COMMUNITAS: ʼn Terugblik met die oog op die toekoms

Written by Wilma le Roux on . Posted in Ekklesia, Nuus, Oor ons, Personeel, Personeel-funksies

Communitas se 10-jarige

verjaarsdag vieringe

 

 

Op Vrydag 15 September het die personeel van Communitas, Ekklesia, die Kerkargief en personeellede van die Bellville-Sinodale kantoor saam gekuier om die 10de verjaarsdag van Communitas te vier. Hierna het die personeel as spanbou gaan aarbeie pluk op die polkadraai-aarbeiplaas – kliek hier om die foto’s te sien.

Frederick Marais skryf as volg:

Communitas is tien jaar oud vandag, ons is dankbaar is meer as ooit gemotiveer om die geleentheid wat ons gegun word te benut om, soos Pat Keifert dit uitdruk, in, saam, langs, onder en soms teen gemeentes ʼn reis te onderneem waarin ons oop is om gevorm te word deur die Woord en Gees tot gemeenskappe waarin die Koninkryk van God sigbaar word.

Lees onder die fotobeeld van die saamkuier verder aan Frederick se terugblik- en ‘n vorentoe kyk na ‘n innoverende toekoms …

Wat ʼn voorreg is dit nie om deel te kan wees van hierdie span mense nie. Communitas was nog altyd bevoorreg om as span saam te werk. Ons krag is dat ons ʼn span is waarin PSD’s en ondersteuningspersoneel mekaar ondersteun en ter wille van die gemeentes wat ons bedien, bereid is om waagstukke aan te gaan.

Eers ʼn vinnige terugblik:

Michiel van der Merwe was die eerste Direkteur van BUVTON (Buro vir Voortgesette Teologiese Onderrig en Navorsing). BUVTON is gevestig vanuit die droom van Prof David de Villiers: dat daar ʼn plek moet wees waar predikante versorg en ontwikkel kan word. Vir hierdie droom het hy geld ingesamel en so is BUVTON gevestig as ʼn buro van die Fakulteit Teologie. Sedert die middeltagtigs het Michiel die fondament gelê vir wat ons vandag as Communitas ken. Michiel het van die begin af spanne mense ingetrek en bemagtig om te help met bediening aan gemeentes en predikante.

Bêre jou kerkskoene en trek jou “gumboots” aan …

Written by Wilma le Roux on . Posted in Communitas Inligting, Nuus, Personeel, Personeel-funksies

Communitas Spandag

2017

… ons gaan aarbeie pluk !

Vrydag 17 September was Communitas se verjaarsdag, en na die koek-en-tee om die geleentheid behoorlik te vier, het die span letterlik hul gumboots aangetrek en gaan aarbeie pluk.

Polkadraai het pas oopgemaak en die kompetisie was groot om te kyk wie … die meeste kan EET, en … die grootste aarbei kan pluk!

 

Staatskaping : Verklaring van die SARK

Written by Wilma le Roux on . Posted in English, News, Nuus, Vennote

Gemeentes kan gerus hierdie belangwekkende verklaring van die SARK deel op hulle gemeenteblaaie of ‘n kopie daarvan beskikbaar maak vir gemeentelede om te lees.

Dit is uiters noodsaaklik dat gemeentes ingelig word tov die stem van die ekumeniese kerk oor staatskaping in ons land.

 

State of Capture: Much More Than Corruption

“Our experience had made us acutely aware of the possible dangers of a government that is neither
transparent nor accountable. To this end our Constitution contains several mechanisms to ensure
that government will not be part of the problem” – Nelson Mandela, 1996 –

 

The Power Elite Anchored at the Top

• “If it were up to me and I made the rules, I would ask for six months as a dictator. You would
see wonders, South Africa would be straight. That’s why if you give me six months, and allow Zuma
to be a dictator, you would be amazed. Absolutely. Everything would be straight. Right now to make
a decision you need to consult. You need a resolution, decision, collective petition, Yoh! It’s a
lot of work.”
– President Zuma, July 2016.

