PREEKSTUDIES - Blog

Verder geluister: Lukas 14:25-33

Geskryf deur Pieter van Niekerk | 31 Augustus 2010
Posted in Preekstudies - Verder geluister

Jou band met Jesus het baie met jou houding teenoor jouself, mense en dinge te make.

‘n Kritiese kyk na patriargie.

Jesus se skerp uitspraak in Lukas 14:26 :"…as iemand na My toe wil kom, kan hy nie My dissipel wees tensy hy bereid is om afstand te doen van sy vader en moeder en vrou en kinders, en broers en susters nie" klink so “onchristelik”. Dit toon 'n duidelike anti-familiale ingesteldheid, wat by ander uitsprake van Jesus aansluit: “‘n dissipel van Jesus impliseer haat teenoor sy eie familie” (Matteus 10:37-38); “niemand wat 'n huis, broer of suster, vader of moeder, vrou of kind ter wille van Jesus verlaat het, is nie daarvoor beloon nie” (Lukas 18:29-30); “Jesus se familie is nie sy moeder en broers nie, maar hulle wat die wil van die Vader doen” (Lukas 8:20-21); “Jesus het nie gekom om vrede te bring nie, maar om families te verdeel” (Luk 12:51-53); en vir “diegene wat Jesus volg, is daar nie tyd om eers 'n vader te gaan begrawe en Jesus dan te kom volg nie” (Luk 9:57-60).

Sou Jesus so onsensitief teenoor Sy volgelinge se geliefdes en naasbestaandes wees? Sjoe, néé ek kan my nie indink dit was Jesus se bedoeling nie! Ons behoort die sosio-histories en godsdienstig-kulturele konteks (leef situasie) waarin die uitspraak gemaak is, in ag te neem. Die patriargale sisteem van die eerste eeu - 'n sisteem waar vroue besittings in 'n man se wêreld was en die mag van die man as normaal beskou is, het tot die marginalisering van vroue en kinders gelei. Jesus kom in opstand, nie teen die familie per se nie, maar die patriargale sisteem wat 'n bepaalde verstaan van die gesin in stand hou. Jesus se "nuwe familie" funksioneer op ander beginsels. Hy is nie-seksisties en anti hiërargies. Daarom sal die vorige "familie" (patriargale sisteem) versaak moet word om deel van die nuwe familie te kan word en Jesus te volg (lees Ernest van Eck, Een teks – meerdere betekenisse: Hoe lees ons die Bybel? Herv. teol. stud. v.64 n.3 Pretoria jul./set. 2008).

Add a comment

Lees meer... Trefslae: 164

Verder Geluister: Lukas 14:1; 7-14 (11)

Geskryf deur Pieter van Niekerk | 23 Augustus 2010
Posted in Preekstudies - Verder geluister

29ste Sondag in Koninkrykstyd ~ 29 Agustus 2010: Lukas 14:1; 7-14 (11)

Jy is nie by God in tel as jy hoogmoedig is nie …

Ons kry by God waardigheid nie op grond van ons posisie en status in die samelewing nie. Hierdie God waardigheid sien ander in ons lewenswyse, in ons goedaardigheid. Jy is rêrig nie by God in tel as jy hoogmoedig is nie. Petrus skryf “God is teen die wat te veel van hulleself dink…”. (1 Petrus 5:5) CS Lewis sê weer: “As jy hoogmoedig is, kan jy God nie ken nie. Mense wat afkyk, kan nie sien wat bo hulle aangaan nie”.

Daarom sien die navolgers van Jesus nie neer op diegene sonder aansien nie, maar sien na hulle om. Die mense anderkant van die spoor word nie net raakgesien nie, hulle waardigheid word erken. Ek lees op die blog Bek uitspoel die volgende:

Anderkant van die spoor…

Tagged underJy is nie by God in tel as jy hoogmoedig is nie … CS Lewis sê weer: “As jy hoogmoedig is kan jy God nie ken nie. Mense wat afkyk kan nie sien wat bo hulle aangaan nie

Add a comment

Lees meer... Trefslae: 279

Verder Geluister: Jesaja 58:9b-14 ~ Waardes hou belofte in

Geskryf deur Christina Landman | 16 Augustus 2010
Posted in Preekstudies - Verder geluister

22 Augustus 2010 ~ Twaalfde Sondag in Koninkrykstyd: Jesaja 58:9b-14 ~ Waardes hou belofte in

Iemand het eenkeer gesê: We do not see things as they are: we see them as we are.

En dis hoekom ons Jesaja 58:9b-14 kan lees, en nie kan hou waarvan ons lees nie. Ons lees daar dat God vir ons sê ons moet dit en dat doen, en dan sal Hy vir ons dit en die ander doen.

