Posts Tagged ‘geluk’

Sleutel tot ’n gelukkige aftrede

Written by Wilma le Roux on . Posted in Boeke

Almal van ons kom op ‘n stadium in jou lewe wanneer jy moet dink aan aftrede, maar ‘n groot aantal mense begin beplan nie vroegtydig daarvoor nie.

Johannes Jordaan is ‘n voormalige finansiёle- en lewenstyl-adviseur, en tans ‘n skrywer wat ‘n boek geskryf het getiteld “Prima Tyd: Geniet jou lewe na 50”.

In sy eie woorde: Dit verskaf praktiese riglyne oor hoe om jou leefstyl in te rig om ‘n gelukkige en vervulde lewe te geniet en jou uiteindelike aftrede vir jou Prima Tyd sal wees (en nie ‘n “wagkamer vir die dood”), soos sommige mense dit ervaar nie.

In hierdie boek skryf hy oor verskeie dinge waaraan aandag gegee moet word voor jou aftrede sowel as in jou aftree-jare, en hoe om te sorg dat jy ‘n kwaliteit-lewe in hierdie lewensfase kan hê. Hy skryf dat die doel van hierdie publikasie hoofsaaklik is om lesers tussen die jare 50 en 60, maar ook jonger mense, te help om voluit te leef in hul Prima Tyd-jare. Juis daarom beveel hy ook aan dat jy hierdie boek eintlik reeds vóór jou Prima jare moet lees, sodat jy vroeg reeds kan begin beplan en dit voorbereid kan binnegaan.

Prima Tyd is ‘n nuttige handleiding met waardevolle inligting en wenke oor finansiële- en nie-finansiёle aspekte, wat jou op reis neem deur 10 hoofstukke (INHOUDSOPGAWE) en jou help kyk na ALLES wat mens moet weet om ‘n gelukkige en vervulde lewe tot in jou oudag te geniet. Van jou belangrikste basiese behoeftes vir ’n gelukkige lewe, die beplanning  van jou begroting, tot die benutting van jou tyd tydens jou aftreejare word besin. Dit begelei jou ook om te kyk na sake soos jou gesondheid, jou geestesgesondheid, jou veiligheid en sekuriteit – selfs ook na hoe om ’n geskikte woonplek te kies – en ten slotte na die beplanning van jou boedel en testament.

Hy doen dit met humor en illustrasies – werklik ‘n boek wat oud én jonk kan geniet en benut.

Om Dr Pieter van Niekerk, teoloog, skrywer en vryskutresensent, se resensie van Prima Tyd in die Kerkbode te lees – kliek hier: KERKBODE RESENSIE Prima Tyd boek 27-5-2015

Hiermee ‘n afslag-aanbod op ‘n besonder nuttige, gebruikers-vriendelike en maklik leesbare boek (ongeveer 150 pp) oor ‘n onderwerp wat vir een en almal op ‘n besondere wyse kan help.Onderstaande 30% AFSLAG-AANBOD is geldig tot einde Oktober 2016:

Prima Tyd Johannes behartig self die verspreiding as skrywer.
Die afslag-prys is R100 per eksemplaar (i.p.v. die kleinhandelprys van R150 per eksemplaar).
Bestel 5 of meer boeke teen R90 per eksemplaar of
10 of meer teen R80 elk (bv vir gemeentelede wat saam bestel en/of geskenke vir familie of vriende).
Prime Time

Die boek is ook in Engels beskikbaar as PRIME TIME – Enjoy you life after 50. Skryf gerus aan Johannes vir meer inligting, of kliek hier om ‘n bestelvorm af te laai: BESTELVORM

Dis Communitas se verjaarsdag!

Written by Wilma le Roux on . Posted in Communitas Inligting, Nuus, Personeel

8 Jaar oud!

Communitas Logo

Twee jaar gelede skryf Frederick op Communitas se verjaarsdag die volgende:

Ons is dankbaar vir die mylpaal en vir almal wat gehelp het om ons dienste aan gemeentes en predikante uit te bou.

