Nuwe e-boeke

  • Overberg Pelgrimstog van Hoop

    Overberg Pilgrimage of Hope

    Predikant-Uitgebrand-200

    Daaglikse-gebedsritmes-vir-die-week-200

    the story of church reshaping

  • Predikant-Uitgebrand-200

    Die-krisis-van-VGK-predikante-200

    The-crisis-of-URCSA-Ministers-200

  • Push-through-the-pain-coverPush through the Pain - Early reflections on a narrative/ethnographic contextual model for the research of congregations in conversation with a missional vision for the church - Frederick Marais & Pat Taylor Ellison (ePub en Mobi)

  • Seisoen-van-die-siel-voorbladSeisoene van die Siel - “SEISOENE VAN DIE SIEL” wil duidelik maak dat sekere “geloofsgewoontes”, op bepaalde tye in ons lewe, op ‘n natuurlike manier ruimte skep vir die Heilige Gees om organiese geestelike groei in ons te bewerkstellig - (ePub en Mobi).

  • COMMUNITAS-EBOOK-6x8-COENIE-EN-ANDRIESEen van die groot hartseerstories van die kerk gaan oor wat keer op keer weer met die sakramente gebeur het. Die Doop en die Nagmaal is deur die Here in sy genade aan ons gegee om ons geloof en ons eenheid te versterk – om ons nader aan Hom en nader aan mekaar te bring. Maar deur die eeue het dit dikwels weer gebeur dat stryery oor hierdie twee wonderlike gawes gelei het tot verdeeldheid en skeuring in die kerk. Die Bose het dit weer en weer in die geskiedenis van die kerk reggekry om juis die twee sakramente te gebruik om Christene te verdeel.

    Eerste twee hoofstukke van beplande boek oor die DOOP

    Coenie Burger en Andries Cilliers

  • COMMUNITAS-EBOOK-6x8-PIETER-VAN-NIEKERKThis paper consists of three sections. Firstly, a transcribed section of FW de Klerk’s opening address to parliament, on 2 February 1990. Secondly, a transcribed presentation of my interview with Dr. Beyers Naudé in his study room on 3 February 1990. Lastly, I focused on his Reformed background and prophetic witness against injustice.

    PIETER VAN NIEKERK

VBO vir eerste kwartaal

Written by Wilma le Roux on . Posted in Kursusse, VBO

Die eerste kwartaal is nou volstoom aan die gang. Ek weet ek moet VBO-kursusse bywoon en aan my VBO-profiel aandag gee, maar WAT kies ek?

Hier is die tabel met die eerste kwartaal se VBO-kursusse in kort aangedui:

Datum Kursus
24-26 Jan Certificate Mod 4: Identity– who are we and where do we fit in?
31 Jan–2 Feb Sertifikaat Blok 7: Missionale Gemeentes – hoopvol en energiek vir ons roeping
14-16 Feb Padlangs Ouerskap
17-18 Feb Lidmaatprediker kursus
21-23 Feb Certificate Mod 1: About our context – a deeper

understanding of the world and times we live in

21-23 Feb Praktiese preekmaak: Ontwikkel jou preekmaak-vaardighede  
28 Feb–2Mar Gemeente en Gemeenskap (Diaconia)
6-9 Mar Retraite oor Dissipelskap – ‘n opvolg op Geloofsreis 2
9-11 Mar Geestelike Sorg en Berading
22,23,27 Mar; 18,19  Apr SA Lectionary – Die gebruik van die SA Leesrooster
17-18 Mar The Justice Conference South Africa
22-23 Mar ‘n Eties-Relasionele Benadering (kontekstueel) in die Pastoraat –

‘n Benadering op die voetspoor van die Hongaarse Psigiater

Ivan Boszormenyi-Nagy

30 Mar Geloofsonderskeidingskursus opvolg

 

Projek 2017: Kix Koester Kinders

Written by webmaster on . Posted in KIX-KOM

KIX moedig kinders deurentyd aan om ook ‘n omgee vir die wêreld te ontwikkel. Daarom is daar ook elke jaar ‘n na-buite gerigte projek wat deur al die KIX-groepe saam ondersteun word. Die KIX-projek fokus hierdie jaar op die ondersteuning van vroeë kinderontwikkeling (VKO) en word genoem “KIX Koester Kinders”. Daar is twee bene – ‘n sending been en ‘n plaaslike been.