En ons hou nie daarvan nie. En tereg ook. Want dit klink vir ons ‘n bietjie Middeleeus. Dit klink soos daardie tye voor die Reformasie toe die Roomse Kerk vir mense gesê het hulle moet betaal om in die hemel te kom. Gelukkig is die Roomse Kerk lankal nie meer so nie, maar dit het ‘n Martin Luther gevat om vir ons te sê: Maar God se genade is genoeg. En verniet. Ons hoef, ons mag, dit nie probeer verdien nie.

Tagged underwaardes hou belofte in God se genade is genoeg verhoudings met ander mense

Add a comment

Lees meer... Trefslae: 270

Verder Geluister: Die Here sing ‘n lied ~ Jesaja 5:1-7

Geskryf deur Christina Landman | 10 Augustus 2010
Posted in Preekstudies - Verder geluister

15 Augustus 2010 ~ Elfde Sondag in Koninkrykstyd: Die Here sing ‘n lied ~ Jesaja 5:1-7

Dis nou al ‘n hele ruk dat ek iets agterkom. Ek kom agter die leier-ouderling in ons gemeente wil hê ek moet die mense aanspreek. Hy wil hê ek moet hulle ‘n bietjie uittrap, regtik na die nou weg. Ek praat nou van die gemeente in Sakhelwe, Dullstroom, waar ek die predikant is. En waar ek baie lief is vir die leierouderling, en altyd sy aanvoeling oor dinge aanvaar.

Hy geniet beleefd my preke waarin ek die mense bemoedig en aanspoor, en vir hulle vertel hulle het waarde in God se oë en dat God aan hulle kant is, voel ek aan. Maar dit het ook tyd geword dat ek die gemeente ‘n bietjie oor hulle sondes aanspreek. Dit is wat die leierouderling wil hê, voel ek nou aan.

Dis dié dat ek toe besluit om verlede Sondag oor Jesaja 5:1-7 te preek. Ek gaan ‘n lied preek, die Lied van die Wingerd, soos dit bekend staan.
Ek beduie vir die gemeente waar hulle op verslete bankies in ‘n lekkende hard-board-geboutjie sit, dat die Here nie net altyd met ‘n mens praat nie. Partykeer sing Hy vir jou.

Die gemeente is nou die ene ore, want hulle weet van sing. Hulle kán sing.

Tagged underdie Here maak tuin weer kyk na ons waardes is Christene anders in hoe ons mekaar behandel waardes in gemeenskap najaag

Add a comment

Lees meer... Trefslae: 276

Verder Geluister: Jesaja 1:1,10-20

Geskryf deur Chris Jones | 02 Augustus 2010
Posted in Preekstudies - Verder geluister

8 Augustus: Tiende Sondag in Koninkrykstyd ~ Jesaja 1:1,10-20

Christene gebruik die woord genade so baie (geïmpliseer in 1:18). Wanneer ons bid sluit ons gewoonlik af met: “Ons vra dit nie uit verdienste nie, maar slegs uit genade”. As ons amper in ‘n ongeluk was, maar niks oorgekom het nie, sê ons feitlik sonder uitsondering: “Sjoe, dit was net genade”. As ons een of ander vorm van geluk ervaar, sê ons: “Genadiglik het dit vir ons goed uitgewerk!”. Ons preek: “Alles wat ons ís en het, is net genade!” en ons word groot met: “Ons word uit genade alleen gered.”

Op só baie maniere gebruik ons die woord genade. Selfs die kleinste kinders ken die woord. Ons vertel hulle van jongs af dat die God van die Bybel is ‘n God van genade. Maar weet ons nog wat hierdie woord regtig beteken?

Ferdinand Deist skryf iewers: “Die woord genade het verslyt geraak.” Kan dit wees?

Tagged undergenade Ferdinand Deist skryf iewers: “Die woord genade het verslyt geraak.”

Add a comment

Lees meer... Trefslae: 492

Bladsy 1 van 26

<< Begin < Vorige 1 2 3 4 5 6 7 8 9 10 Volgende > Einde >>

Inligting

Maandelikse fokus

Preekbeplanning

Verder geluister

PREEKSTUDIES - Blog

Verder geluister: Lukas 14:25-33

Jou band met Jesus het baie met jou houding teenoor jouself, mense en dinge te make.

‘n Kritiese kyk na patriargie.

Verder Geluister: Lukas 14:1; 7-14 (11)

Verder Geluister: Jesaja 58:9b-14 ~ Waardes hou belofte in

Verder Geluister: Die Here sing ‘n lied ~ Jesaja 5:1-7

Verder Geluister: Jesaja 1:1,10-20

Communitas logo

Chris Jones

Nuutste bydraes

Kommentaar en gesprek

Facebook

Twitter

Argief van leesrooster tekste - OT

Argief van leesrooster tekste - NT

Argief van leesrooster tekste - Liturgieë