CLF

Written by Esther Blackaller on . Posted in Interaksie, Taakspanne, Vrouelidmate

Die natuur om ons

CLF1

Nuut in CLF se reeks pamflette is twee onderwerpe wat verband hou met die natuur. Diere in die Bybel is ʼn interessante waarneming van die rol wat diere in die Bybel gespeel het. Prof Jannie du Preez lig op sy kenmerkende manier die belangrikheid van diere in die Bybel uit. Hy wys op God se deernis in die sorgvuldigheid waarmee hy elke dier geskep het, dat God deernis en sorg wys selfs vir ʼn mossie en ʼn swaeltjie.  Hy verwys ook na Martin Luther wat gesê het: “Wys my hoe jy jou hond behandel en ek sal jou sê watter soort mens jy is!”

Prof du Preez vra ten laaste – “As die diepste doel van die hele skepping dan is om lof aan die Skepper en Verlosser te bring, dwing dit ons om te vra: Is dit nie die heerlike plig en voorreg van die mens, wat as beeld en verteenwoordiger van God oor die aarde en sy diereryk aangestel is, om teenoor diere só op te tree dat ook hulle die doel van húlle bestaan steeds beter sal kan verwerklik nie?”

Hierdie vraag is weliswaar ook van toepassing op die pamflet wat handel oor ekologie. Ons woon in die aarde, geskryf deur prof Dons Kritzinger, maak dit baie duidelik dat hierdie ‘huis’, hierdie aarde waarin ons woon, in groot moeilikheid is.CLF2

God se skeppingsdoel was juis dat mense – geskape na God se beeld, medeverantwoordelikheid moet neem vir God se skepping. Die mens is bedoel om die skepping te bestuur, maar oral is die bewyse dat ons jammerlik hierin faal. Die pamflet lig tasbare voorbeelde van hierdie probleme uit en gee dan aan die hand van Christenwees riglyne wat ons kan doen om anders op te tree, te leer dink en doen om die hartseer stand van sake te probeer beredder.

Hierdie pamflette is soos altyd gratis, maar in beperkte hoeveelhede beskikbaar by CLF. Vir meer Inligting, besoek www.clf.co.za of stuur ʼn e-pos aan info@clf.co.za. U kan ook ʼn bestelling plaas deur 021 873 6964 te skakel.

EMOSIONELE INTELLIGENSIE: GELUKSVIRUS!!

Written by Mariette Steyn on . Posted in Interaksie

Pieter_van_JaarsveldWat dink jy was die no 1 toe aan mense, in verskeie lande, gevra is wat hulle die meeste begeer? Lang lewe, mooi huis, Mercedes……..?

No 1  was om gelukkig te wees!!

Goeie keuse! Navorsing wys dat gelukkige mense langer lewe, ander hou meer van hulle, hulle trou makliker en bly langer getroud, word ouer en leef langer, het beter verhoudings, is meer suksesvol, is gesonder, is meer produktief, beter selfbeeld, beter leiers. Wow!  Genoegsame rede om dit ‘n doelwit te maak!

Mites oor Geluk

  • Geluk moet gevind word: Nee, dis ‘n keuse wat jy moet maak;
  • Geluk lê in veranderde omstandighede: Omstandighede het weinig invloed op jou welwese;
  • Jy het dit of jy het dit nie: Jy het beheer daaroor.

Interessante navorsing bewys dat 50% van jou geluk wel geneties is m.a.w. jou voorvaders en ouers, 10%  is wel omstandighede gedrewe (moeilike tye), 40% is in jou beheer. Dis juis aan hierdie 40% wat ons dus iets kan doen.

Depressie –geen

Depressie word geassosiëer met ‘n spesiefieke geen nl 5-HTTLPR. In Nieu-Zeeland is gevind dat daar wel mense is wat hierdie geen het , maar nie depressief geword het nie. Hoekom nie? Mense wat baie gelukkig, positief en emsioneel intelligent was, het nie depressie ontwikkel nie. Nog ‘n rede vir geluk!!

