GKS

Written by Alta Marais on . Posted in GKS

Wie is GKS?

GO en SRKS sluit samewerkingsooreenkoms

Die kantoor vir nuwe gemeente-ontwikkeling (GO) van die sinode van Wes- en Suid-Kaapland en die Skiereilandse Raad vir Kerklike Samewerking (SRKS) het einde verlede jaar deur middel van `n samewerkingsooreenkoms tussen die NGK en VGK besluit om hul werksaamhede voortaan gesamentlik te hanteer.

Die SRKS, wat reeds `n gesamentlike aksie van die NGK en die VGK was, is reeds vyftig jaar besig met kerkplanting in die voormalige Sendingkerk en NGKA en later VGK.

In die Skiereiland is in die tyd 26 gemeentes geplant en enkeles is gehelp met hervestiging. Die GO kantoor het vier jaar gelede tot stand gekom en is nou betrokke by die ontwikkeling van nuwe bedieningspunte binne die NGK, die herontwikkeling van kwynende gemeentes, asook die vestiging van multikulturele bedieningspunte, veral in areas waar die demografie dramaties verander het. Die nuut gevormde liggaam staan bekend as die Raad vir Gemeente-Ontwikkeling en Kerklike Samewerking. (GKS)

Beide die VGK en NGK het by `n punt gekom het, waar besef word dat die werk eintlik nie meer alleen en in bestaande vorme voortgesit kan word nie. Suid-Afrika is onherroeplik aan die verander en die kerk benodig dringend voertuie, wat hierdie werklikhede op bedieningsvlak kan aanspreek.

Terselfdertyd is daar bepaalde uitdagings, wat ons bedieningswyse aan `n nuwe geslag uitdaag. Die nuwe liggaam sal binne die VGK ook die werksaamhede kan uitbrei na die hele sinodale gebied, wat die hele Kaapland insluit. Op die oomblik is daar besondere uitdagings in die Oos-Kaap wat aangespreek moet word. Dit word egter in noue samewerking met die sinode van Oos-Kaapland gedoen. Voorheen was die SRKS se werksaamhede net tot die Skiereiland beperk.

Personeel:

Ds Peter Adams (VGK) peter@kaapkerk.co.za

Dr Braam Hanekom (NGK) braam@kaapkerk.co.za

Kontak ons gerus vir enige verdere navrae by 021-9577202


Projekte vir 2008…

o Kraaifontein interkulturele bediening

o Maitland Gemeenskapskerk

o New Life Ministry Tokai

o Calitzdorp Gemeenskapsprojek

o Bothasig – de Grendel uitbreiding

o Schoongezicht bedieningspunt Brackenfell

o La Rochelle Community Fellowship

o George Interkulturele Middestadsbediening : NGK Tuinedal, VGK Pacaltsdorp & NGK George-Suid

o Belhar-Oos

o Phesantekraal

o Khayelitsha, Langa en Nyanga

o Mfuleni

o Parklands

o Philadelphia

o Philippi & Woodlands B

o Rylands / Cravenby

o Citrusdal

o Seyisi

o Robinvale

o Silversands

o Delft & Wesbank


GKS se nood/Bydraes

Die Raad vir Gemeente Ontwikkeling en Kerklike Samewerking (GKS) vind dit nou soos in die verlede baie moeilik om geredelik voorsiening te maak in die behoeftes van sy projekte. Dit is egter ook belangrik om te verstaan dat GKS multikultureel werk en ‘n diens aan alle geloofsgemeenskappe lewer.

Ons vertrou dat die Here ons sal help om te voorsien in hierdie behoeftes en ook sal help om die evangelie op ‘n waardige wyse te kan bedien. Moeder Teresa skryf: “Wanneer `n arm mens van honger doodgaan, is dit nie omdat God nie vir daardie persoon gesorg het nie. Dit is omdat ons nie instrumente in die hand van God was om vir die armes `n stukkie brood of klere te gee toe hulle dit nodig gehad het nie.”

Ons is op u ons vennote se welwillendheid aangewese. Ons glo en vertrou dat u ons hierin kan help en wil graag ons bankbesonderhede aan u deurgee vir enige finansiële hulp.

Naam: NGK in SA

Bank: ABSA

Rekeningnommer: 360 000 451

Takkode: 630110

Verwysing op depositostrokie: NGO 004

Lees hier meer oor die GKS se doelwitte.

AdamsHanekom

Retraites

Written by webmeester on . Posted in Prosesse

Soorte retraites

Reeds boeke beskikbaar

Leier- en deelnemergidse

1.     Gebore as ’n metgesel

Ons is gebore (en wedergebore) om in ’n persoonlike verhouding met die Here en met ons naaste te leef.   Daar gebeur egter baie dinge met ons in die lewe wat ons lewe versuur.   Dinge wat gebeur en dinge wat mense aan ons doen, laat ons gereeld met negatiewe emosies wat ons sukkel om te verwerk.   En, in die proses beduiwel dit ook ons metgeselrol (met die Here en met mense).  In hierdie retraite bied ons ’n geestelike proses aan wat mense kan help om deur hulle negatiewe emosies te werk sodat hulle heling kan ontvang en weer met hulle metgeselrol kan aangaan.

