Retraites

Written by webmeester on . Posted in Prosesse

Soorte retraites

Reeds boeke beskikbaar

Leier- en deelnemergidse

1.     Gebore as ’n metgesel

Ons is gebore (en wedergebore) om in ’n persoonlike verhouding met die Here en met ons naaste te leef.   Daar gebeur egter baie dinge met ons in die lewe wat ons lewe versuur.   Dinge wat gebeur en dinge wat mense aan ons doen, laat ons gereeld met negatiewe emosies wat ons sukkel om te verwerk.   En, in die proses beduiwel dit ook ons metgeselrol (met die Here en met mense).  In hierdie retraite bied ons ’n geestelike proses aan wat mense kan help om deur hulle negatiewe emosies te werk sodat hulle heling kan ontvang en weer met hulle metgeselrol kan aangaan.

2.     In Groot Geselskap

Die teenwoordigheid van God is die sentrale tema van hierdie program. Ons help mekaar om God se “spore” in ons lewe raak te sien en die implikasies wat dit vir ons lewe het, te deurdink.   Dit is bedoel as ’n inleidings-program en dek die basiese fasette van ons lewe saam met en voor God (spiritualiteit).

3.     Tussen pole van vlees en Gees

Saam met Henri Nouwen onderskei ons drie bewegings waarbinne ons lewe voortdurend fluktueer:

  • Ons sukkel dikwels met gevoelens van diepe ongelukkigheid wat ons innerlike vrede versteur.
  • Sommige mense is maklik om lief te hê, terwyl ons by ander weer intens sukkel om hulle lief te hê.
  • In ons verhouding met God word ons gereeld verlei deur illusies oor ons eie vermoëns en sukkel ons om werklik afhanklik van die Here te wees.
  • Ons wil mekaar help om die ongewenste gevoelens (eensaamheid, vyandskap en mag) te oorwin sodat ons meer dikwels die positiewe gevoelens (innerlike vrede, gasvryheid en broosheid) kan ervaar.

4.     Van vrees na vertroue

Dit is ontstellend om te ontdek hoe baie van ons besluite en optredes deur vrees gemotiveer en gedryf word.   Die uitdaging aan Christene is om met die Here se genade dinge eerder uit geloof en liefde te doen.   Suid-Afrika het vandag sulke mense baie nodig om uit die negatiewe vryval waarin ons ons bevind, te kom.   Om ons hiermee te help, wys Henri Nouwen op drie fasette van die geestelike lewe wat hy “intimacy, fecundity and ecstacy” noem.   Ons dink na oor die betekenis van hierdie begrippe.

5.     Roepings-retraite vir leraars

Om geroep te wees is een van die wonderlikste dinge wat met ons kan gebeur.  James W Fowler sê tereg dat ‘n groot deel van die “uitbranding” wat ons deesdae ervaar beskryf kan word as ‘n protes van ‘n gees waarin die roepingsdrang te lank geïgnoreer, onderdruk of geweld aan gedoen is.  Roeping open nuwe moontlikhede en is die teenwoorgestelde as om ‘n slagoffer te wees.

Baie belangrik:  Retraites word slegs op aanvraag van ‘n gemeente en/of ring aangebied
 
19 Augustus 2008

Joanie Batt
Admin Beampte: Communitas (Buvton)
SENTRUM  VIR  GEMEENTEBEGELEIDING
IZIKO  LOKUCETYISWA  KWAMABANDLA
Posbus 3322, Matieland 7602
+27 21 808 3382 (tel)
+27 21 886 5701 (faks/fax)

Jeug en familie

Written by Alta Marais on . Posted in Jeug en familie

Jeugkantoor

Sharon en Gielie het die voorreg om in hierdie bediening te speel. Ja ons wil weer kinders en tieners en ouers help speel in die genade van die Here en so die blydskap van die Evangelie weer ervaar.

Kinderbediening

Jy ken dalk die naam Kinderkrans. Baie mense sal kan getuig hoe die Kinderkrans ’n bepalende rol in hulle lewe gespeel het. KIX  (Kinders in Christus) is ons nuwe naam en poog ons om die bediening uit die namiddag-in-die-kerksaal-vir-verbondskinders-byeenkoms te verbreed na skole en créches om ook kinders van ongelowige ouers te bereik.

