Gemeentebediening

  • Die Taakspan  Gemeentebegeleiding  is ‘n taakspan van Communitas wat gemeentes  begelei  om deel te word van  die Drie-enige  God  se  sending om die wêreld heel te maak. Ons glo dat gemeentes God se geskenk is aan dié wêreld. Ons begelei gemeentes daarom om geloofsonderskeidend deel te neem aan die inbraak van die Koninkryk van God in hulle gemeenskap.

    Kontakbesonderhede:

    • 021-808 3265
    • Voorsitter: Johan Kotze - johankotze44@gmail.com
    • Ondervoorsitter: Andries Daniels - adani@mweb.co.za
    • Frederick Marais - jfm@sun.ac.za (PSD NGK)
    • Ronnie Noemdoe - ronnie@bmedia.co.za (PSD VGK)
    • Divine Robertson - dr@sun.ac.za (admin beampte)

    Lees meer ...

Gevangenis maak sy hart oop

Written by Frederick on . Posted in Gemeenteverhale

‘n Gevangenis se getuienis nadat hy ‘n Byelkorkursus gedoen het:

Baie dankie vir die eerste Bybelkorkursus, “As die tronkdeur toeslaan”. In woorde kan ek nie vandag beskryf wat ek alles deur die twaalf hoofstukke van dié boekie ervaar het nie, maar die gevoel wat ek het is onbeskryflik. Ek is nog jonk in die geloof, maar hierdie eerste kursus het my laat besef dat ek nie sonder Christus kan lewe nie. Binne-in my hart is daar ‘n rustigheid omdat ek vrede met myself en met God gemaak het. Alles omdat ek my lewe vir God oopgemaak het en vergifnis gevra het vir die leed wat ek die slagoffer aangedoen het, al die hartseer wat ek vir my ma, my familie, my vrou en my vriende veroorsaak het. Al wat ek nog moet doen, is om ook aan hulle te skryf en hulle te vra om my te vergewe. Van nou af kan ek met blydskap vorentoe kyk. Ek sien uit na die dag wat ek saam met Christus uit die gevangenis sal stap.

Ek sal graag nog ‘n kursus wil ontvang. God seën u en al die gelowiges wat donasies gegee het om ons te help om deur middel van hierdie kursusse geestelik te groei sodat ons die Here kan dien. Baie dankie!

Liefde beliggaam

Written by Frederick on . Posted in Gemeenteverhale

Vannag ‘n hartseer/hoopvolle storie by my opgekom…

Begrafnis van Joey Groenewald paar weke gelede – kanselkleed van Grabouw se NG Kerk met die God is Liefde.  En in die middelste blok, reg onder die kansel, vir die eerste keer vir my werklik beliggaam, waar Joey se lewensmaat van 28 jaar, bruin en ‘n vrou, saam met haar familie in voorste bank sit, en agter hulle al die bruin vriende van baie jare, saam met ons Grabouw-vriende, bure en familie…

Dis die kerk en dit is God se liefde vir my.

 

Geloof gee taal om te praat oor grense

Written by Frederick on . Posted in Gemeenteverhale

Ek dink ek het vanjaar ontdek hoop is altyd local. Dit staan met haar voete plat op die aarde van gewone mense, in ‘n gewone dorp/stad.

So hier is myne:

Ma skoonma het in Februarie gesterf. Ek was gelukkig om haar te kon besoek in Kimberley in die hospitaal, ongeveer 3 weke voordat sy gesterf het. Toe ek inkom, vertel sy vir my van haar kamermaats. Aanvanklik het hulle nie met haar gepraat nie, vertel sy, maar toe sy haar Bybel uithaal om te lees, vra hulle dat sy dit hardop moet doen. Sy doen dit, vra gebedsversoeke, bid vir hulle, deel saaam met hulle in hulle pyn, deel later handeroom uit voordat almal gaan slaap. Haar huiwering aanvanklik was omdat die ander drie swart vroue was en sy nie geweet het hoe om ‘n gesprek met hulle te begin nie.

Geloof gee vir ons taal om met mekaar te kan praat as ons nie weet hoe nie. Selfs as ons ook nie eintlik wil nie, sterk geloof ons oor die grens.

Eerste Somerreën

Written by Frederick on . Posted in Gemeenteverhale

Die eerste reëndruppels van hierdie somer sal altyd vir my spesiale betekenis hê…

Wanneer ek bemoediging aan pasiente in die hospitaal doen, vra ek altyd God se leiding vir dit wat ek daardie dag moet doen.  Soms is ek verstom oor die klein dingetjies wat so ‘n groot verskil in ander se lewens kan maak.

Op pad uit na ‘n hospitaalbesoek talm ek by die laaste saal se deur.  ‘n Man lê met sy rug na my en tuur na die toegetrekte gordyne voor hom.  Ek maak kennis, vra hoe dit gaan.  Hy vertel dat hy al vyf jaar ‘n parapleeg is.  Hy lê nou al twee weke hier, want hy word vir druksere behandel. 