Baie dankie aan elke gemeente wat ons vertrou het om saam met hulle die reis te onderneem.

Ons het die voorreg om hierdie werk (vir ons is dit ‘n roeping)  te mag doen in ‘n tyd wat die kerk baie groot uitdagings het.

Ons kyk hierdie uitdagings saam met die gemeentes, predikante en gemeenteleiers saam met wie ons werk, vierkantig in die oë met hoop

en verwagting dat die Gees wat ons as gemeentes vergader,  aan ons al die gawes en bronne sal gee wat ons nodig het om in hierdie tyd getrou te

wees aan ons roeping. Ons glo dit is ‘n onvoorwaarderlike belofte van God self.

Ons mag dalk saam foute maak, maar ons gaan nie hoop verloor nie, want dit is ‘n gawe wat ons ontvang en nie besit en daarom nie kan verloor nie.

Mag ons almal in die jaar wat voorlê ons vrese oorkom en waag om deel te neem aan die deurbraak van die Koninkryk,

nie met mag nie maar in klein en groot dade van selfofferende diens.

Communitas is veel groter as die paar lede van die personeel- daar is talle kursusaanbieders, begeleiers, mentors skrywers en vriende wat saam

met ons die Communitas-familie vorm.  Aan julle almal baie dankie vir die heerlike saamwerk.

 

Nou, twee jaar later, wil ons steeds dankie sê vir almal wat van Communitas werklik ‘n familie maak – elkeen ‘n deeltjie in die groot ratwerk van die Koninkryk.

Ons het vanjaar totsiens gesê aan mense wat diep spore getrap het  in die opbou van die familie; en ons het ‘n paar nuwelinge verwelkom wat met nuwe energie met ons handevat om aan God se droom gestalte te help gee.

Dankie vir die saamwerk, saamlag, saamloop en saam droom. Dankie, dankie – vir elkeen, maar veral aan ons Hemelse pa, die Hoof van ons familie!

Dink jouself gelukkig

Written by Mariette Steyn on . Posted in Aktueel, Vrouelidmate

deur Pieter van Jaarsveld

Ons het in die laaste uitgawe gekyk na die mites oor wat jou gelukkig maak. Nou gaan ons vir die volgende paar uitgawes kyk na wat maak mens gelukkig. Hierdie aktiwiteite waaroor ons gaan gesels, kom nie uit populêre vrouetydskrifte nie. Nee, dit is deeglik nagevorste vaardighede en tegnieke en jy gaan verbaas wees dat die meeste van hierdie aktiwiteite reeds in die Bybel genoem word.

happy

Miskien kan jy onthou dat daar navorsing gedoen is om te vind wat maak mens gelukkig? Hierdie navorsers het vasgestel dat 50% van jou geluk geneties is. As jy ‘n befoeterde oupa gehad het, het dit ongelukkig ‘n invloed op jou; 10% van jou geluk hang van omstandighede af soos bv. jou man wat afgelê is, jou kind wat matriek gedruip het (is dit nog hoegenaamd moontlik?!), maar 40% lê in jou hande! Jy kan dus jou vlak van geluk opskuif, want dit gaan nie net jou verhoudinge verbeter nie, maar ook jou gesondheid en langer laat leef! Voordat ons verder gesels, bepaal eers jou geluksvlak
hier reg in die begin van die reeks:

GELUKSKAAL

Instruksies: Omsirkel die nommer op die skaal wat jy dink jou die beste beskryf. (Let op dat die betekenis van die nommers vir al hierdie items verskillend is)

1. Ek sien myself as:

1    2    3    4    5    6    7
Nie baie gelukkig baie gelukkig

2. As ek my met my tydgenote vergelyk, beskou ek myself as:

1    2    3    4    5    6    7
Minder gelukkig meer gelukkig

3. Sommige mense is oor die algemeen baie gelukkig. Hulle geniet die lewe ten spyte van wat gebeur. Hulle maak die beste van elke oomblik. Tot watter mate is dit beskrywend van jou?