Maar wat jou bediening se naam ookal is, alles wat ons hier in die Jeugkantoor het, is tot jou beskikking.

Les materiaal:

God se incredibles’. Dit gaan oor 5 geloofshelde van die Bybel, maar dis nie net die voor-die-hand-liggendes nie.  Die volledige pakket, wat ook ’n CD insluit, is teen R50 + Posgeld by die Jeugkantoor beskikbaar.

KIX.KOM: Bestel gerus ons kwartaalblad, voorheenTouleiertjie, nou KIX.KOM (Kieksdotkom). Die tipe materiaal wat in die blaadjie verskyn, kan van professionele Kinderbedienaars wat reekse wil hou, tot vrywilligers wat nie langer as 30 minute voorbereidings tyd het nie, bedien.

Verskeie boeke:  Saamgestelde lesmateriaal vir verskillende ouderdomme en seisoene van die Kerkjaar.

Plakkers: Welkom by KIX, verjaarsdag plakkers (verskeie beskikbaar) sowel as blanko plakkers

Kix Kreatief :  CD en boekie – ballon figure, klei en ander kreatiewe aktiwiteite om aan te bied. R50 plus posgeld.

Pre-Teen lesse vir 9-12 jariges:  6 lesse wat oor 12 geleenthede gebruik sou kon word sowel as ‘n skattejag. R50 plus posgeld

Laai die pryslys hier af

Kontak: Sharonby 021 808 9050 of e-pos jeug@sun.ac.za as u belangstel om meer uit te vind.

Jeugwerkers

Die hoofkantoor van die NG Kerk se Jeugwerkers is hier by ons in Bellville. Hier kan jy alles kry van hoe jy ’n jeugwerkerspos vestig tot advertensies, onderhoudsvrae, salariskale, pligtestate en indiensnemings formuliere. Die dokument wat die meeste aangevra word, nl. die pligtestaat en salarsisskaal, word aangeheg. Moedig Jeugwerkers om aan te sluit by die Kerklike Jeugwerkersvereniging – aansoekvorms beskikbaar by die Jeugkantoor. Die KJWV het ‘n Lifeway produk wat te koop aangebied word.  Hier is regtig hulp met tieners, maar dit kan ook vir Bybelstudiegroepe gebruik word: Fuel 1.1 en Fuel 1.2 gaan help om die Bybel te leer ken.  Koste R300 elke (posgeld uitgesluit). Bestel by021 808 9050 of e-pos jeug@sun.ac.za

NOUS groepe

Is jy lus om deel van ’n groep te word of om self een te stig waar julle ermerging teologie wat eintlik “ancient” teologie is, praat? Dan is die NOUS-groepe net vir jou! Die woord “NOUS” is Grieks en Louw & Nida skryf soos volg daaroor: “The etymology of nous can be traced back to the root, meaning “to sniff”, which suggests a ‘way of acquiring knowledge’ through the sense of smell”. Die selfstandige naamwoord is weer iets soos “commonsense” of “wisdom” of “gut-feeling”. Ons wil dus sulke groepe bemagtig om te kyk of hulle nie self kan uitsnuffel wat die waarheid vir hulle konteks en tyd is nie.

Die volgende “clips” is reeds beskikbaar in die Jeugkantoor:

Mure lewer kommentaar oor die tipe gemeenskap (community) wat ons stig en wat ons vergader om te verskyn voor die aangesig van die Here (dis amper soos die intree-lied van die erediens) Truspieëltjie – wil gesprek stimuleer oor ons Godsbeeld sodat ons kan weet wie die God is wat ons roep en vir wie ons aanbid (2de element in die liturgie)

Appels verduidelik waar God aan die werk is en hoe ons Hom kan beleef (3de element, God wat met ons praat)Sushi daag jou uit om nie soos die Farisseers meer bekommerd te wees oor die reiniging-rituele as oor mense nie. As God mense roep, sal ons ons hande moet vuilmaak in die seer van ander.

