Winterskool – die laaste dag

Written by Wilma le Roux on . Posted in Ekklesia, Konferensies, VBO, Vennote

Gedurende die oggend van dag 3 van die Winterskool het die fokus geval op die kwessie van ‘verander die Wêreld’. Kan die kerk ‘n rol hierin speel? En hoe kan ons dan hierdie rol defineer?

Dr Coenie Burger was die hoofspreker van hierdie oggend. Hy het verduidelik dat die tema vir hierdie jaar se Winterskool, nl. Om die Wêreld te verander (“Changing the world”) afkomstig is van ‘n boek wat geskryf is deur James Davison Hunter.  Hierdie boek is in 2014  in ‘n kleiner groep bespreek, en daar is gevoel dat die vraagstukke wat hier na vore kom op ‘n baie breër front bespreek moet word. Dr Burger het in sy toespraak aan die hand van Hunter se verrassende ontleding van die situasie in die VSA gaan kyk hoe dit van toepassing gemaak kan word op die kerke van SA.

Die hele toespraak, asook die van die meeste ander sprekers, sal later op hierdie webblad verskyn – hou die spasie dop!

20150604_113251 20150604_113808

20150604_121613 20150604_121944

20150604_114030

Winterskool Dag 2

Written by Wilma le Roux on . Posted in Ekklesia, Konferensies, VBO, Vennote

Wat is ons verantwoordelikheid as kerk en as landsburgers?

Dit was die onderwerp van Prof Amanda Gouws se rede by die tweede dag van die 2015 Winterskool. kan ons staatmaak op die staat en politici om hierdie land te regeer? Waar pas my en jou verantwoordelikheid in?

Gedurende die oggend parelelle sessies is die temas van die vorige dag voortgesit.

Tydens die middag se onderwerpe is gekyk na hoe liturgie kan funksioneer as ‘n primêre middel tot dissipelmaking; na dissipelskap in die jeugbediening; na hoe om diversiteit in gemeente te omhels; na maniere hoe om pastors en ander kerkleiers te mentor en begelei; en na die uitdagings van bedieninge in die arm gemeenskappe.

Hier is die aanbieders van dag 2, asook ‘n paar ander foto’s:

Winterskool2s

 

 

 

 

 

 

 

  • 20150603_103717

  • 20150603_103858

  • 20150603_104543 20150603_104617

  • 20150603_104101 20150603_104523

  • 20150603_105554 20150603_105040

Groot Konferensie, Groot Sukses!

Written by Wilma le Roux on . Posted in Ekklesia, Konferensies, VBO

Worship

Conference

2015

 Worship Conference

Hierdie is waarskynlik die omvangrykste konferensie nóg in Suid Afrika oor die erediens en liturgie – ons dink nie daar was al `n liturgiekonferensie van hierdie omvang in ons land gehou nie.  48 temas is deur 34 sprekers en predikers aangebied – sprekers vanoor die hele land, asook 4 van die Calvin Institute van Amerika.

Ons weet dat gereformeerdes deur die tyd nie baie aandag aan erediens en liturgie gegee het nie.  Hierdie instituut is besig om ons te help om in te haal op die agterstand.

Ongeveer 200 mense het ingeskryf vir hierdie konferensie met sy unieke en baie interessante reeks temas, wat ingesluit het:

Die betekenis en doel van Aanbidding/ Wat maak `n erediens goed?/ Om die liturgie van swart kerke beter te verstaan/ Om God te verheerlik in die erediens…/ Kreatiwiteit in ons aanbidding / Hoe word mense verander deur die erediens?/ Die rol van tegnologie in die erediens / Die plek van musiek in die erediens/ Wat maak dat mense na `n preek luister/ Plek vir die sakramente / Erediens en Pastorale Sorg / Kinders in die erediens… en nog veel meer!

Die fasiliteite van Helderberg Gemeente in Somerset-Wes leen hom uitstekend vir ‘n konferensie van hierdie omvang, en benewens die hooftemas kon ‘n groot verskeidenheid van wegbreeksesssies bygewoon word.

Gedurende teetye en etenstye (wat aangebied is deur ‘n baie bekwame spysenieringspan) het konferensiegangers wat bestaan het uit ‘n groot verskeidenheid van kultuurgroepe en denominasies, lekker saamgekuier en mekaar leer ken.

In Frederick Marais se woorde:  “Ons is baie trots om deel van so ‘n uitstekende konferensie te kan wees. Die samestelling van die gehoor is so hoopvol in tye wat ons land se mense sukkel om mekaar te hoor en te waardeer!”