1    2    3    4    5    6    7
Glad nie grotendeels

4. Sommige mense is oor die algemeen nie baie gelukkig nie. Alhoewel hulle nie depressief is nie, lyk hulle nooit regtig gelukkig nie. Tot watter mate
is dit beskrywend van jou?

1    2    3    4    5    6    7
Grootliks glad nie

Hoe om jou telling te bepaal:

Stap 1: TOTAAL Tel op Item 1: _____ +
Item 2: _____ +
Item 3” _____ + Item 4: _____ = _____

Stap 2: Jou gelukspunt = Totaal ÷ 4: ______
Datum: _____
Gelukspunt (na 3 weke): _____ Datum: _____
Gelukspunt (einde vd reeks): ______ Datum:_____

Jy sal sien dat die hoogste telling wat jy kan kry sewe is en die laagste een. Die gemiddeld van meeste mense is so tussen 4.5 en 5.5 en dié van studente so bietjie onder 5 terwyl meer volwassenes rondom 5.6 lê. As jy dus 5.5 kry, is jy so gelukkig soos 50% van die mense. As jy meer as 5.5 kry, is jy meer gelukkig as die gemiddelde persoon. Natuurlik is die uitdaging om hoër as 5.5 te kry en jou nuwe reis begin nou om dit moont-lik te maak! Toets jouself oor 3 weke en kyk of jy al verbeter het.

Na die reeks toets jou weer.

Ons gaan in hierdie reeks kyk na 12 aktiwiteite wat jou geluk kan verbeter. Pas sommer met elke uitgawe die een wat ons bespreek toe, maar aan die einde kan jy uit die 12, drie kies wat die beste by jou menswees pas.

GELUKSAKTIWITIEIT 1: DANKBAARHEID

Seligman, die Vader van Positiewe Sielkunde, het ‘n geluks-aktiwiteit aan ‘n aantal uiters depressiewe pasiënte geleer. Party van hulle was so erg dat hulle nie uit die bed kon opstaan nie. Hulle moes elke dag drie dinge neerskryf waaroor hulle dank-baar was. Eenvoudige goed soos: ”My seun het my vandag gebel; Ek het die boek wat my terapeut voorgeskryf het, gelees; “Ek het met bewondering na die sonsopkoms gekyk.”

Binne 15 dae het hulle van uiters ernstige depressie na ligte en matige depressie verander. Nie minder as 94% het verligting ervaar. ‘n Wonderlike bewys dat dankbaarheid geluk verhoog en selfs depressie verminder! Dis nie verniet dat die Bybel dankbaarheid beklemtoon nie! Gaan lees Fil. 4:4: “Verbly jou in die Here.” Sê jou mos dat wat die navorsing nou bewys, ‘n verskil in die lewe kan maak. Dis lankal deur die Bybel voorspel!

Dankbaarheid verskyn meer as 150 keer in die Ou en Nuwe Testament en die bevel om “dankbaarheid te toon” verskyn 33 keer. Martin Luther het
dank-baarheid as die basiese Christelike ingesteldheid beskou.

Om dankbaar te wees, is veel meer as om “dankie te sê”. Dit is om ‘n lewe van dankbaarheid te leef. Daar is gevind dat mense wat ‘n lewe van dankbaarheid lei, meer energie het, gelukkiger en meer hoopvol is, meer godsdienstig en meer vergewens-gesind, asook minder materialisties. Die gevolg is dat hulle minder depressief is, minder angstig, minder neuroties of minder alleen is. Maniere van dankbaarheid om jou geluk te laat
floreer.

1. Dink dankbaarheid! Dit is letterlik om jou alledaagse ervaringe in die lig te sien van hoe dankbaar jy is om dit te beleef. Wanneer jy jou baba aan die slaap sus, om te beleef hoe wonderlik dit is om hierdie klein prinsessie van die Koninkryk van God in jou hande te hou omdat sy aan JOU toevertrou is!