Hekel nooi jou uit om ‘n nuwe begin te maak, te besef dat aan die einde van elke pad daar ‘n nuwe reis begin (4de element (op) soek). Spring – daag jou uit om vrae te vra, eerlik te wees, jou opinie te lug, onseker te wees, te twyfel, te spring, alleen, maar veral ook saam met ander.

 

Papiervliegtuig  –

Psalm 8 sê dit is in die teenwoordigheid van die Grootheid van God dat ons vlerke kry, dat ons nuut sal leer speel, omdat die Een voor wie ons speel, ons laat vlieg!

 

Wyn –

 

 

Joh 2:1-11 – met die water wat in wyn verander het, het ‘n nuwe era vir mense en hul lewe saam met God aangebreek. God maak ons vry van verleentheid en neem ons in die rigting van vreugde.

 

 

Paint by numbers – leer om te soek na vreugde in elke oomblik, volg vir Jesus na wat dikwels buite die lyne geverf het.

Lepel lewe met hoop!

Bogenoemde is as pakket beskikbaar @ R150-00 of kan individueel aangekoop word @ R30-00 elk.  Bestel by die Jeugkantoor

 

 

 Familie-eredienste

 

Die SJK,  in samewerking met  JONK en Bybel-Media,  maak weekliks ’n PowerPoint preek aan die hand van die leesrooster-fokus teks wat kan dien as hulp om eredienste vir ’n wyer ouderdom-span te hou. Dit vind goeie byval by predikers en geestelike leiers en tans word dit deur meer as 700 mense weekliks afgelaai. Gaan kyk gerus by www.nous.org.za en maak gebruik van die honderde PowerPoint’s wat in die afgelope bykans 5 jaar  uitgewerk is. ‘n Word doc van elke preek is ook beskikbaar.

 

Jeugkantoor: Bellville

Gielie Loubser: gielie@sun.ac.za

Sharon Naude: jeug@sun.ac.za

Tel: 021 808 90 50

Faks: 086 530 2439

Kerklike Jeugwerkers

Laai Bylae A Pligtestaat vir 2012 hier af.Dit is deel van die Kerklike Jeugwerkers inligting.

 

 

 

Vrouelidmate

Written by webmeester on . Posted in Vrouelidmate

Keuse van gemeenteproses

Written by webmeester on . Posted in Gemeenteprosesse

Gemeenteprosesse waarin Communitas gemeentes begelei

Kyk gerus na die onderstaande lys van prosesse om ‘n keuse te maak van die prosesbegeleiding wat u gemeente nou nodig het.

a. Visionering

Communitas se fasiliteringspan het ‘n visioneringsproses ontwerp vir die Suider Afrikaanse konteks. Die proses verloop oor ‘n minimum van 18 maande waarin die gemeente hulle roeping herontdek en begelei word om hulle bediening met hulle roeping te belyn. Oor die afgelope 8 jaar is talle gemeente deur hierdie proses begelei. Voordat die proses in aanvang neem, is daar ‘n kontrakteringsfase waarin die gemeente se leierskap met Communitas kontrakteer t.o.v. die unieke uitkomste vir hulle proses en roluitklaring.

Vir meer inligting oor die Visioneringsproses kontak vir Divine Robertson by 021-8083265 of dr@sun.ac.za

Indien u gemeente gereed is om met so ‘n proses te begin kontak vir Frederick Marais by 021-8083265 of jfm@sun.ac.za om te onderhandel oor ‘n besoek van ‘n fasiliteerders aan u gemeente.
Predikante en gemeenteleiers wat graag opgelei wil word in Fasiliterende leierskap kan gerus een van CFN se kursusse hieroor oorweeg. Kyk gerus by www.cfn.org.za vir meer inligting hieroor.

b. Gestuurdheid

Die Vennootskap van Gestuurde Gemeentes begelei gemeentes deur ‘n geloofsonderskeidende reis waarin die gemeente ‘n kultuurverandering ondergaan van instandhouding na gestuurdheid. Ongeveer 150 gemeentes van 8 verskillende denominasies het oor die afgelope aantal jare by die Vennootskap aangesluit. Die onderstaande dokumente gee uitvoerige beskrywing van die proses. (chris ons kan hier skakels insit na die dokumente wat reeds onder die vennootskap lê)

Lees ook gerus prof Pat Keifert se boek, Ons is nou hier, Bybelmedia 2007, vir ‘n uitstekende beskrywing van die reis en wat gestuurdheid beteken vir ‘n gemeente. Ons in nou hier en ander boeke oor die gestuurde karakter van gemeentes kan bestel word by Communitas se boekwinkel by snaude@sun.ac.za.

