7de Laan-oggend

Written by Mariette Steyn on . Posted in Nuus uit gemeentes

Die tema van die gewilde TV-sepie, 7de Laan, was ʼn treffer. Niemand wou dit mis nie. Daarvoor was die verrassingselement net te groot.

Dit het vir groot geesdrif en ondersteuning gesorg toe die Kommissie vir die Diens van Barmhartigheid van die NG gemeente op Napier ʼn baie prettige

7de Laan-oggend

gehou het – alles vir ʼn baie goeie doel.

• Die plan hiervoor het ontstaan sodat geld ingesamel kon word vir Anelé Fourie (13) se mediese uitgawes. Sy het sistiese fibrose. Dit is ʼn siekte waar ʼn dik, taai slym verhinder dat veral die longe en die pankreas normaal funksioneer. Lyers hieraan het onder meer hospitalisasie en voortdurende medikasie nodig.

Dié oggend is een van die projekte wat aangepak is om die Fourie-gesin geldelik te help.

Op Napier is die insameling vir Anelé bekend as die Pienk Varkie-fonds en op dié oggend het die varkies se pensies sommer boepens gestaan.

Geen wonder nie dat pienk varkies die tafels van Oppie Koffie versier het.

Die toegangsgeld was dan ook ʼn donasie vir die Pienk Varkies.

Alles was daar soos die deli met heerlike wegneemgeregte, blomme, en tuisgemaakte produkte; die slaghuis met onder meer biltong; die boetiek met uitsonderlike uitrustings en handsakke; en die boekwinkel met honderde tweedehandse boeke – en natuurlik ook Napier se Matrone, Hilda en Vince, asook die bekende 7de

Laan-eetgoed soos Hilda se dadelvingers en Matrone se koeksisters en Hertzoggies.En ja, daar was ook ʼn gaskunstenaar.

Nog een van dié kommissie se vele projekte is dat mense met die Pinkster-bidure komberse skenk. Dit word vir verspreiding aan die suster in bevel van die tuisversorgers oorhandig. Hulle weet waar die nood die hoogste is. Dit is verlede jaar ook gedoen, maar vanjaar word ook vir warm klere gevra.

Gemeentenuus: Richmond

Written by Mariette Steyn on . Posted in Nuus uit gemeentes, Vrouelidmate

Die geestelike bediening van plaaswerkers lê die vroue van Richmond na aan die hart. Jesus se dissipels was mense wat

OORGEE, OMGEE EN AANGEE

in kort die belangrikste opdragte in die Woord: liefde tot God, liefde tot my naaste en die sendingopdrag.

Kerk GordonsbaaiOns as gelowige vroue gee om. Omgee is om liefde ‘n werkwoord te maak: gee om vir mekaar, mense in fisiese en emosionele nood. En om ander te help om te kan oorgee, omgee en aangee.

Maar die vraag bly, waar en hoe begin ons? Teen hierdie agtergrond het die vroudienskomitee olv Annatjie Reynolds besluit om ons onlangse byeenkoms (21 Mei) hier rondom te bou. Die plaas Boomanulla in ons omgewing is ‘n baken. Hier het die prentjie handomkeer verander. David het enkele jare gelede begin om die Amos boekies wat die evangelie met treffende eenvoud oordra, met sy mense deur te werk.

Die mense van Boomaulla het toe vir ons kom vertel. Soos die verhale ontvou, kom die sekere wete die Gans Andere is aan die werk. David sê Angus het hom wakkergeskud en in sy ywer het hy “foute” gemaak. Maar die groot Skepper sorg en die bybelstudies, die saambid en praat het hul verhouding met mekaar aangeraak. Toe hy sy pa verloor, het sy werkers hom gedra. Ander vertel van die lewe vóór en na alkholmisbruik en alles wat daarmee saamgaan – die wat weet en hulle lank ken, knik instemmend. Die elektriese skok-dood van ‘n plaaskind, beste speelmaat van Louis, David se seun, het almal geruk. Ook die ma wat haar kind verloor het, getuig “as die nie vir die Here was nie…”