2. Dink elke dag aan drie dinge waarvoor jy dankbaar is. Waarom doen julle dit nie as gesin rondom die eettafel nie? Ander mense kry vir hulle ‘n “buddy” en dan vertel hulle elke dag vir daardie persoon waaroor hulle dankbaar is. Toe een van my kollegas deur ‘n moeilike tyd gegaan het, het hy elke dag vir my die drie dinge per epos gestuur waaroor hy daardie dag dankbaar was. Verander jou drie dinge na drie weke sodat jy nie daaraan gewoond word nie. Dink bv. oor jou gesin, na 3 weke oor jou werk, ens.

3. Dankbaarheid, selfs in die moeilikste omstandighede, help jou die stres en trauma beter hanteer, al is dit ook hoe moeilik!

4. Mense wat ‘n dankbare lewe lei, help ander ook meer. Soos jy weet, hoe meer jy gee hoe meer ontvang jy. Jou gevoel van geluk skiet die hoogte in.
Wees dus elke dag op die uitkyk hoe jy ander kan help wat nie het wat jy het nie. Dit kan soms net wees om in die gietende reën vir die koerantverkoper ‘n ou reënjas te gaan gee of vir die motorwag, wat in die verseggende hitte staan, ‘n koeldrank uit die winkel saam te bring in plaas van hom uit te jou dat hy bedel.

5. Dit is goed om dankbaarheid direk aan iemand te betuig, hetsy oor die foon, of in ‘n gesprek of per epos. Dink tog daaraan om dit soms vir jou predikant ook te sê as hy ‘n besondere boodskap, wat jou hart geroer het, gelewer het.

Volgende keer geluksaktiwiteit no 2!

Ek KIES abundance!

Written by Wilma le Roux on . Posted in Kursusse, VBO

Geluk is …

Oorvloed!

abundance

Ons praat oor abundance. “IN AN ABUNDANCE PERSPECTIVE: AIM HIGH”.

Dis nie net gewoon-wees nie, maar om uit te staan.

Ek sit by een van die sessies van die nuwe kursus oor Geluk: Deugde-in-praktyk om te floreer (Happiness: virtue practices to flourish). Dis ‘n nuwe wêreld wat oopgaan. Ons luister, gesels saam, herken die dinge wat ons elke dag mee te doen het, en verstaan vir die eerste keer hoekom dit ons so beïnvloed, en hoe ons deur anders daarna te kyk en anders daaroor te dink, die lewe met vreugde te kan leef.

Terug na abundance. Oorvloed.  Dit laat jou mikpunt en aspirasievlak beduidend skuif. Dit gee ons energie om ’n toekoms te skep; om nie vas te val in die verlede nie.  “The future is better than what we think”. Hierdie oorvloeds-beginsel sê daardie toekoms gaan BAIE beter wees as wat ons gedink het.

Die gevoel wat jy het is die resultaat van keuses wat jy maak. Abundance is die resultaat van hoe jy na iets kyk. Ek het ’n keuse van waarop ek fokus. Ek KIES abundance. En ek fokus op dit wat ek hét, en gebruik dit maksimaal. Dis ‘positive deviance’(Positiewe afwyking sê dit nie so mooi nie!): In ’n verhouding kies ek om nie net behulpsaam en gaaf (helpful) te wees nie, maar Honouring. Dis soveel meer as net gaaf, vriendelik, behulpsaam. Dis om almal met wie ek te doen het, in alle opsigte te eer.

Nog ’n voorbeeld van positive deviance is om nie net te ‘cope’ (oorleef) nie, maar om te kies om te floreer, te blom (flourish).

Dit alles gaan oor wat hulle noem ‘my circle of influence’ – my omgewing; om nie tevrede te wees met gemiddeldheid nie, maar met uitmuntendheid (excellence). En dit vra ’n nuwe ingesteldheid. Die punt is: verandering begin nie by die munisipaliteit nie, nie by Zuma, of die Bestuur, of die Kerkraad, of die gemeenskapsleiers nie. Verandering begin by MY.

Happiness – Geluk – begin by mý!

Dit was maar ’n  gedeelte van een van die 14 sessies. Volgende jaar doen hulle dit weer, en daar is reeds ’n aantal mense wat dit nie vanjaar kon maak nie, wat dit graag volgende jaar wil bywoon. Indien jy jou naam op die lys wil plaas, kontak ons gerus by Communitas se VBO-kantoor.