Predikante of gemeenteleiers wat belangstel in toegepaste akademiese opleiding in gestuurde teologie en leierskap kan gerus die M Th in missionale Transformasie (skakel) oorweeg aan die Fakulteit Teologie oorweeg.

Indien u gemeente belangstel om in te skakel by die Vennootskap vir gestuurde gemeentes kontak Divine Robertson by 021-8083265 of dr@sun.ac.za

c. Konflik

Konflik is ‘n realiteit in alle gemeentes, hoewel baie die realiteit daarvan ontken. In ons begeleiding van prosesse het ons by Communitas geleer dat konflik ‘n wonderlike geleentheid aan gemeenteleiers bied om oor die diepere vrae van die roeping en visie van die gemeente te besin. Indien die konflik hanteer kan word voordat dit tot stereotipering van die verskillende kampe, kan dit tot verdieping in die bediening van die gemeente lei.

Indien u gemeente begeleiding benodig in Konflikhantering kontak Divine Robertson by 021-8083265 of dr@sun.ac.za
Predikante en gemeenteleiers wat opgelei wil word in die vaardigheid van konflikhantering kan inligting hieroor kry by CFN se webblad www.cfn.org.za .

d. Beroepsprosesse

In tye van beroeping moet die leierskap van die gemeente saam in die geloof onderskei oor watter Leraar beroep moet word na die gemeente. Communitas het oor die jare ‘n aantal gemeentes begelei in die ontwikkeling van ‘n profiel vir die Leraar en die proses van beroeping self.

Kontak gerus vir Pierre Goosen by 021-8083382 of pmgoosen@sun.ac.za vir meer besonderhede.

e. Prosesse in geloofsvormende gewoontes

Daar is oor die afgelope tyd heelwat nuwe materiaal ontwikkel om gemeentes by te staan in die vestiging van geloofsvormende gewoontes. Kontak gerus vir Johan Kotze by jkotze@kingeley.co.za of Gys van Schoor by gysvs@iafrica.com.
*Geloofsonderskeidende leierskap. In hierdie proses word gemeenteleiers geleer om God se agenda vir die gemeente te ontdek en hulle vergaderings daarvolgens in te rug. Kontak vir Frederick Marais by 021-8083265 of jfm@sun.ac.za Bestel gerus sy boek oor Luisterryke vergaderings by Communitas se boekwinkel 021-8083381 of snaude@sun.ac.za
*Die Seisoen van Luister het uitstekende materiaal om gemeentes hierin te begelei Kontak vir Wilhelm Burger by jwburger@overnet.co.za…. Of besoek www.gemeentes.co.za vir ‘n volledige lys van produkte van die Seisoen van Luister

f. Induksieprosesse (Wanneer ‘n nuwe Leraar aansluit by ‘n gemeente)

Die Induksieproses begelei die leierskap van ‘n gemeente om ‘n nuwe leraar te help om sy/haar plek te vind in die nuwe gemeente. Hierdie proses is ontwikkel deur die induksiespan van die Noordelike Sinode olv Roelf Opperman.

Kontak Roelf gerus indien u in die Noordelike omgewing is by roelf.opperman@kameeldrif.ng.org.za of anders kontak vir Pierre Goosen by 021-8083382 of pmgoosen@sun.ac.za.

g. Spanbouprosesse

Gemeentewerk geskied meestal in spanne van leiers wat moet leer om saam te werk. In hierdie proses begelei Communitas Leraar- en gemeenteleierskap spanne in die belyning van hulle individuele roeping met die van die gemeente en klaar dan rolle en take uit wat help om sinergie in die span te ontwikkel. Die Spanbouproses het tot gevolg dat ‘n kultuur van verantwoordbaarheid binne ‘n sisteem van genade ontwikkel.