Ek vra of daar iets is wat ek vir hom kan doen.  “Sal jy asseblief die gordyne ooptrek?”  Ons hoor die weer buite dreun.  Die eerste reëndruppels val hard op die plaveisel buite die venster.  Ek bid vir God se liefde en genade vir hierdie man.  Saam sê ons dankie vir die eerste somerreën…

Verhale van Hoop vir Advent

Written by Frederick on . Posted in Gemeenteverhale

Advent is die Seisoen van Verwagting en Afwagting. Ons is in gespanne verwagting op die koms van die Koning.

Ons gaan hierdie seisoen van Hoop soos die afgelope 3 jaar met oorgawe vier op www.communitas.co.za.  Kyk gerus by die Preekstudies blog na preke wat hierop fokus. Op ons Gebedsblog vertel Quintus Heine waarom Om op God te wag ‘n geloofsdissipline is.

Advent is ook  bekend vir die Advent kalender wat die dae aftel na Kersfees.

 

Ons maak vanjaar  ‘n Kalender met Verhale van Hoop vir Advent.  Dit is verhale van hoop wat ons van gemeentes ontvang – regte grondvlak verhale wat so onder en tussen ons gebeur het.

 

Soos Advent vorder hoop ons dat die hoop in ons sal groei en sterker word soos wat Paulus vir die gemeente bid in Rom 15.

Stuur asb. jou Adventverhaal van Hoop uit julle gemeente of gemeenskap na Frederick Marais jfm@sun.ac.za.  Ons plaas dit graag.

Julle is natuurlik welkom om die verhale op julle gemeente se webblad te plaas of om ook so ‘n Advent kalender van Hoop op julle webblad te begin.  Soos gebruiklik kan enige bydrae by www.communitas.co.za in gemeentes gebruik word.

Advent verhaal van Hoop 10: ‘n Boom vol geel strikkies om totsiens te se

Written by Frederick on . Posted in Gemeenteverhale

Twee lidmate het beslut om ‘n plot te koop en ‘n tehuis vir terminale Vigs Weeskinders te begin. HIerdie outjies se ouers is almal oorlede en hulle het niemand om na hulle te kyk nie. Hulle is self ook terminaal en  HIV positief. Vir die laaste paar maande op aarde probeer ons vir hulle ‘n menslike bestaan voorsien. Die lidmate doen alles op hulle eie met die ondersteuning van die gemeente. In die hoek van die erf is ‘n boom met geel strikkies. Dit is die kinders se manier om totsiens te sê aan elke kind wat sterf – ‘n geel strikkie word aan die boom gehang. Die boom is alreeds vol geel strikkies! Dit maak my opgewonde dat lidmate soveel in die koninkryk doen. Die projek is al meer as ‘n jaar aan die gang en daar is tans ‘n waglys van kinders. Alles word volgens die wet gedoen en Sepang Huis is Geregistreer en ontvang maandeliks subsidie van die staat. As ons dinge kort vra ons net Sondag in die kerk en ons het elke keer letterlik ‘n berg – te veel – gekry.

Advent verhaal van Hoop 9: Die Gees bou brue

Written by Frederick on . Posted in Gemeenteverhale

Sommer net ‘n goeie gestuurde storie !
Ons het vanuit verskeie kante gehoor  dat ons en ons gemeente se vennoot by Hetherdale(VGK) ‘n meer aktiewe vennootskap moet vorm. Ons het begin  werk aan ‘n vennootskap en het daaroor begin nadink

Ons stranddiensspan wat elke jaar na Scotburgh toe gaan se begroting van R25,000.00 is in 2009 na R0.00 gesny a.g.v. finansiele druk in ons gemeente. Die Here stuur ons na VGK gemeente en saam besluit ons om ‘n span na ‘n lokale vakansie oord (Maselspoort) te stuur.Hy voorsien ook binne 3 weke ‘n bedrag van R35,000.00 om die span te stuur. Ons stel ‘n jeugspan saam van 24 lede (+- 50/50%), gee hulle vir ‘n week opleiding, ook gedeeltelik gelei deur VGK leiers. Die volle span word op 13 Desember vanuit die VGK gemeente amptelik uitgestuur tydens ‘n erediens wat deur  ds.Lourens Scheepers van Hugenoot gemeente gelei is.

Ons kom so pas terug as ‘n nuwe familie in Christus na ‘n baie suksesvolle 10 dae by die oord.

Behalwe die groot sukses wat volgens my opinie daarin gelee is dat ons verhouding met VGK nou onstuitbaar is was die uitreik ook baie suksesvol – sodanig dat Maselspoort bestuur die gekombineerde span in die toekoms wil borg en ‘n staande punt op hulle agenda gesit het. Mense in die karafaanpark is bereik (+- 1500 dagbesoekers van alle rasse). Die oorwegend wit kampeerders (wat vir ons ‘n bekommernis was) het die span met ope arms ontvang en sodoende self oor grense beweeg.

Ons beplan en het reeds met VGK gepraat om in die nuwe jaar hulle voltyds te betrek by ons New Wine beweging by die Mall soos jy in jou mail voorgestel het.

 

Groete
Blackie en die SAVGG span (Hugenoot gemeente Bloemfontein)