2.     In Groot Geselskap

Die teenwoordigheid van God is die sentrale tema van hierdie program. Ons help mekaar om God se “spore” in ons lewe raak te sien en die implikasies wat dit vir ons lewe het, te deurdink.   Dit is bedoel as ’n inleidings-program en dek die basiese fasette van ons lewe saam met en voor God (spiritualiteit).

3.     Tussen pole van vlees en Gees

Saam met Henri Nouwen onderskei ons drie bewegings waarbinne ons lewe voortdurend fluktueer:

  • Ons sukkel dikwels met gevoelens van diepe ongelukkigheid wat ons innerlike vrede versteur.
  • Sommige mense is maklik om lief te hê, terwyl ons by ander weer intens sukkel om hulle lief te hê.
  • In ons verhouding met God word ons gereeld verlei deur illusies oor ons eie vermoëns en sukkel ons om werklik afhanklik van die Here te wees.
  • Ons wil mekaar help om die ongewenste gevoelens (eensaamheid, vyandskap en mag) te oorwin sodat ons meer dikwels die positiewe gevoelens (innerlike vrede, gasvryheid en broosheid) kan ervaar.

4.     Van vrees na vertroue

Dit is ontstellend om te ontdek hoe baie van ons besluite en optredes deur vrees gemotiveer en gedryf word.   Die uitdaging aan Christene is om met die Here se genade dinge eerder uit geloof en liefde te doen.   Suid-Afrika het vandag sulke mense baie nodig om uit die negatiewe vryval waarin ons ons bevind, te kom.   Om ons hiermee te help, wys Henri Nouwen op drie fasette van die geestelike lewe wat hy “intimacy, fecundity and ecstacy” noem.   Ons dink na oor die betekenis van hierdie begrippe.

5.     Roepings-retraite vir leraars

Om geroep te wees is een van die wonderlikste dinge wat met ons kan gebeur.  James W Fowler sê tereg dat ‘n groot deel van die “uitbranding” wat ons deesdae ervaar beskryf kan word as ‘n protes van ‘n gees waarin die roepingsdrang te lank geïgnoreer, onderdruk of geweld aan gedoen is.  Roeping open nuwe moontlikhede en is die teenwoorgestelde as om ‘n slagoffer te wees.

Baie belangrik:  Retraites word slegs op aanvraag van ‘n gemeente en/of ring aangebied
 
19 Augustus 2008

Joanie Batt
Admin Beampte: Communitas (Buvton)
SENTRUM  VIR  GEMEENTEBEGELEIDING
IZIKO  LOKUCETYISWA  KWAMABANDLA
Posbus 3322, Matieland 7602
+27 21 808 3382 (tel)
+27 21 886 5701 (faks/fax)

Jeug en familie

Written by Alta Marais on . Posted in Jeug en familie

Jeugkantoor

Sharon en Gielie het die voorreg om in hierdie bediening te speel. Ja ons wil weer kinders en tieners en ouers help speel in die genade van die Here en so die blydskap van die Evangelie weer ervaar.

Kinderbediening

Jy ken dalk die naam Kinderkrans. Baie mense sal kan getuig hoe die Kinderkrans ’n bepalende rol in hulle lewe gespeel het. KIX  (Kinders in Christus) is ons nuwe naam en poog ons om die bediening uit die namiddag-in-die-kerksaal-vir-verbondskinders-byeenkoms te verbreed na skole en créches om ook kinders van ongelowige ouers te bereik.

Maar wat jou bediening se naam ookal is, alles wat ons hier in die Jeugkantoor het, is tot jou beskikking.

Les materiaal:

God se incredibles’. Dit gaan oor 5 geloofshelde van die Bybel, maar dis nie net die voor-die-hand-liggendes nie.  Die volledige pakket, wat ook ’n CD insluit, is teen R50 + Posgeld by die Jeugkantoor beskikbaar.

KIX.KOM: Bestel gerus ons kwartaalblad, voorheenTouleiertjie, nou KIX.KOM (Kieksdotkom). Die tipe materiaal wat in die blaadjie verskyn, kan van professionele Kinderbedienaars wat reekse wil hou, tot vrywilligers wat nie langer as 30 minute voorbereidings tyd het nie, bedien.

Verskeie boeke:  Saamgestelde lesmateriaal vir verskillende ouderdomme en seisoene van die Kerkjaar.

Plakkers: Welkom by KIX, verjaarsdag plakkers (verskeie beskikbaar) sowel as blanko plakkers

Kix Kreatief :  CD en boekie – ballon figure, klei en ander kreatiewe aktiwiteite om aan te bied. R50 plus posgeld.

