Gemeentebediening

  • Die Taakspan  Gemeentebegeleiding  is ‘n taakspan van Communitas wat gemeentes  begelei  om deel te word van  die Drie-enige  God  se  sending om die wêreld heel te maak. Ons glo dat gemeentes God se geskenk is aan dié wêreld. Ons begelei gemeentes daarom om geloofsonderskeidend deel te neem aan die inbraak van die Koninkryk van God in hulle gemeenskap.

    Kontakbesonderhede:

    • 021-808 3265
    • Voorsitter: Johan Kotze - johankotze44@gmail.com
    • Ondervoorsitter: Andries Daniels - adani@mweb.co.za
    • Frederick Marais - jfm@sun.ac.za (PSD NGK)
    • Ronnie Noemdoe - ronnie@bmedia.co.za (PSD VGK)
    • Divine Robertson - dr@sun.ac.za (admin beampte)

    Lees meer ...

Nuwe Pelgrimstap (Vervolg)

Written by Wilma le Roux on . Posted in Communitas Inligting, Gemeentebegeleiding, Nuus, Predikante begeleiding, Taakspanne

Pelgrimstap deel 2 voltooi

pilgrim

Frederick skryf die volgende vanaf Genadendal:

Ons het giateraand in Genadendal aangekom na vier dae wat ons deur die mooiste dele denkbaar gestap het en buiten die eerste dag byna perfekte weer gehad het. Langs die pad het ‘n verskeidenheid van gemeentes ons baie hartlik verwelkom en hulle verhale vir ons vertel. Die verhale van die Rhynse Kerk, Moederkerk, Pniel Congregational kerk en slawemuseum, die Hugenote by Franschhoek, Villiersdorp en die verhaal van die Graaf-familie en uiteindelik die Morawiërs se verhaal by Genadendal, het ons verryk en hoop gegee.

Ons is oral met gasvryheid ontvang en het potensiële vennote van die Pelgrimstog ontmoet. Ons het die daaglikse ritme die Keltiese gebedeboek gevolg en het langs die pad diep geestelike gesprekke gehad oor onsself en ons land en haar mense. As pelgrim beweeg  jy stadig deur die armste dele van die dorpe en het jy spontane gesprekke met arbeiders en werkloses, wat ook maar dikwels te voet is.

Die ure op die pad is heilsaam vir jou siel. Die ritme van die stap maak jou gedagtes oop en ontvanklik. Die skoonheid van die skepping van ‘n panoramiese uitsig bo uit die berge tot die jangroentjie wat nektar oes in ‘n blom hier reg voor jou, herstel die goedheid van God se bedoeling met die skepping in jou.

Dankie vir Neels en Louise Jackson wat die hele pad saamgestap en, het Gielie wat twee dae saam gestap het.

Ons Pelgrimstog sal nou eersdaagse gestap kan word van Stellenbosch via Pniel, Franschhoek, Villiersdorp, Genadendal, Volmoed, Hermansus, Gansbaai, Baardskeerdersbos, Elim, tot by Agulhas en die Suidpunt van Afrika

Baie dankie aan almal wat die pelgrims ondersteun het met boodskappe en gebed.

Ons gee ook met dankbaarheid erkenning aan Neels en Louise Jackson vir die pragtige foto’s waarmee hulle ons gehelp het om in die gees saam te stap.

Hier onder is ‘n verdere fotobeeld van Dag 3 en 4 se roetes (Kliek op Continue Reading):

Uitnodiging na SAKOV-konferensie

Written by Wilma le Roux on . Posted in Gemeentebegeleiding, Konferensies

SAKOV embleem

Alle SAKOV-lede, orreliste, predikante en “band”-leiers en belangstellendes word uitgenooi na die jaarlikse

SAKOV -konferensie 2015

Dit vind plaas op Saterdag, 1 Augustus 2015 by die NG Moedergemeente, Wellington (Kerkstraat)

Registrasie vind plaas om 7:30 en die kursus duur tot 13:00

Die jaar is SAKOV bevoorreg om vir dr. Colin Campbell, assistent-professor in orrel en universiteitsorrelis aan die Texas A&M International University, by die konferensie te verwelkom. Hy is landwyd in Suid-Afrika bekend as bekende kerkmusiekkenner.

  • Die dag skop af met ‘n baie interessante lesing oor die geskiedenis van NGK Wellington gaan aanbied. Die kerk (en dorp) is vanjaar 175 jaar oud en die bekende kerkvader, dr. Andrew Murray, het hier diep spore getrap.
  • Daarna sal Winand Grundling ‘n paar nuwe (ou) liedere virdie kursusgangers verfris en ophelder.
  • Erik Dippenaar se lesing sal handel oor die vroegste pyporrels wat in Suider-Afrika te vinde is, sowel as oor die vroegste orrelliteratuur wat hier gespeel is. Die lesing sal onder meer voorbeelde uit die laat-agtiende eeuse manuskripboeke van Meent Borcherds insluit, en kursusgangers sal die geleentheid kry om deur samesang deel te kan hê aan hierdie wonderlike kultuurskat.
  • Eon Malan en Fanus Minnaar van Church Music Centre sal ook teenwoordig wees. Eon gaan ‘n musiekboekuitstalling doen. Bring dus genoeg geld saam om jou repretorium aan te vul. Daar sal ‘n sessie wees waar hy baie van die musiek gaan demonstreer.
  • Dr. Colin Campbell se sessies gaan handel oor “Die rol van die begeleier/orrelis binne missionale erediens” en “Die ekumeniese skuiwe in die Afrikaanse (NG Kerk) en sy ervarings hiervan na die Episcopal Church USA in Laredo TX.”