1.  Die sending been

Die idee is dat julle as groep deur die jaar geld insamel vir skryfbehoeftes vir die 5 behoeftige kleuterskole in Malawi met wie KIX ‘n verhouding het. Die kinders in jou KIX-groep raak op dié manier bewus van ‘n ander land, kultuur en taal en hulle leer hoe God wêreldwyd vir sy kinders sorg. Ons sal al die inligting oor hierdie deel van die projek verskaf.

Stap 1: Maak die kinders bewus van die projek en opgewonde om ‘n verskil te maak

Stap 2: Deel gereeld inligting (foto’s en stories) oor die Malawi créches.

Stap 3: Leer saam die woordjies in Chichewa.

Stap 4: Besluit hoeveel jul wil insamel en gebruik die skryfbehoefte handwerk items as motivering. (Sien bl. XXXX vir die besonderhede.) Maak dit ‘n groeppoging en hou die kinders weekliks op hoogte. Julle kan selfs jul gemeentes motiveer om ook by te dra.

2.  Die plaaslike been

Dit sal goed wees om egter ook in jou eie gemeenskap (of naby aan julle) ‘n plaaslike inisiatief te ondersteun. Wat kan julle doen?

Stap 1: Dink aan ‘n plek wat babas of klein kinders in jul gemeenskap versorg. (Kliniek, hospitaal, kinderhuis, sopkombuis, plek van veilige bewaring, pleegouers, kango-ouers, ens.)

Stap 2: Identifiseer ‘n behoefte waarmee jul kan help (dalk speelgoed of klere insamel, kaartjies maak, speel met kinders of gebed).

Stap 3: Deel inligting en foto’s met jou KIX-groep en bid vir hulle. (Onthou om ook terselfdertyd vir die kindertjies van die Malawi-been van ons projek te bid.)

Stap 4: Reël ‘n KIX-uitstappie om hulle te gaan besoek.

KIX 2017 – ‘n Nuwe Jaar Vol Opwinding

Written by webmaster on . Posted in KIX-KOM

Welkom aan almal wat deel is van die KIX-familie… by kerke, skole, Kinderbondtakke, kleuterskole, nasorg, kategese groepe en nog baie meer!

DIE KIX-DROOM

Die Kix-droom is dat daar in elke gemeenskap ‘n KIX-groep sal wees, hetsy by die kerk, skool, kleuterskool of nasorg, waarin elke kind Jesus kan ontmoet en saam die Bybel kan leer ken. Dankie dat jy deel is hiervan!

KIX 2017

ONTMOETINGS

Daar word elke kwartaal 6 – 8 lesse (ons noem dit eerder ontmoetings) op die webblad gelaai. Ses of sewe ontmoetings gaan oor die Bybel. Ons is hierdie jaar opgewonde om chronologies deur die Nuwe Testament te reis! Daar is elke kwartaal ook ‘n spesiale les oor of idees vir die kerkjaar (byvoorbeeld Paasfees, Kersfees, ens.). Daar is selfs iets vir spesiale geleenthede soos Moederdag en Lentedag.

KIX-PIRASIE

Elke KIX-groep het vrywillige leiers nodig. Dit is tieners of volwassenes met ‘n liefde vir Jesus en kinders wat kan help met groepwerk en om verhoudings te bou. Gebruik die begin van die jaar om genoeg leiers te werf deur die KIX-droom met hulle te deel. Die KIX-aanbieder het ook die verantwoordelikheid om die leiers te versorg. Gebruik die KIX-pirasie om jou leiers geestelik op te bou.

DIE KIX-PROJEK

KIX moedig kinders deurentyd aan om ook ‘n omgee vir die wêreld te ontwikkel. Daarom is daar ook elke jaar ‘n na-buite gerigte projek wat deur al die KIX-groepe saam ondersteun word. Die KIX-projek fokus hierdie jaar op die ondersteuning van vroeë kinderontwikkeling (VKO) en word genoem “KIX Koester Kinders”. Daar is twee bene – ‘n sending been en ‘n plaaslike been.