Selftoets: My vlak van gelukkigheid

Wees baie eerlik met jouself en probeer nie om jou beter voor te stel nie. Vir elk van die volgende stellings en/of vraag, sirkel die syfer wat jou op die oomblik die beste beskryf:

  1. 1.       Ek sien myself as gewoonlik

1          2          3          4          5          6          7

Nie baie gelukkig                               baie gelukkig

  1. 2.       In vergelyking met my tydgenote, sien ek myself
    1. 1              2          3          4         5         6           7

Minder gelukkig                               meer gelukkig

  1. 3         Sommige mense is oor die algemeen gelukkig. Hulle geniet die lewe t.s.v. wat aangaan. Hoe ‘n mate beskryf dit jou?

1           2          3         4         5         6        7

Glad nie                                            Grootliks

  1. 4         Sommige mense is meestal ongelukkig. Alhoewel hulle nie depressief is nie, is hulle nooit     gelukkig soos hulle hoort te wees nie. Tot watter mate is dit waar van jou?

1         2        3        4         5        6        7

Grotendeels                                Glad nie

 

Kry nou die total van die getalle wat jy  omsirkel het en deel deur 4. As jou gemiddeld 5 is, is dit aanvaarbaar. Hoër as 5 is beter.

PAD NA GEGLUK!

Sonja Lyubomirsky het navorsing met duisende mans en vrouens gevind dat daar twaalf intervensies is wat mense gelukkig maak. Alhoewel dit sielkundige navorsing was, sal jy verbysterd wees om te sien hoeveel van hierdie dinge die Bybel ons  ook maan om te doen!! Ons dien darem ‘n wonderlike God met ‘n Lewende Woord! Ons moet net meer doen wat Hy sê! 

GELUKS-INTERVENSIES VIR BLYWENDE GELUK

  1.  Leef ‘n lewe van dankbaarheid (Fil 4:4): Bepaal elke aand in jou stilteyd wat is die 5      dinge waarvoor jy daardie dag dankbaar kan wees.
  2.  Leef ‘n lewe van optimisme. Optimiste gee nie maklik op nie. Dink aan Thomas Edison en die gloeilamp! Sien meer oor optimisme in my vorige artikel.
  3.  Doen goeie dinge aan ander (1 Tim 6:18). Koppie sop waar nodig, klere vir behoeftiges….
  4.  Vertroetel goeie verhoudinge.
  5.  Ontwikkel strategieë om te cope (Rom 5:5). Die van julle wat my boek oor EI het, kyk na die ABCDE tegniek, strestegnieke…
  6. Leer om te vergeet en te vergewe. Onthou wat Madiba gesê het toe hy losgelaat was: “When I walked out of the gate, I knew that if I continued to hate these people, I was still in prison!”.” Onse Vader” in praktyk?! Sê TOTSIENS aan die verlede.
  7. Hou op om jou te bekommer! Ralph Emmerson het gesê: “Finish each day and be done with it. You have done what you could; some blunders and absurdities have crept in: forget them as soon as you can. Tomorrow is a new day; you shall begin it serenely and with too high a spirit to be encumbered with your old nonsense.” Onthou uit ‘n vorige geselsie van ons: 5 minute van negatiwiteit het ‘n ses uurlange negatiewe effek op jou immuunsisteem!
  8. “FLOW”: Doen meer van daardie dinge waar die tyd stilstaan en jy jou net gate uit geniet. Bv lees, naaldwerk, musiek luister… Jy kan “flow” bewerkstellig terwyl jy onbenullige take doen soos stofsuig. Terwyl jy dit doen luister na mooi musiek in jou gedagtes, teken cartoons in jou kop, ens.
  9. Geniet meer die mooi van elke dag! Ruik weer die rose, sien weer die sonsopkoms met emosie, geniet jou kinders… Soek vir hierdie gelukkige oomblikke!
  10. Leef ‘n toegewyde christelike lewe. Toegewyde christene is gelukkiger en leef langer.
  11. Kyk na jou liggaam (oefening en meditasie)en jou gees (verander jou mindset soos in vorige artikels gesê). Word dus meer emosioneel intelligent. In die volgende artikel gaan ons spesifiek oor die stress as ‘n moordenaar van geluk gesels.
  12. Kry weer doelwitte wat jou opgewonde en gelukkig maak en doen dit! Reis na Rome en bestudeer argitektuur, loods ‘n projek vir straatkinders, word die vonkelvrou van jou dorp…. Die hartseer is nie dat ons nie ons doelwitte bereik nie, maar dat ons nie meer doelwitte en drome het nie!!

