Geluk: Deugde-in-Praktyk om te Floreer – VBO-kursus oor “happiness”

Written by Jannie le Roux on . Posted in Kursusse, VBO

 GELUK –

DIE 40%

WAT DIE VERSKIL MAAK 

 SMILEY NOT

GELUK is méér as vrolikheid, opgewonde buie en glimlag! Die bekende prof. Martin Seligman (vader van die positiewe sielkunde) voel sommer ontevrede as mense geluk verskraal tot wat hy “that awful smiley face” noem (vgl. Flourish – A new understanding of happiness and well-being).

As 50% van ons geluk volgens navorsing geneties bepaal is en 10% deur lewensomstandighede en situasies beïnvloed word, kan ons nog iets aan ons gemeentes en gemeenskappe se ervaring van vreugde doen? Of is hulle bestem tot negatiwiteit en ons land tot negatiewe groei? Kan ons onsself dan nog help gelukkiger wees?

Die goeie nuus is dat daar wel meer is wat ons kan doen om die vlak van lewensvreugde te lig. Navorsing wys dat geluk jou sukses bepaal, veel meer as andersom. Dit wys ook dat geld wel ’n rol speel in geluk – veral as jy dit weggee. O ja, daar is ten minste 40% van geluk waaroor jyself seggenskap het.

Geluk: Deugde-in-Praktyk om te Floreer
29–31 Julie 2014
Plek: Helderberg Gemeente

So hoe help ’n mens ander om gelukkiger te wees?
Ek leer hulle wat ek by die navorsing in positiewe sielkunde leer. Die wetenskap staaf wat Paulus lank terug reeds aanbeveel het onder leiding van die Gees: wees altyd dankbaar. Die ritueel om elke dag 3 goeie goed wat vir jou goed of reg verloop het neer te skryf, sowel as hoekom, verhoog die vlak van geluk en verlaag depressiewe simptome vir tot 6 maaande!

Begin ’n slag ‘n erediens of gesprek met die vraag: Noem iets waarvoor jy hierdie week dankbaar is? Laat die gemeente of gespreksgenote hardop antwoord. Volgende week vra jy weer, maar hulle moet ander goed noem. Dit skuif mense se fokus op wat reg verloop en maak hulle oop vir nuwe moontlikhede. Hulle word opnuut bewus dat God aan die werk is en nie geabdikeer het nie!

Onthou, jy het ten minste 40% van elkeen se geluksprofiel wat jy positief kan beïnvloed.
Dis intensionele leierskap.

Om in te skryf vir hierdie kursus kan jy hier kliek: VBO 19 Geluk (Happiness)

LW Doen dit vóór 25 Julie!

Inter-generatiewe Gemeentes

Written by Wilma le Roux on . Posted in Kursusse, Uncategorized, VBO

 EENDAG-KONFERENSIE oor INTER-GENERATIEWE GEMEENTES:  

Perspectives

on being an

Intergenerational Church

 intergenerative

Hoofspreker: Marcia Bunge, Professor of Religion, Gustavus Adolphus College, Minnesota, USA.

  • Gedurende die laaste 13 jaar het Prof Bunge baie gepraat en gepubliseer oor religieuse perspektiewe op kinders en ons verpligtinge teenoor hulle.
  • Sy was redakteur van vier boeke oor die onderwerp, waaronder The Child in Christian Thought en The Child in the Bible.

Verskeie sprekers tree by hierdie geleentheid op, en praat oor ‘n aantal aktuele onderwerpe. Daar is ook ruim geleentheid vir bespreking.

Dirk Coetsee van die Petra Instituut praat eers oor Inclusion or exclusion of children in the church and how we think about children  en hierna tree die hoofspreker, Prof Marcia Bunge op wanneer sy praat oor Biblical Perspectives on Children and Childhood:  Resources for Youth and Family Ministries and the Intergenerational Church

Die onderwerp The quest for a new theological paradigm for children’s ministry in the intergenerational church word hierna deur Jan Grobbelaar van die Petra Instituut hanteer, waarna Shantelle Weber (US) gesels oor The role and importance of children in an intergenerational church

Die laaste onderwerp van die oggend, Celebrating a shared identity in being an intergenerational church: A narrative of Paarlberg congregation word aangebied deur Bernard Malherbe (NGK Paarlberg) en Hannelie Yates (NWU).