1.  Die sending been

Die idee is dat julle as groep deur die jaar geld insamel vir skryfbehoeftes vir die 5 behoeftige kleuterskole in Malawi met wie KIX ‘n verhouding het. Die kinders in jou KIX-groep raak op dié manier bewus van ‘n ander land, kultuur en taal en hulle leer hoe God wêreldwyd vir sy kinders sorg. Ons sal al die inligting oor hierdie deel van die projek verskaf.

Stap 1: Maak die kinders bewus van die projek en opgewonde om ‘n verskil te maak

Stap 2: Deel gereeld inligting (foto’s en stories) oor die Malawi créches.

Stap 3: Leer saam die woordjies in Chichewa.

Stap 4: Besluit hoeveel jul wil insamel en gebruik die skryfbehoefte handwerk items as motivering. (Sien bl. XXXX vir die besonderhede.) Maak dit ‘n groeppoging en hou die kinders weekliks op hoogte. Julle kan selfs jul gemeentes motiveer om ook by te dra.

2.  Die plaaslike been

Dit sal goed wees om egter ook in jou eie gemeenskap (of naby aan julle) ‘n plaaslike inisiatief te ondersteun. Wat kan julle doen?

Stap 1: Dink aan ‘n plek wat babas of klein kinders in jul gemeenskap versorg. (Kliniek, hospitaal, kinderhuis, sopkombuis, plek van veilige bewaring, pleegouers, kango-ouers, ens.)

Stap 2: Identifiseer ‘n behoefte waarmee jul kan help (dalk speelgoed of klere insamel, kaartjies maak, speel met kinders of gebed).

Stap 3: Deel inligting en foto’s met jou KIX-groep en bid vir hulle. (Onthou om ook terselfdertyd vir die kindertjies van die Malawi-been van ons projek te bid.)

Stap 4: Reël ‘n KIX-uitstappie om hulle te gaan besoek.

KIX OP DIE INTERNET

Jy kan KIX op pinterest volg: www.pinterest.com/k_kom/ en op facebook onder www.facebook.com/KixKinderbediening/ of www.facebook.com/groups/475678379142624/

Ons bid vir julle in dankbaarheid (volgens Paulus se gebed in Efesiërs 1: 15-23) dat julle hierdie jaar Jesus se geskenke van wysheid, hoop, rykdom en krag deur Sy Gees sal ontvang!

KIX 2017 ONTMOETINGS

Written by webmaster on . Posted in KIX-KOM

Daar word elke kwartaal 6 – 8 lesse (ons noem dit eerder ontmoetings) op die webblad gelaai. Ses of sewe ontmoetings gaan oor die Bybel. Ons is hierdie jaar opgewonde om chronologies deur die Nuwe Testament te reis! Daar is elke kwartaal ook ‘n spesiale les oor of idees vir die kerkjaar (byvoorbeeld Paasfees, Kersfees, ens.). Daar is selfs iets vir spesiale geleenthede soos Moederdag en Lentedag.

VBO 2017: Ontwerp, leer en vier!

Written by Wilma le Roux on . Posted in VBO

 VBO-Program 2017

 

Die VBO-kantoor publiseer met groot opgewondenheid ons VBO-programboekie vir 2017.

Dit is weer eens ʼn spanpoging van Communitas en die verskillende taakspanne van die Sinode, waarmee ons poog om ʼn kursusprogram saam te stel wat die geweldige groot uitdagings van ons snel-veranderende samelewing sal aanspreek, en wat leiding kan gee aan predikante en gemeenteleiers – die mense wat in hierdie tye leiding moet gee in ons gemeentes.

ʼn Groot deel van ons program is ons steeds groeiende lys van keusekursusse wat bedoel is vir ringe en gemeentes – om saam kursusse te kies wat inpas by die uitdagings wat in hul eie unieke opset geïdentifiseer word. Ons fokus is al hoe meer om die kursus na die deelnemer te neem deurdat ons dit op aanvraag in gemeentes of ringe gaan aanbied.

