Aan die hardloop tot by 2015 se einde

Written by webmaster on . Posted in KIX-KOM

kixIs julle gereed vir die “nog vinniger hardloop”-kwartaal! Die laaste kwartaal het mos ’n manier om tussen al die jaareindgeleenthede so vol te raak dat jy 2 keer by jouself verby kan hardloop sonder om een keer te groet. Ek het so 2 jaar gelede ontdek dat die rede hoekom ons die Here as ver beleef eintlik net ons eie skuld is! Die Here belowe om altyd by ons te bly (Matt. 28:20), maar die probleem is, ons is so aan die hardloop dat ons nie altyd by onsself is nie! As ons die moeite doen om ons gees weer in ons liggaam te laat tuiskom, sal ons die Here naby ons beleef. Die beste manier om dit reg te kry, is deur te stop en stil te word. Mag jy die insig kry om die kwartaal gereeld stil te hou en vir jou gees te wag deurdat jy die seëninge van stilte vir jouself ontsluit.

Met die Kersgety wat om die draai is, het ons dit goed gedink om patrone te verskaf vir vingerpoppies waarmee die hele Kersverhaal vertel en uitgespeel kan word. Geniet die maak en gebruik daarvan. (Laai dit gratis af op hierdie webtuiste.)

Uit die Kix-Kantoor

Written by webmaster on . Posted in Jeug en familie, Kinderbediening, KIX-KOM

Ons weet nie hoe goed julle Sjona is nie, maar ons weet Piketberg se Kix is besig om teen snelle vaart hulle Sjona aan te leer. Die tweede kwartaal het pas begin toe ons ’n epos kry met die versoek vir nog Shona woorde. Piketberg het reeds so gewoeker dat hulle meer as net die 3 sinne kon “betaal”. Ons het ons Sjona-kenner gekontak en sy het nog ‘n paar sinne gestuur. Die nuwe sinne is:

  • Rava Bhaibheri namata zuva nezuvaLees jou Bybel en bid elke dag.

  • Mwari anondidaGod is lief vir my.

  • Mwari wakanakaGod is goed.

  • Jesu akatendekaJesus is getrou.

  • Ndinofamba naJesu – I walk with Jesus.

  • Kura pakutenda – Grow in faith.

  • Kura pakuziva Jesu – Grow in knowing Jesus.

  • Taura zvaJesu – Speak of Jesus!

ZIM ABC wat die Woord gee

Written by webmaster on . Posted in Jeug en familie, Kinderbediening, KIX-KOM

Hoe gaan dit met ons projek vir 2015?

Ons sal binnekort nog oulike idees gee om weer ‘n bietjie woema te gee met ons insamelings.

Verlede jaar se projek:

Tyd loop so vinnig aan. Wie kan nog onthou wat verlede jaar se projek was? Dit was die projek: “Vertel, vertel!”. Ons het geld ingesamel vir die “Vertel, vertel!”-Bybel wat in Zoeloe vertaal is. Hierdie Bybels gaan ons stuur na Msinga en Makhathini.

Teen einde-Maart het ons reeds die mooi bedrag van R 51 490.70 ingesamel. Ons weet daar is altyd nog gemeentes wat bydraes instuur. Julle is welkom om dit spoedig in te stuur sodat ons dit kan deurstuur. Met hierdie geld kan ons al amper 900 Bybels koop. Dit beteken 900 gesinne gaan blootgestel word aan die Bybel in hul eie taal. Dis eenvoudig geskryf sodat laerskool kinders dit vir hulle ouers kan lees. Dit gaan dus deur die skole versprei word en die kinders kan die “boek” gebruik om hulle lees te oefen en so kom die stories van ons wonderlike Here ook in die huise van Msinga en Makhathini.

Ek weet ons moet nie uitsonderings maak nie, maar ai, dis so wonderlik hoe die Here ook die harde werk van individue raaksien en dit seën dat dit tot seën van ander kan wees. Piketberg se KIX het vanjaar so gewoeker dat hulle R15 000 kon insamel. Boesmanland het ook nie lyf weggesteek nie en kon R5 000 bydra. Welgemoed het die mooi bedrag van R5 232 ingesamel en Hantam het R3 000 bygedra.

Sterkte met jul eie kinderbedienings!