Die koste verbonde aan hierdie vergadering is R150 en sluit alle verversings en kursusmateriaal in. Indien kerke ‘n groep van meer as 5 persone stuur, kan hulle die kursus bywoon teen R130 p.p.

Om in te skryf:

  1. Voltooi die inskrywingsvorm (sien skakel onder)
  2. Betaal die inskrywingsfooi (bankbesonderhede onder)
  3. Faks die voltooide vorm PLUS betaalbewys na 086 608 0135 VOOR 24 Julie 2015.
Kliek hier vir ‘n inskrywingsvorm:  Inskrywingsvorm SAKOV Konf 2015

SAKOV-BANKBESONDERHEDE
Rekeningnaam: Suid-Afrikaanse Kerkorrelistevereniging
Bank: ABSA
Takkode: 632005
Tjekrekeningnommer: 0290 810 574
Verwysingsnommer: WK: Voorletters en Van

 

Missionale Konferensie

Written by Wilma le Roux on . Posted in Dienste-Communitas, Foto's, Gemeentebegeleiding, Gestuurdheid, Konferensies, Nuus

  • Bishop Graham Cray van Fresh Expressions-faam oor Missional Movement in the UK2015-01-19 Bishop Cray

  • Dr Frederick Marais aan die woord oor  Missional Movement in South Africa20150119_Frederick Marais

  • Prof Nelus Niemandt praat oor Experiences with denominations in South Africa2015-01-21 Prof Nelus Niemandt

  • Heerlike kos is verskaf deur Niel en sy span van van Cafe Manna en Katjiepiering restaurant IMG-20150120-01281

  • Saamkuier en eet in die loopgangIMG-20150120-01284

  • Uitspan op die mooi ou trappeIMG-20150120-01282

‘n Kursusganger gee enkele indrukke oor die Missionale Konferensie:

Ek het die konferensie om veral drie redes bygewoon. Ek
a. wou graag my verstaan van “missionaal” verbeter in lyn met die Missionale Ekklesiologie en die Raamwerkdokument wat die Algemene Sinode 2011 aanvaar het
b. reken dat die NG Kerk dringend transformasie-leierskap nodig het en wou uitvind hoe missionale leierskap hiermee kan help
c. voel aan, en ek dink hierdie is waarskynlik die vernaamste rede, dat die Heilige Gees ons ’n nuwe fokus en vuur gee wat ons kan help in ons konteks. Ek wil hierdie beweging van die Gees nie misloop nie!Dit was fantasties om die gemeenskap van gelowiges van oor die wêreld heen asook verskillende denominasies te beleef. Waar anders as waar die Gees werk, sal NG en Apostoliese geloofsending, VGK en Gereformeerd, Luthers en Pentecostals, Katoliek en Congregational bymekaarkom!

Ek is beïndruk met die diep nadenke asook die kwaliteit van die sprekers, mense wat as gelowiges die wil van God vir ons tyd soek. Hoe lekker is dit om verruim te word met denke vanuit verskillende kontinente.

Wat my opgeval het, is dat die Gees besig is om regoor die wêreld die liggaam van Jesus Christus aan te raak met ’n nuwe verstaan van wat dit beteken om deel te wees van die Missio Dei, gestuur wees deur die Drie-enige God. Om te dink dit was eintlik nog heeltyd die DNS van die kerk!
Dit voel vir my ek het ’n kykie gekry in die gemeenskap van die Drie-enige God wat Sélf missionaal met Mekaar omgaan en sowaar vir ons ook innooi.

Wat bevrydend is, is om (op)nuut te besef: God is lewend! God is besig met sy wêreld! En ons hoef net by God in te val!

Wat nodig is, is om mekaar te help om regtig geloofsonderskeidend die Woord én ons konteks te lees – luisterend met nuwe ore.

Wat gedoen moet word, is om diep spiritueel die beweging van die Gees te onderskei, soos die Gees ook werk in die ervarings van gemeentelede, gemeentes en gemeenskappe en dit te vertaal na goeie organisasie, strategieë, praktyke en geloofsgewoontes.

Wat vereis word, is die opofferende kruis optel soos Jesus, die moed wat die Heilige Gees gee, die liefde wat God ons gee.

Missionaal – as enigste hoop vir die wêreld!