Pre-Teen lesse vir 9-12 jariges:  6 lesse wat oor 12 geleenthede gebruik sou kon word sowel as ‘n skattejag. R50 plus posgeld

Laai die pryslys hier af

Kontak: Sharonby 021 808 9050 of e-pos jeug@sun.ac.za as u belangstel om meer uit te vind.

Jeugwerkers

Die hoofkantoor van die NG Kerk se Jeugwerkers is hier by ons in Bellville. Hier kan jy alles kry van hoe jy ’n jeugwerkerspos vestig tot advertensies, onderhoudsvrae, salariskale, pligtestate en indiensnemings formuliere. Die dokument wat die meeste aangevra word, nl. die pligtestaat en salarsisskaal, word aangeheg. Moedig Jeugwerkers om aan te sluit by die Kerklike Jeugwerkersvereniging – aansoekvorms beskikbaar by die Jeugkantoor. Die KJWV het ‘n Lifeway produk wat te koop aangebied word.  Hier is regtig hulp met tieners, maar dit kan ook vir Bybelstudiegroepe gebruik word: Fuel 1.1 en Fuel 1.2 gaan help om die Bybel te leer ken.  Koste R300 elke (posgeld uitgesluit). Bestel by021 808 9050 of e-pos jeug@sun.ac.za

NOUS groepe

Is jy lus om deel van ’n groep te word of om self een te stig waar julle ermerging teologie wat eintlik “ancient” teologie is, praat? Dan is die NOUS-groepe net vir jou! Die woord “NOUS” is Grieks en Louw & Nida skryf soos volg daaroor: “The etymology of nous can be traced back to the root, meaning “to sniff”, which suggests a ‘way of acquiring knowledge’ through the sense of smell”. Die selfstandige naamwoord is weer iets soos “commonsense” of “wisdom” of “gut-feeling”. Ons wil dus sulke groepe bemagtig om te kyk of hulle nie self kan uitsnuffel wat die waarheid vir hulle konteks en tyd is nie.

Die volgende “clips” is reeds beskikbaar in die Jeugkantoor:

Mure lewer kommentaar oor die tipe gemeenskap (community) wat ons stig en wat ons vergader om te verskyn voor die aangesig van die Here (dis amper soos die intree-lied van die erediens) Truspieëltjie – wil gesprek stimuleer oor ons Godsbeeld sodat ons kan weet wie die God is wat ons roep en vir wie ons aanbid (2de element in die liturgie)

Appels verduidelik waar God aan die werk is en hoe ons Hom kan beleef (3de element, God wat met ons praat)Sushi daag jou uit om nie soos die Farisseers meer bekommerd te wees oor die reiniging-rituele as oor mense nie. As God mense roep, sal ons ons hande moet vuilmaak in die seer van ander.

Hekel nooi jou uit om ‘n nuwe begin te maak, te besef dat aan die einde van elke pad daar ‘n nuwe reis begin (4de element (op) soek). Spring – daag jou uit om vrae te vra, eerlik te wees, jou opinie te lug, onseker te wees, te twyfel, te spring, alleen, maar veral ook saam met ander.

 

Papiervliegtuig  –

Psalm 8 sê dit is in die teenwoordigheid van die Grootheid van God dat ons vlerke kry, dat ons nuut sal leer speel, omdat die Een voor wie ons speel, ons laat vlieg!

 

Wyn –

 

 

Joh 2:1-11 – met die water wat in wyn verander het, het ‘n nuwe era vir mense en hul lewe saam met God aangebreek. God maak ons vry van verleentheid en neem ons in die rigting van vreugde.

 

 

Paint by numbers – leer om te soek na vreugde in elke oomblik, volg vir Jesus na wat dikwels buite die lyne geverf het.

Lepel lewe met hoop!

Bogenoemde is as pakket beskikbaar @ R150-00 of kan individueel aangekoop word @ R30-00 elk.  Bestel by die Jeugkantoor

 

 

 Familie-eredienste

 

Die SJK,  in samewerking met  JONK en Bybel-Media,  maak weekliks ’n PowerPoint preek aan die hand van die leesrooster-fokus teks wat kan dien as hulp om eredienste vir ’n wyer ouderdom-span te hou. Dit vind goeie byval by predikers en geestelike leiers en tans word dit deur meer as 700 mense weekliks afgelaai. Gaan kyk gerus by www.nous.org.za en maak gebruik van die honderde PowerPoint’s wat in die afgelope bykans 5 jaar  uitgewerk is. ‘n Word doc van elke preek is ook beskikbaar.

 

Jeugkantoor: Bellville

Gielie Loubser: gielie@sun.ac.za

Sharon Naude: jeug@sun.ac.za

Tel: 021 808 90 50

Faks: 086 530 2439

Kerklike Jeugwerkers

Laai Bylae A Pligtestaat vir 2012 hier af.Dit is deel van die Kerklike Jeugwerkers inligting.