 DSCN0282 IMG-20140730-01016

 

 

Geluk: Deugde-in-Praktyk om te Floreer – VBO-kursus oor “happiness”

Written by Jannie le Roux on . Posted in Kursusse, VBO

 GELUK –

DIE 40%

WAT DIE VERSKIL MAAK 

 SMILEY NOT

GELUK is méér as vrolikheid, opgewonde buie en glimlag! Die bekende prof. Martin Seligman (vader van die positiewe sielkunde) voel sommer ontevrede as mense geluk verskraal tot wat hy “that awful smiley face” noem (vgl. Flourish – A new understanding of happiness and well-being).

As 50% van ons geluk volgens navorsing geneties bepaal is en 10% deur lewensomstandighede en situasies beïnvloed word, kan ons nog iets aan ons gemeentes en gemeenskappe se ervaring van vreugde doen? Of is hulle bestem tot negatiwiteit en ons land tot negatiewe groei? Kan ons onsself dan nog help gelukkiger wees?

Die goeie nuus is dat daar wel meer is wat ons kan doen om die vlak van lewensvreugde te lig. Navorsing wys dat geluk jou sukses bepaal, veel meer as andersom. Dit wys ook dat geld wel ’n rol speel in geluk – veral as jy dit weggee. O ja, daar is ten minste 40% van geluk waaroor jyself seggenskap het.

Geluk: Deugde-in-Praktyk om te Floreer
29–31 Julie 2014
Plek: Helderberg Gemeente

So hoe help ’n mens ander om gelukkiger te wees?
Ek leer hulle wat ek by die navorsing in positiewe sielkunde leer. Die wetenskap staaf wat Paulus lank terug reeds aanbeveel het onder leiding van die Gees: wees altyd dankbaar. Die ritueel om elke dag 3 goeie goed wat vir jou goed of reg verloop het neer te skryf, sowel as hoekom, verhoog die vlak van geluk en verlaag depressiewe simptome vir tot 6 maaande!

Begin ’n slag ‘n erediens of gesprek met die vraag: Noem iets waarvoor jy hierdie week dankbaar is? Laat die gemeente of gespreksgenote hardop antwoord. Volgende week vra jy weer, maar hulle moet ander goed noem. Dit skuif mense se fokus op wat reg verloop en maak hulle oop vir nuwe moontlikhede. Hulle word opnuut bewus dat God aan die werk is en nie geabdikeer het nie!

Onthou, jy het ten minste 40% van elkeen se geluksprofiel wat jy positief kan beïnvloed.
Dis intensionele leierskap.

Om in te skryf vir hierdie kursus kan jy hier kliek: VBO 19 Geluk (Happiness)

LW Doen dit vóór 25 Julie!

MEER GELUKKIG?

Written by Wilma le Roux on . Posted in Kursusse, VBO

Hoe gelukkig is jy?

Tevrede? Vervuld? Vol vreugde? Veerkragtig? Positief? Opgewonde? Hoopvol?

 Happiness

Ons besef almal vreugde en geluk is meer as net ‘n gevoel.

Toe die bekende Harvard Universiteit die kursus oor “Happiness” aanbied, het hulle die meeste inskrywings ooit vir ’n kursus gekry!

Waarom kyk na iets soos Geluk/Happiness?

Vir lank het die psigologie (en teologie ook) baie aandag gegee aan wat met die mens verkeerd is, en hoe om die mens van “stukkend en sondevol” te help na “normaal”. Eers sedert 1998 is stadigaan begin om te kyk na maniere hoe ons mense kan help om te fokus op hulle sterkpunte en deugde.

Kortom, HOE HELP ONS MENSE OM TE FLOREER!

Die kursus GELUK: DEUGDE-IN-PRAKTYK OM TE FLOREER (VBO-kursus oor “happiness”) aangebied op 29-31 Julie 2014, Stellenbosch, WIL HELP OM MENSE EN GEMEENSKAPPE TE BEGELEI NA “WELL-BEING”.