trinitarian character of Christian theology.  As my doktorvater, Gary Simpson, frequently says,  “No Trinity, No Mission” (the title of his article in the Summer 1998 volume of Word & World).