7 Ways The President’s Power-Elite Undermines the State

1. Securing control over state wealth, through the capture of state- owned companies by
chronically weakening their governance and operational structures.
2. Securing control over the public service by weeding out skilled professionals.
3. Securing access to rent-seeking opportunities by shaking down regulations to their advantage,
and to the disadvantage of South Africans.
4. Securing control over the country’s fiscal sovereignty.
5. Securing control over strategic procurement opportunities by intentionally weakening key
technical institutions and formal executive processes.
6. Securing a loyal intelligence and security apparatus.
7. Securing parallel governance and decision-making structures that undermine the executive.

Die Verklaring sluit af met die volgende:

#7 of 7: Undermining of Collective Political Institutions in the Executive

There appears to be concerted efforts underway that undermine collective political institutions in
the Executive, including Cabinet. It appears that critical decisions are delegated to handpicked
groups, masked as Inter-Ministerial Committees, that are able to function in an unaccountable
manner. Recent examples include:
• The IMC on Banks (purportedly set up to investigate the regulations and legislation that govern
them, but strangely chaired by Mines Minister Mosebenzi Zwane and set up after the Bank’s closed
the Gupta bank accounts);
• The IMC on Communication, unusually chaired by the President;
• The National Nuclear Energy Co-ordination Committee (NNEECC), as already
stated above, and chaired by President Zuma.
The nature of IMC’s is that in and of themselves they lack transparency, in that they do not report
to Parliament (which individual members of Cabinet are required to do) and they are not formulated
in legislation (as is the case of formal Cabinet Structures).
In essence, we must ask the question whether Cabinet is still able to function as a
forum for honest deliberation on matters of public policy.

Om die hele dokument af te laai, kliek hier: Final MEDIA SACC presentation

 

‘n Hartseer dag

Written by Wilma le Roux on . Posted in Nuus, Predikante begeleiding, Taakspanne, VBO

Hulde aan Freddie Schoeman

Nelis Janse van Rensburg bring treffend hulde aan Freddie Schoeman van die Oostelike Sinode, wat gister skielik oorlede is.

“Freddie Schoeman se skielike heengaan vandag, is vir die NG Kerk ‘n reuse-verlies. Hy was ‘n toegewyde leraar, pastor, priester, begeleier van mense, wonderlike liturg, uitnemende teoloog, dosent, leier, denker, innoveerder, profeet. Met sy skerp intellek, wydbelesenheid en heelhartige verbintenis om God in sy beweging in die wêreld te volg, het hy ons gehelp met diep insigte in Godskennis en menswees.

Freddie was onder baie meer onder-voorsitter van die Oostelike Sinode se Diensraad, voorsitter van die Algemene Sinode se Taakspan Vir Missionale Transformasie, NG Kerk verteenwoordiger in die bestuur van die Seisoen van Menswaardigheid, leier in die Taakspan vir Liturgie en betrokke by die ontwikkeling van preekprogramme en liturgieë. (André Bartlett skryf: ‘Freddie het ‘n fyn aanvoeling vir liturgie en ook ‘n uitgebreide kennis van die geskiedenis van die erediens en die ontwikkeling van die kerklike jaar gehad. Hy het ‘n waardevolle bydrae gelewer as lid van die eindredaksie van die “Handleiding  vir die Erediens” en het ook gereelde liturgiese bydraes gelewer vir die eredienspublikasies “Woordwyser” en “Woord en Fees “.’)

Hy het ook in die Seisoen van Luister ‘n leidende en deurslaggewende rol gespeel. Hy het ook in talle sinodale werksaamhede leiding geneem en ‘n rol gespeel. Intussen het hy sy gemeente getrou bedien en begelei.
Sy deeglikheid en hardwerkenheid het menige hardwerkende kollegas telkens beskaam.