Projek 2015

Written by webmaster on . Posted in KIX-KOM

Die Here het ons gelei om vanjaar by die ring van Morgenster in Zimbabwe betrokke te raak. Die ring bestaan uit 8 gemeentes. Hulle het ’n groot behoefte aan kategese materiaal en ons gaan hulle bystaan om nuwe materiaal te ontwikkel. Die goeie nuus is dat die Sinode van Zimbabwe kennis dra van die projek en as alles afgehandel is, wil hulle die nuwe kategese materiaal ook vir die res van die gemeentes beskikbaar stel. Ons gaan dus in noue vennootskap met Morgenster Sending-stasie werk en saam ontwikkel aan nuwe boekies in Sjona (hulle amptelike taal). Dit het ons laat dink aan ’n projek naam. Omdat die Sjona alfabet gebruik gaan word om die Bybel stories aan kinders te bring, het ons die naam gekies: “Zim ABC wat die Woord gee”.

Nou het ons ‘n wonderlike idee om die Sjona alphabet te gebruik in ons fondsinsameling. Julle kan die Sjona alfabet aflaai vanaf ons webtuiste. Kopieer dit en knip uit. Daar is ‘n Sjona woord vir elke letter en dit sal baie pret wees om dit aan te leer. Die plan vir ons fondsinsameling is dat die kinders indiwidueel of in groepe die letters van een van die volgende 3 sinne kan koop teen R5 ‘n letter. Die drie Sjona sinne is:

Jesus loves you – Jesu anokuda,

God is always with you – Mwari anewe nguva dzose en

We pray for you – Tinomunyengetererai.

KIX – 4de kwartaal 2014

Written by webmaster on . Posted in KIX-KOM

Ons hier by Kix is baie opgewonde, want die Here het dit so beskik dat ons droom om Kix se arms so wyd as moontlik te strek op nog ’n manier waar geword het. Ons is dankbaar om te sê dat die NG Kerk en die VGK se kinderbedieninge nie-amptelik verenig het. Ons werk saam, beplan saam en ontwikkel saam ons materiaal. Al die kerkorde prosesse moet nog sy loop neem, maar die eenheid tussen gelowiges wat op kinders fokus, kan nie gekeer word nie.

KIX.KOM 2014

Written by webmeester on . Posted in Jeug en familie, KIX-KOM

Kinders van die Bybel:

Daar is reeds 6 ontmoetings waarin verskillende kinders van die Bybel ontmoet word, op die webblad. Teen April sal daar nog 6 nuwe ontmoetings beskikbaar wees. In die tweede helfte van die jaar gaan ons ‘n wonderlike reis saam met Paulus onderneem met 12 splinternuwe ontmoetings.

Projek 2014: “Vertel, vertel!”

Ons gaan vanjaar weer binnelands werk. Ons fokus op Msinga en Makhathini. Daar is twee wonderlike sendelinge wat ons hande sterk en beide se naam is Lourens. Die twee Lourense skryf dat hulle kleuterskole baie goed aangaan … ’n projek waarby Kix ongeveer 10 jaar gelede betrokke was!

Beide het onafhanklik van mekaar die behoefte aan Zoeloe Kinderbybels uitgespreek. Projek “Vertel, vertel!” het daarom ten doel om die Kinderbybel met dieselfde naam, “Vertel, vertel!”, deur die kinders in elke huis te plaas.

Die insamelingsmetode is ook in die vorm van ʼn boekie. Jy kan ʼn voorbeeld van so ʼn “boekie” van hierdie webbladsy aflaai. Dis eintlik net ʼn A4 wat gevou word. Aan die binnekant is daar sirkels wat geldmunte verteenwoordig. As ʼn kind ʼn R5 op elke sirkel kan plak, betaal dit ʼn boekie. Neem egter die geld in en plak net ʼn plakker vir elke munt wat jy kry. ʼn Wonderlike plan sal wees as julle ʼn inkleurkompetisie hou met die boekie se voorblad. Julle kan self besluit hoe julle die kompetisie wil hou en watter pryse op die spel is. Hulle inskrywingsgeld is dan die boekie se geld.

Julle is natuurlik welkom om ʼn foto van die wenner(s) se inkleurprentjie vir ons te stuur sodat ons dit in die Kix.Kom kan plaas. Enige kinderbediening is welkom om op hierdie manier geld in te samel vir hierdie groot behoefte. Indien julle meer inligting daaroor wil hê, kontak Sharon by die jeugkantoor (021 808 9050).

Die projekliedjie kan ook afgelaai word. Dis ‘n wmv-video met die musiek en woorde.

Ons hou vanjaar weer Kix Sinode.