Kontak gerus vir Pierre Goosen by 021-8083382 of by pmgoosen@sun.ac.za vir verdere besonderhede

h. Die begeleiding van rouprosesse in die gemeente

Enige verandering gaan gepaard met verliese waarvan daar afstand gedoen moet word. In baie gevalle is hierdie verliese baie intens en laat dit emosionele letsels by mense. Dit is ook waar in gemeentes wat deur verandering gaan. In hierdie proses sluit ons aan by die klagtradisie in die Bybel en begelei groepe in die gemeente in ‘n proses van verliesverwerking met die doel om hulle gereed te maak om God se nuwe toekoms te ontdek.

Kontak gerus vir Pierre Goosen by 021-8083382 of pmgoosen@sun.ac.za.

i. Mentoraatskap

In die proses van persoonsontwikkeling speel ‘n mentor ‘n baie belangrike rol. Communitas geskik oor opgeleide mentors wat u gemeente se Leraar kan begelei in sy/haar proses van persoonlike ontwikkeling.

Kontak gerus vir Pierre Goosen by 021-8083382 of pmgoosen@sun.ac.za.

j. Bemagtiging van lidmate in ‘n Gawebediening

In die uitleef van ‘n gemeente se roeping is die bemagtiging van lidmate, die ontdekking van hulle gawes en die begeleiding in die vestiging van ‘n bediening, deurslaggewend. Om groot getalle lidmate so te bemagtig vra groot aanpassings in die gemeentelike sisteem. Hierdie proses moet ook prosesmatig aangepak word.

Kontak gerus vir Hannes Koornhof by hannes@moederkerk.co.za.

k. Versoening en helingsprosesse

Baie gemeentes wil graag betrokke raak by die versoening van gemeenskappe in hulle omgewing en ander helingsprosesse. Communitas is deel van ‘n inisiatief wat gemeentes hierin wil begelei nl. Shaloom gemeenskappe Hierdie inisiatief sal u gemeente begelei in die sensitiewe prosesse van versoening en heling. Heelwat gemeentes het al met groot vrug van ‘n begeleiding gebruik gemaak.

Kontak vir David Botha by 022 4922787 of davidbotha@xsinet.co.za en Deon Snyman by 0720804717 of deon.snyman@telkomsa.net.

Meetinstrumente wat Communitas gebruik in ons begeleidingsprosesse

Written by webmeester on . Posted in Meetinstrumente

Communitas lewer ‘n diens aan gemeentes om hulle te ondersteun in hulle taak om navorsing te doen oor die verskuiwings en tendense wat in die gemeente, onder lidmate en in hulle konteks plaasvind. Ons sien hierdie inligting nie as normatief vir die vasstelling van die roeping nie, maar as strategiese inligting om gemeenteleiers in staat te stel om hulle roeping in Jesus Christus beter te verstaan en uit te leef in die konteks waarin hulle leef.

Instrument 1 – Communitas-gemeentevraelys:

Die Communitas-gemeentevraelys is ontwerp as ‘n hulpmiddel aan gemeentes wat wil vasstel hoe lidmate dink oor die kerk, die bediening en roeping van die gemeente. Oor die afgelope dekade het Communitas ‘n databasis ontwikkel van gemeentes wat hierdie instrument gebruik om sodoende gemeentes wat die vraelys gebruik se resultate te vergelyk met dié van die databasis. Communitas se medewerkers ontleed die resultate van die vraelyste wat deur gemeentelede ingevul is statisties en dan skryf gemeentekundiges aan die gemeente ‘n verslag waarin die unieke eienskappe en uitdagings van die gemeente uitgelig word. Communitas fasiliteerders begelei die gemeente in ‘n gesprek oor die verslag.