(Dr Jannie le Roux, Gordonsbaai)

PowerPoints vir Missionale Konferensie 2015

Written by webmaster on . Posted in Gemeentebegeleiding

missionalVan 19 – 21 Januarie 2015 te Stellenbosch het meer as 170 kursusgangers die voorreg gehad om deel te wees van ’n konferensie wat saam gedink het oor die toekoms van missionale teologie en missionale gemeentes en kerke. Ons het die voorreg gehad om interaksie te kon hê met leiers op hierdie gebied soos Darell Guder, Pat Kiefert, Bishop Cray en Nelis Niemandt. Verskeie sprekers het PowerPoints gebruik en dit is hier aflaaibaar:

Volledige klank en beeld opnames is deur Bybel-Media gedoen en hulle kan gekontak word by 021 873 0822 of 14 Versailles Upper Street, Wellington, 7655.

Gemeentebediening

Written by webmeester on . Posted in Gemeentebegeleiding

Die Taakspan  Gemeentebegeleiding  is ‘n taakspan van Communitas wat gemeentes  begelei  om deel te word van  die Drie-enige  God  se  sending om die wêreld heel te maak. Ons glo dat gemeentes God se geskenk is aan dié wêreld. Ons begelei gemeentes daarom om geloofsonderskeidend deel te neem aan die inbraak van die Koninkryk van God in hulle gemeenskap.

Kontakbesonderhede:

  • 021-808 3265
  • Voorsitter: Johan Kotze – johankotze44@gmail.com
  • Ondervoorsitter: Andries Daniels – adani@mweb.co.za
  • Frederick Marais – jfm@sun.ac.za (PSD NGK)
  • Ronnie Noemdoe – ronnie@bmedia.co.za (PSD VGK)
  • Divine Robertson – dr@sun.ac.za (admin beampte)

Vry om te kan kies

Written by Frederick on . Posted in Gemeenteverhale

Ek bevind my tans in die gevangenis en dien ‘n vonnis van sewe jaar uit weens bedrog. My huidige posisie is egter die uitvloeisel van nagenoeg 15 jaar van dwelmafhanklikheid. En dit is maar net die resultaat van ongehoorsaamheid aan die Here. Wanneer ek nou terugkyk kan ek elke wesenlike besluit duidelik identifiseer. Dit was besluite wat ek op my eie geneem het sonder om ons Vader daarin te ken.

Deur my eie wilskrag en beste bedoelings kon ek nooit uit die greep van afhanklikheid loskom nie. Ek moes eers alles verloor en in die gevangenis beland voordat ek my tot God gekeer het.

Vandag dank ek Hom vir alles wat oor my pad gekom het. As dit nie gebeur het nie, sou ek dalk nooit tot inkeer gekom het nie. Dit is ironies dat ek hier toegesluit is, maar nou vir die eerste maal ware vryheid ervaar. Ek het nou “vryheid van keuse”. Wat ek bedoel is dat ek vry is om die keuse uit te oefen om die Here te dien. Alhoewel dwelms hier geredelik beskikbaar en bekombaar is, het ek die keuse om dit te weier. Dit alles het die Here vir my gegee. Ek kan waarlik sê dat ek ‘n nuwe skepsel is.

Om dié redes is u studiegidse vir my van onskatbare waarde. Geestelik is ek nog maar ‘n baba. Ek het melk nodig vir my voortgesette groei. Die studiegidse is in ‘n beknopte en eenvoudige formaat saamgestel, maar bevat al die waarhede wat ek nodig het om te groei “…tot ‘n volwasse man, tot die mate van die volle grootte van Christus.” (Efes 4:13)

Baie dankie vir die wonderlike studiegidse van Bybelkor.

Niemand kan die Kind onttroon

Written by Frederick on . Posted in Gemeenteverhale

My oë  dwaal oor die gemeente . Links voor sit my kleinkinders in verwondering na hulle oupa en kyk, en toe vang my oog hom. Regs voor jn die orrelkantblok direk langs die paadjie ln die vierde ry. n Pragtige blonde seuntjie op sy pa se skoot niks ouer as tweejaar nie. Ek kry n knop in my keel maar Herodus neem oor en ek blaker my moordplan aan die gemeente uit.

Uiteindelik is dit verby. Al die karakters staan op die verhoog. Deur die kerkgebou klink die die wonderlike woorde van stille nag. Die laaste reels van vers drie gryp my aan  “Jesus Heer, voor U mag, voor u ryk moet die duisternis swig, tot in ewigheid bly U die lig. Heer gebore vir ons”.

Ek kyk na die dankbare gesigte voor ons en die trane loop ongevraagd oor my wange. Ek kyk na Lynette wat die dryf   agter die kersspel  was en sien hoe sy versigtig en half ongemerk die trane afvee .   Ek merk ook talle ander wat aan hulle “neuse” vat.

 

Toe  weet ek verseker: God laat nie toe dat enigiemand Sy Kind sy Troon ontneem nie, ook nie Herodus nie.

Herodus se aanslag op Christus  se  troon hoewel onmenslik wreed bevestig God se almag en gee daarom vir ons hoop

Vrede en vreugde .

Frik/ Herodus