“As dit nie vir die Here was nie…het die geestelike nood van plaaswerkers nie die hart geraak van’n merkwaardige gelowige vrou nie. Seppie Oosthuizen is reeds oorlede, maar haar nagedagtenis is ‘n getuienis vir die Amos bediening. Op haar plaas het sy klaskamers ingerig om Amos kursusse aan te bied. Haar dogter, ook Seppie (Peyper) het vir ons vertel van haar ma se besondere geloof, omgee en toewyding om die Woord aan plaaswerkers oor te dra en hulle op te lei om ook die Woord “aan te gee”. Maar die humor het ook nie uitgebly nie. Soos toe hulle by Gafoor se winkel verbyry en haar ma sê sy wil graag sien hoe lyk die winkel. In die winkel koop jy soos in toeka se tyd – toonbank voor, ware agter en jy moet maar vra wat jy wil hê. Die ingang na die drankwinkel is ook daar. Dis toe net dáár wat haar pad kruis met ‘n Amos-leerling. Dié is net daar kortgevat en Seppie sê sy dink hy sit tot vandag toe nie sy mond aan drank nie.

“Ek kon nie lees of skryf nie, sy het my eers geleer,” is die pragtige getuienis van die man wat ten volle opgelei is in die Amos bediening en vandag groot werk onder plaaswerkers doen.

Van ons plaasvroue het begin om die Amos kursus saam met hul huishulpe deur te werk.

*Ons Vrouedag op 9 April kan kortom beskryf word as verrykend. Ds René Potgieter van Beaufort-Wes het met ons gesels oor diensbaarheid teen die agtergrond van Ester (Hadassa). Vroue het later die kans gekry om ‘n hoender te ontbeen. Die dag is op vrolike karaoke noot afgesluit.

*Rooi polkadot tafeldoeke, kerse, kaasborde, hoenderhappies en koffie met hartjie koekies het gehelp om die atmosfeer te skep vir die jaarlikse Valentynskonsert in Februarie . Pluimpie in die hoed vir Louisa en Mike, begelei deur Ronel, wat met hul sangtalent reg laat geskied het aan pragtige liefdesliedere.

Laingsburg Nuus

Written by Esther Blackaller on . Posted in Nuus uit gemeentes

Gemeentenuus  Laingsburg  Lisa Cronje

Ons het tydens ‘n vroueverrykingsfunksie wat in die winter 2012 gehou is, stilgestaan by “Wat is jou droom.. vir Laingsburg?” Dit laat ‘n mens dink.

Almal het iewers ‘n droom. Wat is die werklikheid en waar begin ons drome verander in die werklikheid wat ons elke dag sien en waarmee ons elke dag gekonfronteer word? Orals sien en hoor ons dit: “Leef jou droom. Soek jou droom. Beplan jou drome”. Die droom wat ‘n werklikheid kan word.

Die oues en wyseres van dae, sal dalk sê: Lank gelede was daar ‘n droom … Moet ons ooit ophou droom? Self al skud die realiteite van die gebroke lewe met sy koue hande die appelkar soms om … Wat bly oor in ons harte en waar kan ons gaan om ons droom-emmertjies vol te maak as ons een dag wakker word en geen droom of visie meer in die lewe het nie?

Hap en stap

Hap en stap

Gemeentenuus: Durbanville Bergsig

Written by Mariette Steyn on . Posted in Kampe, Nuus uit gemeentes, Vrouelidmate

alt

Hettie \brittz

Die vroue van Durbanville-Bergsig het vanaf ons laaste terugvoer met so ‘n passie aan die koninkryk van God help bou – dis ‘n voorreg om dit met ons Interaksie Vriendinne te deel.