Toe! Spring nou aan die werk! Toets jouself, kies 3 van hierdie intervensies, doen dit vir 3 maande, toets jou weer en sien hoe jy ’n gelukkige emosionele intelligente sieraad geword het! Sterkte!

 

 

Vroue is soos pragtige bosse blomme

Written by Mariette Steyn on . Posted in Interaksie

Amanda Kruger-van Deventer gesels in die volgende 3 Interaksies met ons oor hoe ons as vroue ander vroue kan dra en ondersteun …

Die skoonheid van ‘n roos kom tot volle prag deur die bystand van haar gesonde groen blare. Die blare van ‘n roosboom is soos die hart en longe van ‘n mens. Hoe gesonder, sterker en groener die blare is, hoe mooier is die roos. Die blare verleen dus bystand aan die roos. (Ludwig Taschner)

Vroue is vir my soos pragtige bosse blomme. Elke bos blomme het haar eie unieke persoonlikheid. Haar eie unieke geur wat ruik na lelie, roos, mirre, aalwyn, kassie, safraan, appel, kaneel, soetdoring, lenteblomme of balsemolie. Elke vrou is, uit genade, ‘n heerlike vreugdevolle ruiker wat die liefdegeur van Jesus se Verlossing kan uitdra aan ander vroue in ons land, en ook wyer deur die wêreld. Ons woon in ‘n land met vele geloofsdenkrigtings. Jesus, deur sy kruisdood en opstanding, laat ons gelowige Christenvroue se  blomstele ryklik drink uit die bron van helder Lewegewende Liefdewater vol van sy genade. 

As Christenvroue kan ons ‘n verskil maak, want ons het vir Jesus. Ons staan bymekaar. Ons verleen bystand aanmekaar net soos die blare van ‘n roos aan die roosknop. Ons kan “by-staan” en luister (Ps 141:1+2), “saam-staan” in lag- en huiltye (Ps 71:23 / Ps 126:5+6), “oorleun-staan” in versorging, vertroeteling, koestering en bederf (Hebr 13:5 / Ps 138:3 / Jer17:14), “om-staan” in drukkie-gee-vol-insig-en-begrip (1 Tess 5:17 / Fil 4:6+7),  “voor-staan” in beskerming en saamloop (Ps 121 / 2 Tess 3:3 / 2 Tim 4:18), “onder-staan” in optel en dra (Luk 1:37 / 2 Kor 12:9),  “buig-staan” voor God, ons Vader, Jesus Christus ons Verlosser en die wonderwerkende Heilige Gees  (Ps 37:4-6 / Ps 150).

Saam is ons vlindervlerkvry in Jesus. Uit God se genade versprei ons saam Jesus unieke geur van genade. Volgemaak met die Heilige Gees se arendvlerkkrag staan ons bymekaar. Verleen ons bystand aanmekaar soos wat die Skrif dit uitspel in o a Spr 11:30, 1 Pet 3:11+15 en 2 Tess 3:5.  

