‘n Hartseer dag

Written by Wilma le Roux on . Posted in Nuus, Predikante begeleiding, Taakspanne, VBO

Hulde aan Freddie Schoeman

Nelis Janse van Rensburg bring treffend hulde aan Freddie Schoeman van die Oostelike Sinode, wat gister skielik oorlede is.

“Freddie Schoeman se skielike heengaan vandag, is vir die NG Kerk ‘n reuse-verlies. Hy was ‘n toegewyde leraar, pastor, priester, begeleier van mense, wonderlike liturg, uitnemende teoloog, dosent, leier, denker, innoveerder, profeet. Met sy skerp intellek, wydbelesenheid en heelhartige verbintenis om God in sy beweging in die wêreld te volg, het hy ons gehelp met diep insigte in Godskennis en menswees.

Freddie was onder baie meer onder-voorsitter van die Oostelike Sinode se Diensraad, voorsitter van die Algemene Sinode se Taakspan Vir Missionale Transformasie, NG Kerk verteenwoordiger in die bestuur van die Seisoen van Menswaardigheid, leier in die Taakspan vir Liturgie en betrokke by die ontwikkeling van preekprogramme en liturgieë. (André Bartlett skryf: ‘Freddie het ‘n fyn aanvoeling vir liturgie en ook ‘n uitgebreide kennis van die geskiedenis van die erediens en die ontwikkeling van die kerklike jaar gehad. Hy het ‘n waardevolle bydrae gelewer as lid van die eindredaksie van die “Handleiding  vir die Erediens” en het ook gereelde liturgiese bydraes gelewer vir die eredienspublikasies “Woordwyser” en “Woord en Fees “.’)

Hy het ook in die Seisoen van Luister ‘n leidende en deurslaggewende rol gespeel. Hy het ook in talle sinodale werksaamhede leiding geneem en ‘n rol gespeel. Intussen het hy sy gemeente getrou bedien en begelei.
Sy deeglikheid en hardwerkenheid het menige hardwerkende kollegas telkens beskaam.

Maar dit was sy menswees, sterk en sag, gefokus en ruimhartig, taak- en mensgerig, wat my sal laat verlang na Freddie. Sy kalmte onder druk, lojaliteit en hulp, omgee en vriendskap het oor die afgelope jare vir my en talle ander oneindig baie beteken. Ons gaan swaar die leemte vul wat sy heengaan laat.

Ons bid vir Alma en sy kinders. Ons kan maar net raai hoe hulle voel. Mag ons almal in hierdie dae, ingeneem in die verhouding tussen Vader, Seun en Gees, ervaar hoe God ons troos en saamneem in die koms van sy koninkryk.
Ons opregte simpatie gaan ook aan sy gemeente, Lyttelton-Oos, sowel as die Oostelike Sinode.”  *

Frederick Marias, PSD vir Kerklike Opleiding by Communitas op Stellenbosch, voeg by:

“Freddie was ʼn medewerker by Communitas en het o.a. help ontwerp aan die Sertifikaatkursus en van die modules aangebied. Hy was sedert 2016 ook voorsitter van die VBO-Forum.

Ons eer sy nagedagtenis en bid vir sy vrou Alma, hul kinders en kleinkind.

 

Die beloftes van God word nie geaffekteer deur mense en politici se doen en late nie …

Written by Wilma le Roux on . Posted in Prediking, VBO, Video

 Ekstra videogreep oor Sondag 6 van Lydenstyd

 

Die afgelope weke is videogrepe oor ‘n  “preek-dinkskrum” op Youtube beskikbaar gestel.  ʼn Groep het telkens saamgesels oor die fokusteks van die week – met iemand wat as ankerpersoon vrae formuleer, ‘n eksegeet wat help met die teksuitleg, en enkele persone uit verskillende agtergronde wat help saamdink. Hierdie  videos is elke Vrydag op youtube beskikbaar gestel.

Die videogrepe is wyd verwelkom, veral deur persone wat alleen in gemeentes is en nie die voorreg het om met kollegas saam te dink en gesels nie.

 

Na aanleiding van die huidige politieke situasie en die gebeure van die afgelope paar dae, het ons dit goed gedink om ʼn ekstra gesprek op te neem rondom die fokustekste van hierdie laaste Sondag (6) van die Lydenstyd.

Frederick Marais en Coenie Burger gesels oor hoe om Sondag se erediens te kon inrig om die ervarings van die afgelope week in te sluit in die erediens rondom Palmsondag.

