Winterskool Dag 2

Written by Wilma le Roux on . Posted in Ekklesia, Konferensies, VBO, Vennote

Wat is ons verantwoordelikheid as kerk en as landsburgers?

Dit was die onderwerp van Prof Amanda Gouws se rede by die tweede dag van die 2015 Winterskool. kan ons staatmaak op die staat en politici om hierdie land te regeer? Waar pas my en jou verantwoordelikheid in?

Gedurende die oggend parelelle sessies is die temas van die vorige dag voortgesit.

Tydens die middag se onderwerpe is gekyk na hoe liturgie kan funksioneer as ‘n primêre middel tot dissipelmaking; na dissipelskap in die jeugbediening; na hoe om diversiteit in gemeente te omhels; na maniere hoe om pastors en ander kerkleiers te mentor en begelei; en na die uitdagings van bedieninge in die arm gemeenskappe.

Hier is die aanbieders van dag 2, asook ‘n paar ander foto’s:

Winterskool2s

 

 

 

 

 

 

 

  • 20150603_103717

  • 20150603_103858

  • 20150603_104543 20150603_104617

  • 20150603_104101 20150603_104523

  • 20150603_105554 20150603_105040

Changing the World?

Written by Wilma le Roux on . Posted in Konferensies, VBO

Winterskool-sprekers dag 1

Die sprekers van dag 1 by die Winterskool van 2-4 Junie 2015 op Stellenbosch

Prof Barney Pityana het tydens die hoofrede van die oggend gepraat oor hoe om beide ‘n getroue volgeling van Jesus én ‘n verantwoordelike burger te wees. Ons word binne ons demokrasië geroep om te getuig oor die transformerende liefde van God vir die wêreld.

Die res van die dag is gesels oor sake soos menswaardigheid (met ‘n dowe dominee en haar horende kollega wat vertel het hoe om die grense tussen dowe en horende lidmate in hul gemeente te oorbrug); oor dissipelskap en burgerskap vanuit die Ou en Nuwe Testament belig; oor die uitdagings van ongelykheid in ons land; oor hoe die kerk kan help om mense te laat verantwoordelikheid neem in hul eie gemeenskappe; en oor hoe die kerk moet lyk in die volgende 30 Jaar.

Hierdie 5 temas word elke oggend verder bespreek, vanuit verskillende hoeke en deur verskillende sprekers belig.

Tydens die middagsessies kon konferensiegangers inskakel by gesprekke oor hoe prediking in kerke regtig ‘n verskil op voetsoolvlak kan bring; oor die kerk se betrokkenheid in kinderwerk en die beskerming van die kind se regte; oor missionale gemeentes en hoe hulle ‘n verskil kan maak; oor hoe leiers ‘n kerk én wêreld kan help transformeer; en oor die verwantskap tussen dissipelskap, rentmeesterskap en verantwoordelike burgerskap.

KOM LUISTER VANDAG EN MôRE VERDER HOE JY KAN HELP OM DIE WêRELD TE VERANDER!!

Eendag-kursus oor Kontemporêre Musiekbediening

Written by Wilma le Roux on . Posted in Kursusse

Bou jou eie pizza

–  Gemeentehulpmiddels vir musiekbediening


MusicWorkShop-Image
Ons nooi jou graag na ‘n opwindende eendag-kursus oor Kontemporêre Musiekbediening:

Bou jou eie pizza –  Gemeentehulpmiddels vir musiekbediening 

Wanneer: 23 Julie 2015

Waar: Bybel-Media, Wellington

Aanbieders: Faani Engelbrecht en Nico Simpson

VBO-punte: 5

Die beste pizza-plekke gee aan jou die geleentheid om jou eie pizza te bou, want:

as jou gesin soos my gesin is, hou die een van sampioene, maar nie van pynappel nie;

die ander een verkies spinasie, terwyl die ander een ’n karnivoor is wat net vleis en ekstra kaas verkies.

Musiekbediening werk mos maar dieselfde.

Jou gemeente verkies om geen dromme te hê nie, maar hulle sal heerlik saam met ’n kitaar sing.

Die buurgemeente kan nie sing sonder elektriese kitare en techno-klanke nie.

Vir gemeentes wat aangewese is op ‘backtracks’, kan dit egter moeilik raak, omdat jy eenvoudig moet vat wat jy kan kry.

Brandhout Multitracks is ’n rekenaarprogram en 20 liedere (multitracks)  wat jy self kan opstel en manipuleer volgens jou gemeente se eiesoortige behoeftes.  Jy kan selfs die toonhoogte en tempo van die lied bepaal!