Maar dit was sy menswees, sterk en sag, gefokus en ruimhartig, taak- en mensgerig, wat my sal laat verlang na Freddie. Sy kalmte onder druk, lojaliteit en hulp, omgee en vriendskap het oor die afgelope jare vir my en talle ander oneindig baie beteken. Ons gaan swaar die leemte vul wat sy heengaan laat.

Ons bid vir Alma en sy kinders. Ons kan maar net raai hoe hulle voel. Mag ons almal in hierdie dae, ingeneem in die verhouding tussen Vader, Seun en Gees, ervaar hoe God ons troos en saamneem in die koms van sy koninkryk.
Ons opregte simpatie gaan ook aan sy gemeente, Lyttelton-Oos, sowel as die Oostelike Sinode.”  *

Frederick Marias, PSD vir Kerklike Opleiding by Communitas op Stellenbosch, voeg by:

“Freddie was ʼn medewerker by Communitas en het o.a. help ontwerp aan die Sertifikaatkursus en van die modules aangebied. Hy was sedert 2016 ook voorsitter van die VBO-Forum.

Ons eer sy nagedagtenis en bid vir sy vrou Alma, hul kinders en kleinkind.

 

Communitas Jaareind-funksie

Written by Wilma le Roux on . Posted in Nuus, Personeel, Personeel-funksies

Le Pommier en Pniel-kuiers

2016 se Jaarafsluiting was ‘n anderster-lekkerte – eers het ons aangedoen by Le Pommier, ‘n wynlandgoed ongeveer 4.5 km buite Stellenbosch op die Helshoogtepad.

Le Pommier beteken ‘Die Appelboom’ in Frans, en was eers ‘n appelboord, wat deel was van die 300-jaar-oue Zorgvliet-plaas.

Ons het hier 4 wyne geproe rondom ‘n heerlike kaasbord: die Olivia Semillon-Sauvignon Blanc- versnit (glo vernoem na die eienaar, mac van der Merwe, se ma); die Le Pommier Rosé, ‘n heelike rooi versnit; die Le Pommier red Blend; en dan ‘n wonderlike malbec, Jonathan’s Malbec, wat vernoem is na ‘n bul met baie goeie smaak… Die bul het blykbaar in 2012 uitgebreek en ‘n groot deel van die oes opgeëet!

     
     

Die tweede deel van ons ekskursie was na Pniël se museum…

… waar ons ‘n kykie kon kry in die geskiedenis van die kerk, die dorpie en sy mense. Hier het ons gehoor hoe die sendingstasie wat opgerig is vir die vrygestelde slawe gegroei het tot die pragtige dorpie wat ons vandag sien. Die naam Pniël kom uit Genesis 32:30 en verwys na die plek waar Jakob met God geworstel het. Dit beteken letterlik “die gesig van God”.

     
   

Die laaste deel van ons kuier was rondom ‘n tafel in die museum se tuin …

… wat gekreun het onder regte egte Suid-Afrikaanse kersfeeskos: ‘n voorgereg van broodjies, gebakte vis en slaai, dan die hoofgereg: gebraaide hoender, ham, geelrys, soetpampoen, ‘n verskeidenheid groentes en slaai, as nagereg trifle (nie koekstruif nie!) en die kersie op die koek: eclairs en koffie! Ons opregte dank en waardering aan die dames van die teekamer-kiosk vir hierdie bederf.

Dankie ook aan Mathilda-hulle wat die reëlings getref het!