Vir meer inligting oor die Communitas-gemeentevraelys kontak Divine Robertson by 021-8083265 of dr@sun.ac.za

Instrument 2 – Etnografiese of kultuur analise:

Hierdie instrument is ontwerp om gemeentes te help om hulle gemeentekultuur beter te verstaan. Communitas se span etnograwe ontleed die onderhoude wat deur gemeenteleiers gedoen word en skryf aan die gemeente ‘n verslag wat hulle gemeentekultuur beskryf. Hierdie intrument is veral van waarde vir gemeentes wat dieper wil kyk na die houdings en waardes wat in die gemeente se kultuur funksioneer. ‘n Span luister leiers word opgelei wat onderhoude met spesifieke gemeentelede voer en dit word dan na Communitas se Leesspan gestuur vir ‘n ednografiese analise.

Vir meer inligting oor die etnografiese analise kontak vir Divine Robertson by 021-8083265 of dr@sun.ac.za

Instrument 3 – Narratief-sistemiese analise van die dinamika in die gemeente

Hierdie instrument volg ‘n interaktiewe metodiek en help gemeenteleiers om die dinamika in die gemeente op ‘n dieper vlak te verstaan en te ontleed. Dit is nuttig om te gebruik wanneer daar ‘n herhaling van patrone waargeneem word, maar daar onsekerheid is wat werklik die oorsaak van die dinamika is. Daar word gebruik gemaak van Storiemuur tegniek en dan word daar sistemies en volgens die beginsels van Waarderende Ondersoek ( Appreciative Inquiry) se beginsels gesoek na die alternatiewe verhaal en die denkraamwerke wat die “ gedrag” in die gemeente bepaal. Communitas beskik oor fasiliteerders wat hierdie proses in gemeentes met gemeenteleiers kan doen.

Vir meer inligting kontak vir Frederick Marais by 021-8083265 of jfm@sun.ac.za

Communitas se prosesbegeleiding van gemeentes

Written by webmeester on . Posted in Prosesbegeleiding

Communitas se prosesbegeleiding van gemeentes

Communitas lewer al vir byna 20 jaar prosesbegeleiding aan gemeentes.  Communitas het ‘n span van geakkrediteerde fasiliteerders (lys word binnekort hier gepubliseer) wat almal deur CFN opgelei is in fasiliteringsvaardighede en as ‘n span saamwerk om die beste moontlike diens aan gemeentes in ons gebied te lewer.

Die span staan onder leiding van Frederick Marais en Divine Robertson verskaf aan die span logistieke ondersteuning.

Hierdie diens vorm ‘n integrale deel van ons visie om ‘n diensruimte te wees waar gemeentes en gemeenteleiers begelei word om hulle roeping beter te ontdek en hulle gawes te ontsluit.  Ons begelei gemeentes vanuit die teologiese vertrekpunte dat gemeentes God se geskenk aan die wêreld is. Gemeentes maak saak vir God en die koninkryk, of soos wat Lesslie Newbigin dit stel: Gemeentes is die eerste hermeneut (verklaarder) van die evangelie. Gemeentes het daarom ‘n unieke taak wat in hulle unieke konteks uitgeleef moet word. Communitas se begeleiding van gemeentes is daarom gefokus op die herontdekking van die gemeente se roeping.

Communitas se prosesbegeleiding staan onder leiding van Frederick Marais wat bygestaan word deur ‘n span van geakrediteerde fasiliteerders.

Wanneer is ‘n gemeenteproses wenslik?

Wanneer vasgelooptheid ervaar word

Die noodsaak vir ‘n gemeenteproses ontstaan wanneer die gemeente se leierskap vasgelooptheid ervaar.  Die oorsake van die vasgelooptheid kan positief of negatief wees.  Dit kan wees dat die gemeente poog om probleme aan te spreek maar geen gewenste resultate beleef nie.  Aan die ander kant dit wees dat die gemeente se  leierskap probeer om die potensiaal van die gemeente te ontsluit, maar ervaar dat hulle nie daarin slaag om dit te doen nie.  Die onderliggende rede vir beide vorme van vasgelooptheid is omdat die leierskap oplossings gebruik wat in die verlede gewerk het, maar nie in die huidige konteks meer werk nie. Vasgelooptheid ontstaan wanneer gemeenteleierskap oplossings van die verlede gebruik in ‘n tyd wat dit nie meer werk nie.

