Communitas Boekesentrum

Written by Frederick on . Posted in Boeke, Dienste-Communitas

Communitas se nuwe boekesentrum is so ingerig dat jy daar lekker kan sit en koffiedrink.

Communitas het met die hulp van Bybelmedia oor die afgelope 2 jaar gebou aan ‘n Boekesentrum wat  fokus op publikasies oor gemeentes en gemeentelike bediening en ook ander teologiese boeke wat vir predikante en gemeenteleiers van waarde kan wees.  Ons het heelwat Suid-Afrikaanse boeke en hulpmiddels beskikbaar en ook ‘n geselekteerde lys van oorsese boeke. Ons is bewus van die feit dat teologiese boeke nie meer altyd so geredelik beskikbaar is nie en baie duur is en doen daarom ons bes om met ons beperkte bronne boeke so billik as moontlik aan te bied.

Die boekesentrum kan by Communitas se kantore tydens kantoorure besoek word.  Skakel gerus vir Zillah Botha by 021-808 2914 om bestellings te plaas of epos na projek@sun.ac.za Ons is tans besig om die  lys van boeke op die webblad te laai – dit behoort teen die einde van Julie 2009 volledig te wees. Let daarop dat ons nie van al die boeke voorraad dra nie en dat daar dalk ‘n wagtyd ter sprake mag wees indien ons die boeke uit die buiteland moet bestel.  Ons sal in elk geval vir u op hoogte hou. Die prys is ook onderhewig aan die wisselkoers. Die boekesentrum is daar om diens te lewer aan predikante en nie om ‘n winsgewende besigheid te wees nie.

 

{gallery}/Boekwinkel/kuier{/gallery}

Trackback from your site.

Leave a comment