Na ‘n middagete waarby al die kursusgangers kan aansit, gesels  Dirk Coetsee en persone van verskillende gemeentes oor Workshop and Story sharing: Practices for an intergenerational church.

Die dag sluit af teen ongeveer 16:30.

Datum: 7 Augustus

Tyd: 08:30 – 16:30

Plek: VGK Cloetesville Hoek van Langstaat en  Williamstraat, Cloetesville, Stellenbosch

Koste: R100 (Middagete ingesluit)

 Vir meer inligting, kontak Jan Grobbelaar by jan@petracol.org.za

LW Sluitingsdatum: 1 Augustus 2014

 

MEER GELUKKIG?

Written by Wilma le Roux on . Posted in Kursusse, VBO

Hoe gelukkig is jy?

Tevrede? Vervuld? Vol vreugde? Veerkragtig? Positief? Opgewonde? Hoopvol?

 Happiness

Ons besef almal vreugde en geluk is meer as net ‘n gevoel.

Toe die bekende Harvard Universiteit die kursus oor “Happiness” aanbied, het hulle die meeste inskrywings ooit vir ’n kursus gekry!

Waarom kyk na iets soos Geluk/Happiness?

Vir lank het die psigologie (en teologie ook) baie aandag gegee aan wat met die mens verkeerd is, en hoe om die mens van “stukkend en sondevol” te help na “normaal”. Eers sedert 1998 is stadigaan begin om te kyk na maniere hoe ons mense kan help om te fokus op hulle sterkpunte en deugde.

Kortom, HOE HELP ONS MENSE OM TE FLOREER!

Die kursus GELUK: DEUGDE-IN-PRAKTYK OM TE FLOREER (VBO-kursus oor “happiness”) aangebied op 29-31 Julie 2014, Stellenbosch, WIL HELP OM MENSE EN GEMEENSKAPPE TE BEGELEI NA “WELL-BEING”.

VBO in webtuiste ontwikkeling 22-25 Julie 2014 by Communitas in Stellenbosch

Written by webmaster on . Posted in Kursusse

Communitas bied weer  ‘n VBO geleentheid aan in webtuiste ontwikkeling.  Dit word hierdie jaar gehou by Communitas in Stellenbosch van 22-25 Julie.

Die kursus behels die volgende:

  • bekostigbare en betroubare huisvesting vir die webtuiste;
  • ‘n wegspring WordPress installasie vir die webtuiste, wat vinnig en liggewig is, die nuutste web tegnologie sowel as ‘n kommersiële template gebruik, en ook goed vertoon op selfone en tablette;
  • praktiese opleiding in die verdere ontwikkeling van die webtuiste (uitleg, plugins, themes, opdatering, administrasie ensomeer;
  • ‘n forum vir ondersteuning (http://www.communitas.co.za/webtuistes/forum/), en
  • ‘n paar opsies van voortgaande ondersteuning, volgens ooreenkoms.

Dit word alles verpak in ‘n VBO kursus, waartydens opleiding en begeleiding van die gemeente se webmeester, leraars en/of ander betrokkenes in die ontwikkeling van ‘n gemeente webtuiste gegee word.  Die webtuiste word met die gewilde en kragtige CMS WordPress gebou.  Deelnemers word blootgestel aan ‘n wye reeks uitbreidings wat vir hulle unieke behoeftes gebruik kan word.

‘n Wonderlike reis

Written by Wilma le Roux on . Posted in Foto's, Kursusse, VBO

Geloofsreis 1.1: Emosioneel Gesonde Spiritualiteit

 19-22 Mei 2014 geloofsreis 1 met Gys van Schoor - Hermanus

 

Wat ‘n voorreg was dit nie om saam met 15 predikante en 3 lidmate vir 3.5 dae net by die Here tot rus te kom op Wortelgat op die eerste stasie van die Geloofsreis 2014.

Ons kon eerlik raak oor ons eie emosionele ongesondheid…

Ons kon by mekaar leer terwyl ons bewus geraak het van Sy teenwoordigheid.

Sien uit om die pad saam te stap. Sien jul by volgende stasie 15-18 September!