Wat is uniek aan gemeenteprosesse?

1.  Tegniese of aanpassende verandering

Uitdagings wat gemeenteleiers moet aanspreek kan in twee kategorieë val naamlik tegniese en aanpassende uitdagings. Tegniese uitdagings is wanneer die gemeente ‘n vaardigheid wil aanleer om ‘n sekere aspek van hulle gemeente beter te doen.  Daarvoor is daar nie ‘n proses nodig nie, maar toerusting van die leierskap. Wanneer die uitdaging aanpassend is, beteken dit dat die leierskap weet daar is ‘n uitdaging, maar daar is onsekerheid oor die regte oplossing en oor die rede waar die uitdaging vandaan kom.  Indien leierskap dit ervaar, is daar meer as net ‘n nuwe vaardigheid of tegniek nodig, maar ‘n nuwe oriëntasie tot die uitdaging.  In sulke gevalle kan die uitdaging net werklik aangespreek word d.m.v. ‘n proses wat verkieslik begelei word deur ‘n kundige begeleier of fasiliteerder.

2.  Gemeenteprosesse is geloofsonderskeidende prosesse

Oor die jare het ons by Communitas geleer om te onderskei tussen prosesse wat ontwerp is vir die besigheidsektor of die korporatiewe lewe en prosesse vir gemeentes. Daar word dikwels in die korporatiewe- en publieke lewe gebruik gemaak  van strategiese prosesse.  Die uitgangspunte van hierdie prosesse in nie toepaslik vir gemeentes nie, omdat dit nie vertrek vanuit die wete dat die gemeente aan die drie-enige God behoort wat nou deur sy Woord en Gees besig is om die Koninkryk te laat kom. Gemeenteprosesse begin en eindig daarom by God en wat God nou doen en die gemeente nooi om van Sy sending (missie) deel te word. Om dit anders te stel: in gemeenteprosesse vra ons deurlopend vrae oor God en stel ons oop vir die leiding van Sy Gees en Woord om ons op Sy reis te begelei. Ons het geleer dat dit opwindende reis is wat gemeentes werklik verander.

3.  Vernuwing van Bedieningspraktyke en Kultuurverandering van die gemeente

Ekklesiologiese model

Wanneer die konteks verander soos wat ons tans in Suid-Afrika ervaar en nog vir ‘n lang tyd sal ervaar, stel dit besondere uitdagings aan gemeentes soos wat die diagram hierbo aantoon. Verandering in die konteks het impak op al die vlakke van gemeentewees. Om daardie rede ervaar ons by Communitas dat baie gemeentes prosesse benodig wat meer doen as net vernuwing in hulle bedieningspraktyk en het ons die afgelope aantal jare gefokus op die ontwikkeling van prosesse wat gemeentes help met kultuurtransformasie van die gemeente.  Op die diagram hierbo is die kultuur van die gemeente alles wat  onder die lyn is, nl. die roeping, identiteit en belydenis van die gemeente.

‘n Verandering in die kultuur van die gemeente moet uit die aard van die saak ook gestalte kry in die bedieninge.  Kultuurtransformasie het daarom ook ‘n vernuwing in die bedieninge van die gemeente tot gevolg.

4.  Gestuurdheid van gemeente

Die (her)ontdekking van die gestuurde of missionêre karakter van gemeentes oor die afgelope dekade het ons denke oor gemeentes baie diep beïnvloed.  Gemeentes vind nie hulle bestaansdoel in hulleself nie, maar in hulle gestuurdheid. Die gemeente se bediening is daarom nie aan die lidmate nie, maar deur die lidmate  wat as gestuurdes leef. Gemeentes wat so van ‘n selfgerigte selfverstaan transformeer na ‘n gestuurde selfverstaan moet hulle totale bediening herbedink  Om gemeentes hierin te begelei, is Communitas betrokke by die Vennootskap vir Gestuurde Gemeentes waar groepe van gemeentes mekaar begelei in die ontdekking en uitleef van hulle gestuurde roeping.