 

Nuwe Pelgrimstap (Vervolg)

Written by Wilma le Roux on . Posted in Communitas Inligting, Gemeentebegeleiding, Nuus, Predikante begeleiding, Taakspanne

Pelgrimstap deel 2 voltooi

pilgrim

Frederick skryf die volgende vanaf Genadendal:

Ons het giateraand in Genadendal aangekom na vier dae wat ons deur die mooiste dele denkbaar gestap het en buiten die eerste dag byna perfekte weer gehad het. Langs die pad het ‘n verskeidenheid van gemeentes ons baie hartlik verwelkom en hulle verhale vir ons vertel. Die verhale van die Rhynse Kerk, Moederkerk, Pniel Congregational kerk en slawemuseum, die Hugenote by Franschhoek, Villiersdorp en die verhaal van die Graaf-familie en uiteindelik die Morawiërs se verhaal by Genadendal, het ons verryk en hoop gegee.

Ons is oral met gasvryheid ontvang en het potensiële vennote van die Pelgrimstog ontmoet. Ons het die daaglikse ritme die Keltiese gebedeboek gevolg en het langs die pad diep geestelike gesprekke gehad oor onsself en ons land en haar mense. As pelgrim beweeg  jy stadig deur die armste dele van die dorpe en het jy spontane gesprekke met arbeiders en werkloses, wat ook maar dikwels te voet is.

Die ure op die pad is heilsaam vir jou siel. Die ritme van die stap maak jou gedagtes oop en ontvanklik. Die skoonheid van die skepping van ‘n panoramiese uitsig bo uit die berge tot die jangroentjie wat nektar oes in ‘n blom hier reg voor jou, herstel die goedheid van God se bedoeling met die skepping in jou.

Dankie vir Neels en Louise Jackson wat die hele pad saamgestap en, het Gielie wat twee dae saam gestap het.

Ons Pelgrimstog sal nou eersdaagse gestap kan word van Stellenbosch via Pniel, Franschhoek, Villiersdorp, Genadendal, Volmoed, Hermansus, Gansbaai, Baardskeerdersbos, Elim, tot by Agulhas en die Suidpunt van Afrika

Baie dankie aan almal wat die pelgrims ondersteun het met boodskappe en gebed.

Ons gee ook met dankbaarheid erkenning aan Neels en Louise Jackson vir die pragtige foto’s waarmee hulle ons gehelp het om in die gees saam te stap.

Hier onder is ‘n verdere fotobeeld van Dag 3 en 4 se roetes (Kliek op Continue Reading):

Fase 2 van die Pelgrimstog van Hoop begin

Written by Wilma le Roux on . Posted in Communitas Inligting, Dienste-Communitas, Foto's, Nuus, Personeel, Predikante begeleiding

Overberg-Pilgrimage-OF-HOPE-e-Book-1-400

Pelgrimstog word uitgebrei

Al hoe meer mense het die behoefte om ‘n pelgrimsroete te stap – ‘n geestelike dissipline wat reeds eeue beoefen word. So ‘n staptog help jou om ‘n geestelike dimensie op die staptog te herwin – enersyds deur die eensaamheid op die pad, maar andersyds ook deur die gemeenskap van jou medepelgrims en gashere langs die pad.

Omdat almal nie die finansiële vermoë het om die bekende Camino de Santiago of ander bekende Christelike roetes in die buiteland te gaan stap nie, is die Overberg Pelgrimstog van Hoop ontwikkel om verby kerke en ander plekke van geestelike en kulturele belang te loop. En so word die pelgrim geïnspireer deur die verhale van die gemeenskappe waardeur hy stap.

Hierdie week, op Maandag 20 Junie, het Frederick Marais en Adrienne Bester, die baanbrekers van die Eerste been asook die samestellers van die gids van die Overberg Pelgrimstog van Hoop, met nog ‘n been van die pelgrimstog begin deur prakties te “ontdek” hoe om dit vir pelgrims moontlik te maak om van Stellenbosch na Genadendal te stap. Peet, Adrienne se man, asook Neels Jackson stap saam, en Louise, Neels se vrou, is die ondersteuningspersoon wat met hulle per motor vergesel.

Hier onder is ‘n fotobeeld van die stap, met kommentaar soos die stappers dit op Facebook en Twitter post – ons sal dit daagliks aanvul tot die staptog voltooi is.