Kyk gerus hier daarna: https://youtu.be/y9jW_IHzJko

Daar is ‘n gebed wat deur Frederick voorgelees word, geskryf deur Hannes Theron. Die gebed is hier besklikbaar as pdf asook as 3 powerpoint-skyfies. Laai dit gerus hier af:

Die sesde Sondag se eerste opname wat gefasiliteer word deur Coenie Burger en met Louis Jonker as eksegeet, is hier beskikbaar: https://youtu.be/8cCBh_8J9SE

Missionale Konferensie

Written by Wilma le Roux on . Posted in Konferensies, VBO

Hier volg die inligting van die Konferensie oor Missionale Ekklesiologie wat op Stellenbosch plaasvind gedurende Meimaand:

Embodying the Missio Dei in New Contexts: A Missional Re-imagining of the Church

 

When: 15-16 May 2017

Where: Communitas, Stellenbosch

We will focus on the following subthemes:

  • Learning from the New Testament and Early church
  • Learning from the Reformation
  • Re-imagining the church in new contexts

Keynote speaker:

We are excited to have dr Michael Moynach from the UK with us. Michael is well known for his work on ecclesiology with the Fresh Expression movement. He wrote a number of books including Church in every context.

Our local speakers and panelists include:

Prof Marius Nel, dr Pieter van der Walt, dr Lizel Joubert, dr Coenie Burger, prof Klippies Kritzinger, prof Nelus Niemandt, Pastor Costa Mitchell, Rev Leon Klate

A more detailed program will follow soon.

For more information, contact:

Wilma le Roux : wler@sun.ac.za, tel nr 021 808 3624

Frederick Marais : jfm@sun.ac.za  tel nr 021-808 9051

Coenie Burger : cwbu@sun.ac.za tel nr 021-808 2827

The Conference is a joint project of Communitas and Ekklesia and is part of our Refo500 celebrations.

 

VBO vir eerste kwartaal

Written by Wilma le Roux on . Posted in Kursusse, VBO

Die eerste kwartaal is nou volstoom aan die gang. Ek weet ek moet VBO-kursusse bywoon en aan my VBO-profiel aandag gee, maar WAT kies ek?

Hier is die tabel met die eerste kwartaal se VBO-kursusse in kort aangedui:

Datum Kursus
24-26 Jan Certificate Mod 4: Identity– who are we and where do we fit in?
31 Jan–2 Feb Sertifikaat Blok 7: Missionale Gemeentes – hoopvol en energiek vir ons roeping
14-16 Feb Padlangs Ouerskap
17-18 Feb Lidmaatprediker kursus
21-23 Feb Certificate Mod 1: About our context – a deeper

understanding of the world and times we live in

21-23 Feb Praktiese preekmaak: Ontwikkel jou preekmaak-vaardighede  
28 Feb–2Mar Gemeente en Gemeenskap (Diaconia)
6-9 Mar Retraite oor Dissipelskap – ‘n opvolg op Geloofsreis 2
9-11 Mar Geestelike Sorg en Berading
22,23,27 Mar; 18,19  Apr SA Lectionary – Die gebruik van die SA Leesrooster
17-18 Mar The Justice Conference South Africa
22-23 Mar ‘n Eties-Relasionele Benadering (kontekstueel) in die Pastoraat –

‘n Benadering op die voetspoor van die Hongaarse Psigiater

Ivan Boszormenyi-Nagy

30 Mar Geloofsonderskeidingskursus opvolg

 

VBO 2017: Ontwerp, leer en vier!

Written by Wilma le Roux on . Posted in VBO

 VBO-Program 2017

 

Die VBO-kantoor publiseer met groot opgewondenheid ons VBO-programboekie vir 2017.

Dit is weer eens ʼn spanpoging van Communitas en die verskillende taakspanne van die Sinode, waarmee ons poog om ʼn kursusprogram saam te stel wat die geweldige groot uitdagings van ons snel-veranderende samelewing sal aanspreek, en wat leiding kan gee aan predikante en gemeenteleiers – die mense wat in hierdie tye leiding moet gee in ons gemeentes.

ʼn Groot deel van ons program is ons steeds groeiende lys van keusekursusse wat bedoel is vir ringe en gemeentes – om saam kursusse te kies wat inpas by die uitdagings wat in hul eie unieke opset geïdentifiseer word. Ons fokus is al hoe meer om die kursus na die deelnemer te neem deurdat ons dit op aanvraag in gemeentes of ringe gaan aanbied.

Ons is tans in ʼn ontwerpfase om die VBO vir jongleraars  ‘n program vir kursusbywoning in die eerste drie jaar in ‘n gemeente – te voltooi. Die hoop is om dit teen die middel van die jaar uit te rol.

Daar is weer verskeie kategorieë waaruit jy kan kies:

  1. Geskeduleerde een-, twee- en driedag-kursusse
  2. Kursusse wat as ʼn reeks inklusief werk m.a.w. teologie, vaardighede, houdings, roepingsbewustheid en spiritualiteit bevorder – die Sertifikaat in Bedieningsvernuwing.
  3. Konferensies waarvan sommige saam met ons Ekumeniese vennote gedoen word, o.a. die Winterskool en die JUSTICE Conference South Africa.
  4. Kursusse wat spesifiek gerig is op Reformasie 500 wat vanjaar gevier word.
  5. Keusekursusse vir aanbieding op aanvraag
  6. Kursusse gerig op Lidmaattoerusting (Dissipelvorming), waarmee ons graag ons lidmate ook wil toerus
  7. Kursusse van vennote soos die Sentrum vir Geloofsvorming en HospiVision
  8. Kursusse vir Jongleraars

As taakspan is ons oortuig dat om as predikante leiding te gee in tye met nuwe uitdagings, dit van ons as predikante vra dat ons in ʼn verdiepte verhouding met die lewende Christus sal leef. Daarom is al ons kursusse in ʼn formaat gegiet wat ruimte maak vir verdieping. Die uitdagings van ons tyd vra verdiepte groei en integrasie by ons almal.