Op die foto wat geneem is van die Beplanningskomitee saam met die 4 Amerikaners, is van links na regs:

Keith Griffiths, Debbie van de Laar, David Rylaarsdam (VSA), Duane Keldermann (VSA), Ankia du Plooÿ, Coenie Burger, Kathy Smith (VSA), Bruce Theron, John van de Laar, James Nicolson en Neal Plantinga (VSA).

Groepsfoto IMG_3129

Die volgende foto het verskyn op Helderberg Gemeente se webblad met die titel: Oor grense heen – wat ‘n pragtige illustrasie is van die gesindhede en uitreik na mekaar tydens die konferensie.

Oor grense heen_Worship Conf

(Beide foto’s geplaas met erkenning aan Jan Branders, kommunikasiebeampte by Helderberg Gemeente.)

Teologiese Dag 2015

Written by Wilma le Roux on . Posted in Dienste-Communitas, Seminarium, VBO, Vennote

DIE UITDAGINGS VAN ARMOEDE, WERKLOOSHEID EN ONGELYKHEID

Fakulteit Teologie, Universiteit Stellenbosch (US) se jaarlikse Teologiese dag, wat die amptelike opening van die akademiese jaar inlui, vind plaas op Maandag 2 Februarie 2015 van 09:00 – 13:00 in die Attie van Wijk Ouditorium by Fakulteit Teologie, Dorpstraat 171, Stellenbosch. Die tema vir die geleentheid is: Teologie en die openbare lewe: die uitdagings van armoede, werkloosheid en ongelykheid.

Prof Nico Koopman, dekaan van die fakulteit, sal die tema inlei, waarna Dr Mamphela Ramphele as hoofspreker sal optree. Ds Malcolm Damon, uitvoerende direkteur van die Netwerk vir Ekonomiese geregtigheid, Prof Ronelle Burger van die departement Ekonomie, US en Prof Piet Naudé, direkteur van die US Nagraadse Bestuurskool (USB), sal aan die paneelbespreking deelneem.

In 2015 word die 100ste herdenking van Beyers Naudé se geboorte gevier, en die tema vir die Teologiese Dag is in lyn met sy oproep vir ‘n teologiese en profetiese reaksie ten opsigte van die openbare lewe, insluitend sosio-politieke en ekonomiese aspekte. Die 30ste herdenking van die Kairos dokument wat bekend is vir sy profetiese boodskap, word ook vanjaar gevier. Tydens verlede jaar se Teologiese dag het die voormalige minister Trevor Manuel gefokus op die Nasionale Ontwikkelingsplan, gevolg deur response deur teoloë. Hierdie jaar sit ons die gesprek voort: Hoe moet Christene, kerke en die ekumeniese beweging reageer op die reuse uitdagings van armoede, werkloosheid en ongelykheid? Hopelik kan die gesprek bydra tot ‘n proses van verdere mobilisering en teoretiese en teologiese diepte.

Bywoning is gratis en almal is welkom! Parkering by die fakulteit is beperk en gaste word aangeraai om te parkeer in die Laan of op die walle van die Eersterivier (oorkant Paul Roos Gimnasium). Laat ruim tyd toe vir verkeersdruk.

Die openingserediens van die fakulteit vind plaas op Sondag 1 Februarie 2015 om 19:00 in die Stellenbosch United Church, Van Riebeeckstraat 8, Stellenbosch. Die prediker by hierdie geleentheid is Dr Dion Forster. Ds David Hunter sal as liturg optree.

Navrae: Helette, e-pos hvdwest@sun.ac.za, tel 021 808 3255.

Huldiging John de Gruchy

Written by Wilma le Roux on . Posted in Ekklesia, Konferensies

 

Teologie op die snypunt:


Huldigingskonferensie ter viering van

John de Gruchy se 75ste verjaarsdag

 John-de-Gruchy

‘n Konferensie, “Teologie op die snykant”, ter ere van die bekende Suid-Afrikaanse teoloog John de Gruchy, sal van 3 tot 5 September 2014 aangebied word deur die Fakulteit Teologie, Universiteit Stellenbosch.

John de Gruchy is Emeritus Professor van Christelike Studies aan die Universiteit van Kaapstad en Buitengewone Professor by die Fakulteit Teologie van die US.  Hy is die outeur van  14 boeke en redakteur van baie meer. Hy het reeds  vele toekennings vir sy werk ontvang.