Volgende kwartaal gesels ons verder oor vriendinne …

daisies

flower_orchid

1307706377

Vriendinne
Roos,
Magrietjie
Madeliefie,
Angelier,
Lelie,
Papawer
 ongevraagd
Saamgevoeg in die natuur
Gepluk deur God vir jou genot
Elkeen sekuur,
 soms slegs vir een enkele uur
Presies soos net Hy weet ons mekaar nodig het

Saamgebind deur God se hand
Bring jy vreugde waar jy jou bevind
‘n soete geur, miskien jou kleur
leliewit of rooi soos bloed
God weet wat jy nodig het vir jou gemoed

Deur die jare voeg Hy by
Neem Hy weg soos die eb gety

Nooit sal jy staan met ‘n leë hand
God ken vir jou en my
Hy weet wat ek nodig het
‘n Vriendin soos jy

(deur Jolene vd Berg)

 

Met oë vol WONDER

Written by Mariette Steyn on . Posted in Interaksie

 

Lê die lewe hard en lelik voor jou? Dan is dit tyd dat jy jou begin verwonder.

Om jou te verwonder, beteken om sag na die lewe te kyk en skoonheid daarin raak te sien.

Die lewe is maar hoe jy daarna kyk. Kyk jy met ‘n sug na alles om jou, dan sug die lewe terug. 

Maar sê nou maar net jy kan dit regkry om met verwondering na die lewe te kyk. Dan nooi die lewe jou met mooi oë in.  Sê nou maar net jy kyk om jou, en jy sien nie net dinge en liggame en probleme raak nie. Jy kyk met verwondering … en jy sien hoe verander die alledaagse in die ongewone. Jy sien skielik die oneindige mooi in gewone dinge.

En dis tog God wat ‘n mens so laat kyk. Ons verwonder ons aan Hom. Die Bybel noem Hom nie verniet Wonderbaar nie.  En dis die Wonderbare wat vir ons die oë gee om ons mee te verwonder.

Eintlik het alle groot dinge begin omdat iemand hom of haar aan iets verwonder het. Ja, verwondering is die begin van ‘n diep gedagte, ‘n boek, ‘n gedig, ‘n lewensuitkyk. Sonder verwondering sou daar nie eers teologie kon wees nie. En sou ons nie oor God kon dink of praat nie.

Ons lees so baie in die Bybel van vroue wat sterk en gesond geword het, omdat hulle hulle kon verwonder aan God se teenwoordigheid. 

Ek dink aan Eva, wat haar verwonder het aan God se genade nadat sy uit die paradys die wildernis ingestuur is. En daarom vir haar kinders name gegee het wat aan God se genade herinner het, en nie aan sy straf nie (Genesis 3).

Ek dink ook aan Hagar (Genesis 16) wat haar aan God verwonder het toe sy Hom in die woestyn leer ken het. Sy verwonder haar aan dié God wat Hom aan haar openbaar toe sy en haar kind besig was om van dors te sterf. En in haar verwondering noem Hagar God “die Een wat my sien”.

En dan is daar natuurlik Rut, wat haar verwonder het aan die God van moontlikhede. Dié God wat altyd weer nuwe deure oopmaak en nuwe hoop bring. Die God wat jou verantwoordelikheid vir jouself laat neem. En jou die genade gee om die lewe by die horings te pak.

En wat van Hanna? Hanna sing ‘n lieflike lied (1 Samuel 2) waarin sy haar verwonder oor God wat ‘n mens se alledaagse behoeftes raaksien. Haar diep behoefte om ‘n kind te hê, was nie vir God onbenullig nie. Hieroor verwonder Hanna haar. Sy sien God se sorg in die kind wat Hy vir haar gegee het.

En dan is daar nog die vrou van Hooglied, wat haar verwonder aan die skoonheid van die man wat God haar gegee het. Sy verwonder haar aan die liefde, en hoe lus dit ‘n mens vir die lewe maak. 

Die Nuwe Testament is vol verwonderde vroue. Daar is die vroue rondom Jesus (Lukas 8) wat hulle verwonder het aan sy woorde van liefde en genesing. Daar is Lidia en Priscilla wat hulle so verwonder het aan Jesus se boodskap van verlossing en hoop, dat hulle in huise en tente sy kerk gestig het.