Gys, Albertus, Andri

 

Retraite – om heel te word …

Written by Wilma le Roux on . Posted in Kursusse

Geloofsreis vir Predikante  Sentrum vir Geloofsvorming

Geloofsvorming is ʼn lewenslange reis saam met Jesus. Dit impliseer ʼn proses van radikale innerlike transformasie wat uitloop op diens aan die naaste en die skepping.

Die Geloofsvormingsreis of beter bekend: Geloofsreis vir predikante word reeds ʼn aantal jare as ʼn VBO kursus deur Communitas in samewerking met die Sentrum vir Geloofsvorming aangebied. Dis ‘n reis wat tans strek oor vier jaar met 2 retraits elke jaar.

Die doel van hierdie Geloofsreis is om deelnemers te help om

  • Eerstehands met Jesus te leer lewe (Dissipelskap)
  • Hulself te leer ken (want Almost all problems in the spiritual life stem from a lack of self-knowledge -St Teresa of Avila)
  • Innerlik verander te word (Geloofsvoming)
  • meer vry en heel, meer mens en meer diensbaar te word

Die eerste retrait van die reeks is nou op hande:

Emosioneel gesonde spiritualiteit (19–22 Mei 2014)

Een die grootste struikelblokke vir ons lewe saam met God is ons gebrek aan selfkennis.

In hierdie retraite ontdek ons eers ons emosionele ongesondheid aan die hand van die werk van Scazzero. En dan, in hierdie tyd van afsondering en selfondersoek, word ons begelei om weer emosioneel heel te raak.

Twee werkboeke Ons het ons misgis met Jesus en Jesus maak ons heel word gebruik – jy kan dit saambring, of op die retraite aankoop teen R50 elk.

Begeleiers: Gys van Schoor saam met Albertus Louw en Andri Eloff

Plek: Wortelgat

Vir meer inligting, kontak Wilma

Laat jou bediening weer BLOM!

Written by Wilma le Roux on . Posted in Kursusse, VBO

 

NUWE GROEI EN VRUG

‘n VBO-kursus

 MPA
Die Moreletapark Assosiasie (mpa) bied reeds die afgelope 3 jaar ‘n program van ondersteuning aan om leraars toe te rus om nuwe groei en vrug in hulle persoonlike lewe en in hulle gemeentes te vind.  Deur hierdie leiersbyeenkomste het hulle gesien hoe gemeentes verander nadat leraars se diepste behoeftes vervul is en harte opnuut aan die brand geraak het  met ʼn nuwe passie en ʼn visie van wat God wil doen in elke gemeente.

Daarom bied Communitas nou hierdie program aan as ‘n VBO-kursus wat plaasvind op 13-15 Mei.

Wat is die inhoud van hierdie ondersteuningsprogram?

Dit wil leraars help om ʼn breë perspektief te kry van die behoeftes wat daar in die kerk en in hule eie binneste bestaan. Onderwerpe soos “Die Woestynpad” en “Vergifnis en Vryspraak” wil leiers help om vry te kom van bagasie en nuwe vreugde en innerlike vrede te vind.

ʼn Tema soos “Leierskap” wil leraars help om meer effektief leiding te neem en ʼn groter verskil in mense se lewens te maak.  Praktiese sake soos “ ʼn Gebalanseerde lewe” wil die werk van predikant-wees ʼn lekkerder ervaring maak.

Miskien is die bespreking oor “Die werk en toerusting van die Heilige Gees” die belangrikste onderwerp wat leraars help verstaan wat dit beteken om onder die beheer van die Heilige Gees te lewe. So kan jy met groter krag en invloed jou bediening  doen.

Hoekom die kursus bywoon?

Die kursus is gerig op die praktyk en wil leraars bemoedig en met nuwe entoesiasme en visie toerus om God se wil vir hulle gemeentes beter te laat realiseer.

Uiteindelik is ons gebed dat elke leraar ʼn nuwe ontmoeting met die Here sal ervaar wat verseker nuwe blydskap, groei en vrug gaan bring.

Boeke

Die volgende twee boeke sal as basis vir die kursus dien:

  1. Wanneer die Heilige Gees Werk. Dirkie van der Spuy. Struik 2012
  2. Leierskap sonder grense. Dirkie van der Spuy. Struik. 2010
Om in te skryf, kliek hier:  VBO 16 Nuwe groei en vrug
Vir meer inligting oor plek en tye, kontak vir Wilma