Boek asseblief die datum van 16 September 2014. Ons   kuier een hele dag by Stellenberg en vanjaar se tema is: “Vat dit huis toe!” Dit sinspeel op twee aspekte:

1. Ons gaan nadink oor hoe ons kinders as die draers van die goeie nuus kan toerus. Soveel ouers glo nie meer nie en omdat ons baie keer kinders bedien wat nie gelowige ouers het nie, wil ons hulle graag toerus om by die huis hulle verhouding met Jesus uit te leef. Hoe bemagtig jy klein kindertjies om die boodskap van Jesus in hulle huise in te dra, om die gesin weer te laat Bybel lees of om oor Jesus te praat? Dit sluit ook aan by ons tema: “Vertel, vertel!”.

2. Die ander betekenis van die tema is dat julle hulp-middels vir die kinderbediening daar en dan gaan maak en huis toe neem. Dis hulpmiddels wat julle sal help met die metodiek wat ons in die ontmoetings toepas.

Al die inligting van hoe julle registreer en die kostes verbonde aan die dag, sowel as reiskostes waarmee ons kan help, sal in die volgende Kix.Kom wees. Onthou – dis ook ons geleentheid om die kinderbediening aan meer mense bekend te stel. Bring soveel as moontlik mense uit jou streek saam!!

KIX-KOM

Written by Gielie Loubser on . Posted in KIX-KOM

KINDERBEDIENING

Jy ken dalk die naam Kinderkrans. Baie mense sal kan getuig hoe die Kinderkrans ’n bepalende rol in hulle lewe gespeel het. KIX  (Kinders in Christus) is ons nuwe naam en poog ons om die bediening uit die namiddag-in-die-kerksaal-vir-verbondskinders-byeenkoms te verbreed na skole en créches om ook kinders van ongelowige ouers te bereik.

By baie gemeentes het ons die boodskapgekry dat die Kinderkrans ’n verenigings-karakter gekry het en gemeentes nie lus is om aan die vereniging te behoort nie. Gemeentes is lus om hulle eie ding te doen en wil nie geld stuur nie of by die projek van die kinderkrans betrokke raak nie. Die naamsverandering wou die persepsie breek en verskeie gemeentes “behoort” nou aan KIX maar dra nie noodwendig by tot die projek nie. Die beminde “Touleiertjie” het ook dan “KIX.KOM” geraak. Die kwartaalblad is steeds die ruggraat van baie gemeentes se kinder-bedieninge.

Maar die goeie nuus is die “KIX.KOM” het ook nou elektronies geword. Al die lesse en hulpmiddels is nou beskikbaar hier op die webwerf. Kliek net op die skakel .


Soos die nuwe KIX.KOM uitkom sal ons ook die lesse uit die blad haal en op die website plaas. Die KIX.KOM word egter steeds gedruk en gepos vir die wat die gedrukte formaat verkies. Dit kos jou R10 plus posgeld (Jy betaal net vir die drukwerk- ons vra niks meer as dit nie)

Maar wat jou bediening se naam ookal is, alles wat ons hier in die Jeugkantoor het, is tot jou beskikking.

LES MATERIAAL:   

  • ‘God se incredibles’. Dit gaan oor 5 geloofshelde van die Bybel, maar dis nie net die voor-die-hand-liggendes nie.  Die volledige pakket, wat ook ’n CD insluit, is teen R50 + Posgeld by die Jeugkantoor beskikbaar.
  • KIX-KOM: Bestel gerus ons kwartaalblad, voorheenTouleiertjie, nou KIX-KOM (Kieks-kom). Die tipe materiaal wat in die blaadjie verskyn, kan van professionele Kinderbedienaars wat reekse wil hou, tot vrywilligers wat nie langer as 30 minute voorbereidings tyd het nie, bedien.
  • Verskeie boeke: Saamgestelde lesmateriaal vir verskillende ouderdomme en seisoene van die Kerkjaar.
  • Plakkers: Welkom by KIX, verjaarsdag plakkers (verskeie beskikbaar) sowel as blanko plakkers
  • Kix Kreatief CD en boekie – ballon figure, klei en ander kreatiewe aktiwiteite om aan te bied. R50 plus posgeld.
  • Pre-Teen lesse vir 9-12 jariges: 6 lesse wat oor 12 geleenthede gebruik sou kon word sowel as ‘n skattejag. R50 plus posgeld

  

Kontak Sharon by 021 808 9050 of e-pos jeug@sun.ac.za as jy belangstel om meer uit te vind.