Posts Tagged ‘Musiek’

Uitnodiging na SAKOV-konferensie

Written by Wilma le Roux on . Posted in Gemeentebegeleiding, Konferensies

SAKOV embleem

Alle SAKOV-lede, orreliste, predikante en “band”-leiers en belangstellendes word uitgenooi na die jaarlikse

SAKOV -konferensie 2015

Dit vind plaas op Saterdag, 1 Augustus 2015 by die NG Moedergemeente, Wellington (Kerkstraat)

Registrasie vind plaas om 7:30 en die kursus duur tot 13:00

Die jaar is SAKOV bevoorreg om vir dr. Colin Campbell, assistent-professor in orrel en universiteitsorrelis aan die Texas A&M International University, by die konferensie te verwelkom. Hy is landwyd in Suid-Afrika bekend as bekende kerkmusiekkenner.

  • Die dag skop af met ‘n baie interessante lesing oor die geskiedenis van NGK Wellington gaan aanbied. Die kerk (en dorp) is vanjaar 175 jaar oud en die bekende kerkvader, dr. Andrew Murray, het hier diep spore getrap.
  • Daarna sal Winand Grundling ‘n paar nuwe (ou) liedere virdie kursusgangers verfris en ophelder.
  • Erik Dippenaar se lesing sal handel oor die vroegste pyporrels wat in Suider-Afrika te vinde is, sowel as oor die vroegste orrelliteratuur wat hier gespeel is. Die lesing sal onder meer voorbeelde uit die laat-agtiende eeuse manuskripboeke van Meent Borcherds insluit, en kursusgangers sal die geleentheid kry om deur samesang deel te kan hê aan hierdie wonderlike kultuurskat.
  • Eon Malan en Fanus Minnaar van Church Music Centre sal ook teenwoordig wees. Eon gaan ‘n musiekboekuitstalling doen. Bring dus genoeg geld saam om jou repretorium aan te vul. Daar sal ‘n sessie wees waar hy baie van die musiek gaan demonstreer.
  • Dr. Colin Campbell se sessies gaan handel oor “Die rol van die begeleier/orrelis binne missionale erediens” en “Die ekumeniese skuiwe in die Afrikaanse (NG Kerk) en sy ervarings hiervan na die Episcopal Church USA in Laredo TX.”

Die koste verbonde aan hierdie vergadering is R150 en sluit alle verversings en kursusmateriaal in. Indien kerke ‘n groep van meer as 5 persone stuur, kan hulle die kursus bywoon teen R130 p.p.

Om in te skryf:

  1. Voltooi die inskrywingsvorm (sien skakel onder)
  2. Betaal die inskrywingsfooi (bankbesonderhede onder)
  3. Faks die voltooide vorm PLUS betaalbewys na 086 608 0135 VOOR 24 Julie 2015.
Kliek hier vir ‘n inskrywingsvorm:  Inskrywingsvorm SAKOV Konf 2015

SAKOV-BANKBESONDERHEDE
Rekeningnaam: Suid-Afrikaanse Kerkorrelistevereniging
Bank: ABSA
Takkode: 632005
Tjekrekeningnommer: 0290 810 574
Verwysingsnommer: WK: Voorletters en Van

 

Groot Konferensie, Groot Sukses!

Written by Wilma le Roux on . Posted in Ekklesia, Konferensies, VBO

Worship

Conference

2015

 Worship Conference

Hierdie is waarskynlik die omvangrykste konferensie nóg in Suid Afrika oor die erediens en liturgie – ons dink nie daar was al `n liturgiekonferensie van hierdie omvang in ons land gehou nie.  48 temas is deur 34 sprekers en predikers aangebied – sprekers vanoor die hele land, asook 4 van die Calvin Institute van Amerika.

Ons weet dat gereformeerdes deur die tyd nie baie aandag aan erediens en liturgie gegee het nie.  Hierdie instituut is besig om ons te help om in te haal op die agterstand.