  • Hierdie 1 dag-kursus word aangebied deur Ds. Faani Engelbrecht  en Nico Simpson – in samewerking met Bybel-Media se kantoor vir kerkmusiek.
  • Die kursus kos R750, maar sluit die volledige pakket en rekenaarprogram (ter waarde van R2000) in!
  • Kursusgangers moet hulle eie rekenaars en oorfone bring (’n tablet sal nie werk nie en Apple nie verkieslik nie).

Faani sal die program stap vir stap verduidelik en jou wys hoe om dit uiteindelik in jou musiekbediening in te span.

Wie sal baat vind hierby?

  • Enige predikant of musiekleier wat al ooit gesukkel het om ’n musiekbedieningspan op die been te bring
  • of een gedurende die vakansie bymekaar te kry.
  • Gemeentes wat glad nie ’n musiekbediening het nie, wat graag Flam-liedere wil sing en aangewese is op backtracks.
Vir ‘n inskrywingsvorm, kliek hier:  VBO14 Bou jou eie Pizza _ Kontemporêre Musiekbediening
Skryf in VOOR 19 Julie

 

Worship Conference Notas : laai hier af

Written by Wilma le Roux on . Posted in Konferensies

Worship

Conference

2015

 Worship Conference

Hierdie omvangryke konferensie  oor die erediens en liturgie met sy 48 temas wat deur 34 sprekers en predikers aangebied is, se Powerpoint aanbiedings en uitdeelstukke word nou tot almal se beskikking gestel. Kliek op die titel van die aanbieding waarin jy belangstel.

Duane Kelderman_Five Factors in Significant Change South Africa

Duane Kelderman_Wednesday Sermon_Isaiah 43 I Will Be With You South Africa

Duane Kelderman_Tension-What Makes People Listen to a Sermon South Africa

Duane Kelderman_Preaching as Confluence South Africa tabbed

Invovlving Laity in Worship Training Resource_James Nicolson

Involving laity in Worship Profile of a Worship Leader_James Nicolson

Closing Worship_Mary-Ann Plaatjies

Children in Worship-Taking Back the Sanctuary_Debbie vd Laar

Johan Cilliers – SEEING, SIGHING, SIGNING_Preaching Vulnerability

John van de Laar_Participating in Missional Communities

John van de Laar_Reaching Into The Community – Worship and Mission

John van de Laar_Reaching Into The Community (Keynote)

John van de Laar_Technology in Worship (Keynote)

John van de Laar_Technology in Worship

Kevin Williams – Creativity in Worship

Kevin Williams – Taize service – Variatons on a theme

Kevin Williams – The Suggested Design of the Liturgy of a Worship Service (handout)

New Trends and Developments in Preaching – Especially in South Africa

Powerpoint_New Trends and Developments in Preaching – Especially in South Africa

The Social Impact of Liturgy _Thomas Plastow

Singing our Faith Training Resource _James Nicolson

Presenting and Participating in Worship_Andre Bartlett

Praying the Liturgy_Michiel Strauss

WORKING WITH WHAT YOU HAVE_Andre Allies

Worship and the transformation of public life_Nico Koopman

 

 

 

Winterskool 2015

Written by Wilma le Roux on . Posted in Konferensies, Nuus, VBO

Changing the World?

An invitation to faithful discipleship and responsible citizenship

2 – 4 Junie 2015

Winterskool embleem

Die jaarlikse Winterskool is ‘n Ekumeniese Konferensie, aangebied deur Fakulteit Teologie, Universiteit Stellenbosch
in samewerking met Ekklesia, Communitas en die Beyers Naudé Sentrum vir Publieke Teologie

PLEK

Fakulteit Teologie, Dorpstraat 171, Stellenbosch

HOOFSPREKERS

Proff. Barney Pityana, Amanda Gouws en dr. Coenie Burger

AANBIEDERS

Persone van verskeie kerke sal as sprekers optree: Elsabe Döman, Jetro Cloete, Tiana Bosman, Craven Engel, Stephen Snyman, Spiwo Xapile, Louis Jonker, Elna Mouton, Jeremy Punt,
Nadine Bowers-Du Toit, Craig Stewart, Stan du Plessis, Braam Hanekom, Donald Katts,
Derrick Marco, Londiwe Xulu, Gerjo Ben van der Merwe, Donald Katts, Derrick Marco, Shaun Burrows, Erica Greathead, Tim Hawkridge, Leon Klate, Esmé Bowers, Alan Storey,
John van de Laar, Anita Cloete, Xolile Simon, Dawid van Huffel, Jim Harris, Duncan McLea, Mxolisi Mpambani, Walter Philander, Ron Phillips, Xola Skosana en Yvette Moses.

