Kom luister na Ds Dirkie van der Spuy!

Written by Wilma le Roux on . Posted in Konferensies, Nuus

Jy word genooi na twee geleenthede waar Ds Dirkie van der Spuy van Moreletapark as spreker optree. Lidmate, gemeenteleiers en veral predikante sal dit nuttig en leersaam vind. Elkeen van die twee aande is 3 VBO-punte werd.

25 Junie: Hoe lyk en werk ‘n Christelike gemeente? Die vrug van kleingroepe; hulle rol en funksionering.
26 Junie: ‘n Leier se geestelike lewe: Vervulling met die Heilige Gees; Toerusting, die rol van die Heilige Gees en die gawes.

Tyd: 19:00 tot 21:30
Plek: Parow-Panorama Gemeente
Toegang: Gratis

LW Bevestig jou bywoning by die skriba of Ds. Etienne Nolte:

Die skiba: Mariana Botha 021 9303100 of by

Ds. Etienne 083 332 4592

TOT SIENS en BAIE DANKIE!

Written by Wilma le Roux on . Posted in Dienste-Communitas, Nuus

Zillah web2

 

Ons sê  tot siens vir

Zillah Botha

 sunflower-web-version

Woensdagoggend 26 Maart se kuier was ‘n lekker-met-‘n-traan : Communitas / Ekklesia / Fakulteit Teologie het na 6 jaar vir Zillah wat nou voltyds ouma (én oumagrootjie!) gaan wees, gegroet.

Chris Jones het vir al die dames van Communitas gevra om neer te skryf hoe hulle vir Zillah ervaar het en sal onthou, en het dit vir haar gelees as huldeblyk: 

  • Ons sal vir Zillah altyd onthou vir haar immer vriendelike teenwoordigheid, behulpsaamheid, omgee, belangstelling in ander en goeie raad by Ontvangs en die Boekwinkel. Só baie mense se pad het die afgelope 6 jaar juis híér met hare gekruis.
  • En kuier jy net ‘n bietjie langer met haar, dan loer daardie skerp (en dikwels ondeunde!) humorsin onder die professionele saaklikheid uit.
  • Vir Zillah is daar geen onderskeid tussen mense nie. Vir haar is elkeen belangrik. Sy vind verstommende geluk in die eenvoud van die lewe.
  • Haar totale, soms “kinderlike” afhanklikheid van die Here, verstom ‘n mens. Haar geloof, hoop en moed is juis die kamele wat haar deur ‘n paar woestyne gedra het. 
  • Zillah is op haar unieke manier die sement wat ‘n klomp mense aan mekaar verbind – of dit nou met foto’s is, met “spokies” of die brand van ‘n kers. Sy is dié soort mens wat elke werksplek moet hê om gesond te kan bly.
  • Sy is iemand wat maklik ruimte vir mense in haar lewe maak. ’n Ware vriendin, ’n staatmaker-ouma wat tydig en ontydig ’n brei- of hekeldingetjie aanmekaar kan slaan.
  • Sy is vir baie mense sinoniem met resepte en breipatrone: vra maar net vir ‘n lekker kaaskoekresep of hoe om ‘n handskoen te brei, en Zillah krap iets interessants uit haar onuitputlike bron van resepte en patrone.
  • En seker die heel belangrikste, is haar trots en liefde vir haar kinders en kleinkinders wat áltyd tasbaar is as sy van hulle praat.

Ons wil graag vir haar ’n oorvloedige en geseënde aftrede toebid.

Mag die Here sy liefdevolle hand van genade oor jou hou, Zillah. Geniet hierdie nuwe lewensfase!

 

 P3260063  P3260035  P3260060

P3260075

 P3260071  P3260027  P3260016  P3260034

Retrait met Dr. Kent Ira Groff

Written by webmeester on . Posted in Nuus

Ons het `n 2 ure retrait met Dr. Kent Ira Groff volgende Dinsdag 28 Januarie 2014 om 10h00 – 12h00 by die Bellville Suid Congregagational Kerk, Eendrag Straat, Bellville. Die Tema: “Caring for Your Own Soul While Caring For Others”, emphasizing spiritual disciplines – in an interactive and contemplative atmosphere. Ons ontmoet 09h30 vir tee en begin stiptelik om 10h00.

CV KENT IRA GROFF

Algemene Sinode 2013

Written by Wilma le Roux on . Posted in Nuus

Die 15de Algemene Sinode van die NG Kerk vind vanjaar plaas in Port Elizabeth.

Die Oos-Kaapse sinode is die gasheer-sinode en die Veremarksaal in die middestad is ingerig vir hierdie geleentheid.

Ben du Toit skryf: “Van Sondagaand af, met die indrukwekkende openingseremonie, is ons meegesleur deur die musiekbegeleidingspan, waarvan die massiewe orrel (aanspraak word gemaak as die grootste losstaande pyporrel in die land) ’n prominente deel vorm. Vanoggend het die sinode ook op ’n aangrypende wyse die voorreg gehad om met hierdie begeleiding die Onse Vader te sing.”

Ons neem afskeid van Ds Winston Samuels

Written by Frederick on . Posted in Nuus

Ds Winston Samuels, leraar van die VGK Wynberg, word vandag in Wellington begrawe. Ds Samuels was ‘n gewaardeerde lid van die Communitas.

Raad en ons wil  graag op hierdie wyse hulde bring aan hom. Ons betreur saam met sy gemeente en familie die feit dat hy so vroeg van ons weggeneem is en dat

ons nie die pad verder saam kon loop nie.

Ds Winston Samuels het op Maandag 7 Oktober 2013 gesterf in die amp as leraar van die VGK Wynberg-gemeente wat hy vir die afgelope 4 jaar, sedert 2009 bedien. Hy het sy bediening as tentmaker begin in 2007 by die VGK gemeente, Marydale in die Noord-Kaap. In ’n artikel wat in Rapport verskyn het na sy bevestiging in Wynberg-gemeente, het hy genoem dat hy nooit kon dink dat hy van die klein plattelandse dorpie in Marydale na die gevestigde stedelike gemeente Wynberg beroep sou word nie.

 Vir sy naaste familie, die gemeente, sy kollegas en baie ander is dit met groot skok en leedwese dat ons so skielik van hom afskeid moes neem. Ons vertrou dat almal berusting sal vind in die ontfermende genade van die Here.

 

Die Begrafnisdiens vind plaas op Saterdag 12 Oktober 2013 om 10:00, besigtiging om 09:00, by VGK Huguenot-gemeente, Paarl. Die teraardebestelling vind plaas by die begraafplaas in Wellington.

MTh Bedieningspraktyk – 2014

Written by Admin on . Posted in Ekklesia, M Th, Nuus

Die Universiteit van Stellenbosch bied ‘n twee-jaar modulêre MTh in Praktiese Teologie (Bedieningspraktyk) aan. Die doel van die program is om missionale leierskapkapasiteit te bou deur lees, sterk teologiese dialoog, deelname aan geestelike dissiplines, om te eksperimenteer met missionale leierskapsuitdagings en persoonlike besinning (joernaal) en rigting.
Sien aangeheg volledige besonderhede:
 
MTh_Bedieningspraktyk_2014