Om die VBO-boekie af te laai, kliek hier: VBO-boekie 2017_JanFin

 

Sertifikaat Module 3 van groep 3, 2016

Written by Wilma le Roux on . Posted in Ekklesia, Kursusse, VBO, Vennote

Die derde jaargroep wat sedert 2014 met die Gevorderde Sertifikaat in Bedieningsvernuwing begin het, het pas die derde module, en dus hul eerste jaar in die 3 jaar siklus voltooi. Dit is ‘n ekumeniese groep vir wie die kursus gesamentlik deur Communitas en Ekklesia aangebied word as deel van die VBO-program.

In die loop van die jaar het predikante, pastore en gemeenteleiers van die NG Kerk, Anglikaanse Kerk, Morawiese Kerk, Presbiteriaanse Kerk, Methodiste Kerk en Volkskerk mekaar leer ken en waardeer.

whatsapp-image-2016-09-06-sert-3

 

Wat doen Communitas en Ekklesia?

In ‘n neutedop is Communitas ’n netwerk van dienste aan gemeentes van die VGK Kaapland en NGK Wes- Kaap wat fokus op o.a. Gemeente-begeleiding, Predikantebegeleiding, Gemeente-ontwikkeling, Familie, Kinder-en Jeugbediening, Voortgesette Bedieningsontwikkeling en Kerklike Opleiding en Navorsing.

Ekklesia is ‘n Ekumeniese sentrum wat fokus op die praktiese bediening van die Fakulteit Teologie van die Universiteit van Stellenbosch. Dis ‘n netwerk sentrum waar die Fakulteit, kerke en ander kerklike instansies bymekaar kom in ‘n “netwerk poel” om saam gekoördineerde dienste aan te bied aan die breë spektrum van kerke se gemeentes en predikante.

 

 

 

Het jy Geloofsonderskeiding?

Written by Wilma le Roux on . Posted in Kursusse, VBO

Geloofsonderskeiding in die praktyk

Geloofsonderskeiding
Geloofsonderskeiding is ʼn ou Christelike geloofsdissipline, maar moet nou nuut aangeleer word deur geestelike leiers en vergaderings wat in die modernisme gewoond geraak het om besluite te neem in die lig van rasionele argumente, navorsing, feite en verslae en dit as komende van God aan te bied. Die dramatiese inploffing van veral hoofstroomkerke en die aan die kaak stel van ooglopende foute wat voortdurend in kerklike besluitnemingsprosesse gemaak word (vergelyk die koloniale periode, die Bybelse verdediging van apartheid, die nuwe imperialisme, Walls 2002:84-115), daag geestelike leiers en vergaderings uit om nuut te besin en luisterend die teenwoordigheid van die drie-enige God op te soek.

Die werklikheid is dat gelowiges en gelowige akademici so deur modernisme beïnvloed is, dat ons nie oor die vaardigheid van geloofsonderskeiding beskik nie…

In die twee-dag kursus ‘Geloofsonderskeiding in die praktyk’ gaan die klem val op die in-oefening van geloofsonderskeidende praktyke wat nodig is in die begeleiding van

  • jou eie reis
  • in die begeleiding van individue
  • vir vergaderings en leiers
  • in die gemeenskap

Ons gaan kyk na die praktyke van elkeen van bogenoemde kontekste en dit prakties in-oefen.

Ons hoop dat die kursus jou sal bemagtig om meer vaardig te wees met geloofsonderskeidende leierskap in die gemeente

Waar: Communitas, Stellenbosch

Wanneer: 28-29 September

VBO-punte: 20

Skryf in voor of op 22 September

Inskrywingsvorm: VBO 8 Geloofsonderskeiding

Spiritual discernment is calling on the Holy Spirit to lead or give direction on a matter. It is how the Spirit shows the church or its people what God wants them to do and be.

There is discernment of:

  • gifts,
  • spirits,
  • actions,
  • intents,
  • the course of the times we live in.

Discernment is more than just a skill. Discernment is a gift from God before it is anything else. Yet there are clearly skills you can put to use when using your gift, and you can become better at it through training and experience.

Discernment is more than just a process. Even for the most ‘material’ or ‘nitty-gritty’ matters, there is a Spirit at work nudging us, leading us, even pulling us by the nose ring. Then again, even for the most ‘spiritual’ matters, there are disciplines, methods, processes, lessons, means, and tools which the Spirit can work through to help us discern rightly.

Discernment isn’t usually a sudden zap from beyond, but something which emerges from hard work and close attention.

Learn to discern. Yearn to discern.

Uit: http://www.spirithome.com/discernment.html