Terugblik op WINTERSKOOL 2014

Written by Wilma le Roux on . Posted in Ekklesia, Konferensies, VBO, Vennote

Christus

ís die Hoop vir Afrika

Winterskool 2014

marleneleroux
IMG-20140610-00851IMG-20140611-00856 dionforstermvumedandala

Ons kan terugkyk op die afgelope week se Winterskool wat by die Fakulteit plaasgevind het in samewerking met Communitas, Ekklesia en die Beyers Naudé Sentrum, en saamstem: dit was ‘n wonderlike paar dae.

Die hoofsprekers vanjaar was Dr Mvume Dandala, President van die Seth Mokitimi Methodist Seminary in Pietermaritzburg; Ms Marlene le Roux, Direkteur van Kunsopvoeding en Ontwikkeling by die Artscape Teater; en Dr Dion Forster, Lektor in Sistematiese teologie by die US. Daar is ook verskeie paralelle sessies aangebied waar oor ‘n groot verskeidenheid van onderwerpe gepraat is.

Gee (on)selfsugtig en volledig

Written by webmeester on . Posted in Vennote

Om ‘n leier te wees is nie aldag maklik nie – jy moet die heeltyd op hoogte bly van wat aangaan in die wêreld, en in jou vakgebied. Ekerk se Learning Community seminare bied juis daardie geleentheid, en is geakkrediteer om VBO punte toe te ken.

Hier volg dan inligting vir twee sulke geleenthede:

 learningcommunity3
 

Ekerk bied op 12 Junie 2014 in Kempton Park so ‘n geleentheid aan waar ons gaan gesels oor ” Gee (on)selfsugting en volledig “.

Hieronder is al die inligting van die volgende geleentheid, maak seker jy registreer vroegtydig, of kontak vir pierre@ekerk.org om meer uit te vind.

Hierdie geleentheid bied 5 VBO punte.

Meer oor die dag:
Die ekerk Learning Community leer geleenthede is spesifiek bedoel vir geestelike leiers wat meer wil leer binne die konteks van gesprek, gemeenskap en geloofwaardige bronne.

Vir hierdie geleentheid fokus ons op ‘n paar onderwerpe, waaronder:
1. Watter rol speel vrygewigheid in ons geestelike reis?
2. Hoe voel gewone gelowiges daaroor om hulle tyd, geld, goed en gawes weg te gee?
3. Hoe lyk ‘n praktiese lewe van geloof wat oop en vrygewig leef?
4. Hoe lyk ‘n gemeenskap van gelowiges wat leef ter wille van ander?

Aan die hand van verskeie literatuur, navorsing en ander bronne gaan ons hierdie onderwerp bespreek en prakties maak vir ons eie bedieninge.

Sprekers vir die dag:
– Mynhardt van Pletsen [ekerk, bemarking, kommunikasie]
– Pierre Engelbrecht [ekerk, bestuur, tegnologie]
– Stephan Joubert [ekerk, skrywer, teoloog]
Registreer deur die volgende skakel te volg: http://www.jotformpro.com/form/41283664627965

 

Ekerk bied op 19 Junie 2014 in Kaapstad so ‘n geleentheid aan waar ons gaan gesels oor “Gee (on)selfsugting en volledig “.

Hieronder is al die inligting van die volgende geleentheid, maak seker jy registreer vroegtydig, of kontak vir pierre@ekerk.org om meer uit te vind.

Hierdie geleentheid bied 5 VBO punte.

Meer oor die dag:
Die ekerk Learning Community leer geleenthede is spesifiek bedoel vir geestelike leiers wat meer wil leer binne die konteks van gesprek, gemeenskap en geloofwaardige bronne.

Vir hierdie geleentheid fokus ons op ‘n paar onderwerpe, waaronder:
1. Watter rol speel vrygewigheid in ons geestelike reis?
2. Hoe voel gewone gelowiges daaroor om hulle tyd, geld, goed en gawes weg te gee?
3. Hoe lyk ‘n praktiese lewe van geloof wat oop en vrygewig leef?
4. Hoe lyk ‘n gemeenskap van gelowiges wat leef ter wille van ander?

Aan die hand van verskeie literatuur, navorsing en ander bronne gaan ons hierdie onderwerp bespreek en prakties maak vir ons eie bedieninge.

  • Waar: NGK La Rochelle  (H/v Meerlust- en Hadleystr), Bellville, Kaapstad
  • Wanneer: 19 Junie 2014
  • Tyd: 9:00-16:30.
  • Tema: Gee (on)selfsugting en volledig.
  • Koste: R350 pp

Sprekers vir die dag:
– Mynhardt van Pletsen [ekerk, bemarking, kommunikasie]
– Pierre Engelbrecht [ekerk, bestuur, tegnologie]

Registreer deur die skakel te volg: http://www.jotformpro.com/form/41283650676964