Boerekosaand

Ons jaarlikse Boerekos aand is laasjaar aangevul met ‘n ontspanne, propvol Vroue-kuieraand op 19 September.  Die aand het afgeskop met ‘n pragvertoning deur Annique, ‘n Afrikaanse sangeres van Bellville, gevolg deur ‘n roerende getuienis van Adri, Annique se Mamma, rondom die pad wat sy met kanker stap.  Daarna het “Get Organised” se Kirstie Sprowson aan die woord gekom met nuttige “tips” vir effektiewe tydsbestuur en hoe om jou huis (en kinderkamers!) te organiseer – voorwaar ‘n openbaring vir menige vrou!  Die aand is afgesluit deur ons eie Catherine Dreyer wat op haar treffende wyse ons inspireer het om as vrou jouself na waarde te skat, want vir God is jy kosbaar:  Psalm 139: 14  “ …U het my op ‘n wonderbaarlike wyse geskep”.

alt

Vis op die kole

Ons Vrouekamp was 12-14 April 2013 by Melkbosstrand en Lizette du Piesanie het met ons die tema “My identiteit in God” behandel.  Ons was ongeveer 70 vroue wat die naweek bygewoon het.  Die Here het met elkeen ‘n afspraak gehad.  Sommige van ons het Vrydag by die kamp aangekom met die gevoel van “wat maak ek nou eintlik hier?”; sommige was vasgevang en toegespin met seer en probleme; sommige het net gehoorsaam opgetree omdat ons Here hulle by die kamp wou hê.  Die hoogtepunt van die naweek was Saterdag-aand toe ons almal met ‘n laken wat oor ‘n mooi stel klere gedrapeer was, by die saal moes opdaag en waar ons tydens ‘n seremonie ons “ou klere” moes afgooi en ons “nuwe identiteit in God” simbolies moes aantrek.  Die Gees van God het ons almal se harte daardie aand kom vol maak en ons het besef, ons is soos vlinders!  Ons het uit ‘n kokon gebreek en ons het ‘n nuwe lewe en toekoms in God!  Sondag-oggend was ‘n getuienis-geleentheid en ons het daarna saam Nagmaal gebruik!   Baie van ons kan getuig dat daar ‘n warmte en liefde tussen ons vroue ontstaan het wat ons steeds ervaar wanneer ons mekaar sien en wat ons wil uitdra na ander daarbuite.   Na die naweek het elkeen van ons geweet – God het met elkeen van ons ‘n afspraak gehad!

Met groot verwagting het baie vroue uitgesien na Hettie Brittz se koms na Durbanville-Bergsig. Sy het die Vreesloos Vry seminaar vir ongeveer 450 vroue aangebied op 3-4 Mei 2013. Enige vrou wat wou, kon dit bywoon en saam het ‘n groepie gebid dat die vroue wat kom, daar moes wees en sou wegstap met net die regte woorde wat hulle nodig gehad het.

Alida Vorster (Kommunikasiebeampte Durbanville-Bergsig) het met Hettie Brittz gesels en ‘n kort opsommende artikel oor Hettie se gesprek deel ons graag:

Gemeentenuus Langebaan

Written by Mariette Steyn on . Posted in Nuus uit gemeentes

Gemeentenuus Langebaan

Die ou jaar is verby en ‘n nuwe 2013 is al met ‘n drafstap oppad met ons nuwe program en nuwe uitdagings. Ons onthou steeds van ons werksaamhede en bedrywighede van 2012 onder die tema “Vroue met Vlerke”. Die beplanning van funksies was ‘n groot fees en ons was opge-wonde om die jaar te beplan met hierdie tema.

Gemeentenuus Laingsburg

Written by Mariette Steyn on . Posted in Nuus uit gemeentes

Gemeentenuus Laingsburg

Ons het tydens ‘n vroueverrykingsfunksie wat in die winter 2012 gehou is, stilgestaan by “Wat is jou droom … vir Laingsburg?” Dit laat ‘n mens dink.

Almal het iewers ‘n droom. Wat is die werklikheid en waar begin ons drome verander in die werklikheid wat ons elke dag sien en waarmee ons elke dag gekonfronteer word? Orals sien en hoor ons dit: “Leef jou droom. Soek jou droom. Beplan jou drome”. Die droom wat ‘n werklikheid kan word.