Ons is tans in ʼn ontwerpfase om die VBO vir jongleraars  ‘n program vir kursusbywoning in die eerste drie jaar in ‘n gemeente – te voltooi. Die hoop is om dit teen die middel van die jaar uit te rol.

Daar is weer verskeie kategorieë waaruit jy kan kies:

  1. Geskeduleerde een-, twee- en driedag-kursusse
  2. Kursusse wat as ʼn reeks inklusief werk m.a.w. teologie, vaardighede, houdings, roepingsbewustheid en spiritualiteit bevorder – die Sertifikaat in Bedieningsvernuwing.
  3. Konferensies waarvan sommige saam met ons Ekumeniese vennote gedoen word, o.a. die Winterskool en die JUSTICE Conference South Africa.
  4. Kursusse wat spesifiek gerig is op Reformasie 500 wat vanjaar gevier word.
  5. Keusekursusse vir aanbieding op aanvraag
  6. Kursusse gerig op Lidmaattoerusting (Dissipelvorming), waarmee ons graag ons lidmate ook wil toerus
  7. Kursusse van vennote soos die Sentrum vir Geloofsvorming en HospiVision
  8. Kursusse vir Jongleraars

As taakspan is ons oortuig dat om as predikante leiding te gee in tye met nuwe uitdagings, dit van ons as predikante vra dat ons in ʼn verdiepte verhouding met die lewende Christus sal leef. Daarom is al ons kursusse in ʼn formaat gegiet wat ruimte maak vir verdieping. Die uitdagings van ons tyd vra verdiepte groei en integrasie by ons almal.

Om die VBO-boekie af te laai, kliek hier: VBO-boekie 2017_JanFin

 

Communitas Jaareind-funksie

Written by Wilma le Roux on . Posted in Nuus, Personeel, Personeel-funksies

Le Pommier en Pniel-kuiers

2016 se Jaarafsluiting was ‘n anderster-lekkerte – eers het ons aangedoen by Le Pommier, ‘n wynlandgoed ongeveer 4.5 km buite Stellenbosch op die Helshoogtepad.

Le Pommier beteken ‘Die Appelboom’ in Frans, en was eers ‘n appelboord, wat deel was van die 300-jaar-oue Zorgvliet-plaas.

Ons het hier 4 wyne geproe rondom ‘n heerlike kaasbord: die Olivia Semillon-Sauvignon Blanc- versnit (glo vernoem na die eienaar, mac van der Merwe, se ma); die Le Pommier Rosé, ‘n heelike rooi versnit; die Le Pommier red Blend; en dan ‘n wonderlike malbec, Jonathan’s Malbec, wat vernoem is na ‘n bul met baie goeie smaak… Die bul het blykbaar in 2012 uitgebreek en ‘n groot deel van die oes opgeëet!

     
     

Die tweede deel van ons ekskursie was na Pniël se museum…

… waar ons ‘n kykie kon kry in die geskiedenis van die kerk, die dorpie en sy mense. Hier het ons gehoor hoe die sendingstasie wat opgerig is vir die vrygestelde slawe gegroei het tot die pragtige dorpie wat ons vandag sien. Die naam Pniël kom uit Genesis 32:30 en verwys na die plek waar Jakob met God geworstel het. Dit beteken letterlik “die gesig van God”.

     
   

Die laaste deel van ons kuier was rondom ‘n tafel in die museum se tuin …

… wat gekreun het onder regte egte Suid-Afrikaanse kersfeeskos: ‘n voorgereg van broodjies, gebakte vis en slaai, dan die hoofgereg: gebraaide hoender, ham, geelrys, soetpampoen, ‘n verskeidenheid groentes en slaai, as nagereg trifle (nie koekstruif nie!) en die kersie op die koek: eclairs en koffie! Ons opregte dank en waardering aan die dames van die teekamer-kiosk vir hierdie bederf.

Dankie ook aan Mathilda-hulle wat die reëlings getref het!

 

Saam Verder Geluister – Kleingroepmateriaal vir Woord en Lewe

Written by webmaster on . Posted in Kleingroepe