REGISTRASIE

Die program en registrasievorm kan hier onder afgelaai word.

Vir die PROGRAM, kliek hier:   HomePrintVersion

Vir ‘n INSKRYWINGSVORM, kliek hier: WinterskoolRegistrasievorm2015

NAVRAE
Wilma le Roux (Communitas): Tel: 021-808 3624; E-pos: Wilma

LW:    Vanweë die ekumenie se aard sal die konferensie hoofsaaklik in Engels aangebied word, maar deelnemers is welkom om bydraes in Afrikaans te maak.

Oggend seminaar oor Missionale Teologie    

Written by Wilma le Roux on . Posted in Konferensies

 Die Toekoms van Missionale Teologie

Prof Darrell Guder

 Darrell Guder

30 April 2015

Hierdie oggendseminaar gaan oor die Toekoms van Missionale Teologie in die lig van die WRK en die NGK se onlangse beleidstukke oor missionale ekklesiologie.

Die seminaar is ‘n opvolg van die konferensie oor missionale teologie in Januarie, waar verskillende internasionale en Suid-Afrikaanse leiers, teoloë en ander kundiges opgetree het.

Tyd: 9h00-13h00

Plek: Communitas

Koste: Gratis, maar ….

Skryf asseblief in om te verseker dat daar vir jou ‘n sitplek is:

Stuur ’n epos na wler@sun.ac.za met jou naam en van, asook die woorde Inskrywing vir Missionale Teologie, 30 April.

óf

bel die VBO-kantoor met dieselfde boodskap as bo.

Groot Konferensie, Groot Sukses!

Written by Wilma le Roux on . Posted in Ekklesia, Konferensies, VBO

Worship

Conference

2015

 Worship Conference

Hierdie is waarskynlik die omvangrykste konferensie nóg in Suid Afrika oor die erediens en liturgie – ons dink nie daar was al `n liturgiekonferensie van hierdie omvang in ons land gehou nie.  48 temas is deur 34 sprekers en predikers aangebied – sprekers vanoor die hele land, asook 4 van die Calvin Institute van Amerika.

Ons weet dat gereformeerdes deur die tyd nie baie aandag aan erediens en liturgie gegee het nie.  Hierdie instituut is besig om ons te help om in te haal op die agterstand.

Ongeveer 200 mense het ingeskryf vir hierdie konferensie met sy unieke en baie interessante reeks temas, wat ingesluit het:

Die betekenis en doel van Aanbidding/ Wat maak `n erediens goed?/ Om die liturgie van swart kerke beter te verstaan/ Om God te verheerlik in die erediens…/ Kreatiwiteit in ons aanbidding / Hoe word mense verander deur die erediens?/ Die rol van tegnologie in die erediens / Die plek van musiek in die erediens/ Wat maak dat mense na `n preek luister/ Plek vir die sakramente / Erediens en Pastorale Sorg / Kinders in die erediens… en nog veel meer!

Die fasiliteite van Helderberg Gemeente in Somerset-Wes leen hom uitstekend vir ‘n konferensie van hierdie omvang, en benewens die hooftemas kon ‘n groot verskeidenheid van wegbreeksesssies bygewoon word.

Gedurende teetye en etenstye (wat aangebied is deur ‘n baie bekwame spysenieringspan) het konferensiegangers wat bestaan het uit ‘n groot verskeidenheid van kultuurgroepe en denominasies, lekker saamgekuier en mekaar leer ken.

In Frederick Marais se woorde:  “Ons is baie trots om deel van so ‘n uitstekende konferensie te kan wees. Die samestelling van die gehoor is so hoopvol in tye wat ons land se mense sukkel om mekaar te hoor en te waardeer!”

Op die foto wat geneem is van die Beplanningskomitee saam met die 4 Amerikaners, is van links na regs:

Keith Griffiths, Debbie van de Laar, David Rylaarsdam (VSA), Duane Keldermann (VSA), Ankia du Plooÿ, Coenie Burger, Kathy Smith (VSA), Bruce Theron, John van de Laar, James Nicolson en Neal Plantinga (VSA).

Groepsfoto IMG_3129

Die volgende foto het verskyn op Helderberg Gemeente se webblad met die titel: Oor grense heen – wat ‘n pragtige illustrasie is van die gesindhede en uitreik na mekaar tydens die konferensie.

Oor grense heen_Worship Conf

(Beide foto’s geplaas met erkenning aan Jan Branders, kommunikasiebeampte by Helderberg Gemeente.)