Ongeveer 200 mense het ingeskryf vir hierdie konferensie met sy unieke en baie interessante reeks temas, wat ingesluit het:

Die betekenis en doel van Aanbidding/ Wat maak `n erediens goed?/ Om die liturgie van swart kerke beter te verstaan/ Om God te verheerlik in die erediens…/ Kreatiwiteit in ons aanbidding / Hoe word mense verander deur die erediens?/ Die rol van tegnologie in die erediens / Die plek van musiek in die erediens/ Wat maak dat mense na `n preek luister/ Plek vir die sakramente / Erediens en Pastorale Sorg / Kinders in die erediens… en nog veel meer!

Die fasiliteite van Helderberg Gemeente in Somerset-Wes leen hom uitstekend vir ‘n konferensie van hierdie omvang, en benewens die hooftemas kon ‘n groot verskeidenheid van wegbreeksesssies bygewoon word.

Gedurende teetye en etenstye (wat aangebied is deur ‘n baie bekwame spysenieringspan) het konferensiegangers wat bestaan het uit ‘n groot verskeidenheid van kultuurgroepe en denominasies, lekker saamgekuier en mekaar leer ken.

In Frederick Marais se woorde:  “Ons is baie trots om deel van so ‘n uitstekende konferensie te kan wees. Die samestelling van die gehoor is so hoopvol in tye wat ons land se mense sukkel om mekaar te hoor en te waardeer!”

Op die foto wat geneem is van die Beplanningskomitee saam met die 4 Amerikaners, is van links na regs:

Keith Griffiths, Debbie van de Laar, David Rylaarsdam (VSA), Duane Keldermann (VSA), Ankia du Plooÿ, Coenie Burger, Kathy Smith (VSA), Bruce Theron, John van de Laar, James Nicolson en Neal Plantinga (VSA).

Groepsfoto IMG_3129

Die volgende foto het verskyn op Helderberg Gemeente se webblad met die titel: Oor grense heen – wat ‘n pragtige illustrasie is van die gesindhede en uitreik na mekaar tydens die konferensie.

Oor grense heen_Worship Conf

(Beide foto’s geplaas met erkenning aan Jan Branders, kommunikasiebeampte by Helderberg Gemeente.)

Die Luisterende Simfonie van Gestuurde Advent Gemeentes

Written by Jannie Swart on . Posted in Tussenin

Advent breek weer ons gejaagde lewens in.  Skielik, onverwags, elke jaar hierdie tyd, uit die toekoms.  Soos die bruidegom in die nag.

Dan is dit tyd om die simfonieorkes tot bedaring te bring.  Die gewone uitvoerings van die jaar te stop.  Die musiek te verdoof.

‘n Tyd vir die uitvoering van John Cage se 4’33.  Wanneer ons gretigheid om ‘n simfonie uitvoerings van God se musiek te maak net stilte word.

Maar stilte met ‘n verskil.  Want wanneer die simfonieorkes tot bedaring kom word ons verras deur die klanke van stilte.

Vir christelike geloofsgemeenskappe is dit nie ‘n Zen Buddistiese stilte nie, maar ‘n stilte van nuwe, vars luister na ander.  In plaas van ‘n fokus op die musiekstukke wat ons moet kan bemeester, word ons opnuut bewus van die gehoor se wereld.  ‘n Wereld waar God leef.  ‘n Doodgewone, alledaagse wereld… die stadsverkeer… die hoes van ‘n kind… stille klanke van wanhoop in geweld, armoede, vigs, werkloosheid….

As gestuurde gemeentes word ons nie net gestuur om altyd iets te doen nie, maar om soms met aandag te luister na die wereld waar God leef.  Sodat ons weer kan fokus op die Een van wie ons weet Hy het ‘n eerste keer op verrassende manier tussen ons opgedaag… en Hy kom weer uit die toekoms as die lewende hoop tussen ons.