Posts Tagged ‘vernuwing’

Tuiste vir Almal?

Written by Wilma le Roux on . Posted in Conferences, Konferensies

WINTERSKOOL 2016

Die Fakulteit Teologie aan die Universiteit Stellenbosch, in samewerking met Communitas, Ekklesia  en die Beyers Naudé-Sentrum vir Publieke Teologie bied jaarliks ​​‘n Winterskool aan vir predikante en pastors van verskeie denominasies, studente en akademici van verskillende godsdienstige en teologiese instansies, en mense uit verskillende vlakke van die lewe.

Ons is in die beplanningsfase van die 2016 Winterskool met die tema:

‘n Tuiste vir Almal – Die toekoms van die Christendom en ons jeug in Afrika.

Dit vind plaas van 31 Mei – 2 Junie 2016.

Ons is baie bewus daarvan dat daar op hierdie oomblik verskillende groepe is wat nie tuis voel in Suid-Afrika of sekere dele van Suid-Afrika nie. Dis nie hoe dit behoort te wees nie. Ons glo dat Christene in Suid-Afrika kan help om ‘n tuiste vir almal te skep. Ons glo dat die Bybel vir ons riglyne gee om ons visie te bereik. Ons glo dat die ouer geslag gesukkel het om hierdie visie van ‘n tuiste vir ons te leef, maar dat die jonger geslag ons hiermee kan help. In 1976 het ons die Soweto-opstand gehad waar baie jong mense geveg het vir ‘n beter onderwysstelsel en ‘n beter Suid-Afrika vir almal. Veertig jaar later kan ons die volgende vrae vra: Is Suid-Afrika ‘n tuiste vir almal? Wat is die rol van die kerk om ‘n tuiste vir almal te skep? Sal die kerk ‘n tuiste wees vir ons kinders en kleinkinders?

Die Winterskool bestaan ​​uit drie hoofredes met hoofsprekers, asook oggend parallelle sessies oor vyf verskillende onderwerpe geskeduleer oor drie dae, en middag parallelle sessies.

Die hoofredes sal fokus op die volgende onderwerpe:

  • Dag een sal fokus op die rol van die Christendom in die toekoms van ons land en kontinent – met as spreker Ds Esmé Bowers, van die Golgota Sanctuary van die Volle Evangelie Kerk;
  • Dag twee sal fokus op hoe die jong mense ons kan help om ‘n “tuiste vir almal” te skep – aangebeid deur Me Lovelyn Nwadeyi, nagraadse student in Politieke Wetenskap aan die Universiteit Stellenbosch;
  • Op dag drie sal ons fokus op onderwys en ‘n toekoms vir ons jeug – Prof Brian O’Connell, voormalige rektor en visekanselier van die UWK sal hierdie onderwerp dek.

VISIE VAN WINTERSKOOL

  • Voortgesette Teologiese vorming van predikante en ander lidmate;
  • Versterking van die verhouding tussen die Fakulteit en verskillende kerke, en tussen die kerke onderling;
  • Bespreking van relevante teologiese en gemeentelike sake;
  • Om ‘n draer van hoop in SA wees.
PROGRAM EN REGISTRASIE

Die finale program en registrasievorm sal in April 2016 beskikbaar wees op die webtuistes van die Fakulteit en Communitas: www.sun.ac.za/theology  en www.communitas.co.za

NAVRAE

Helette van der Westhuizen (Tel: 021 808 9560, E-pos: hvdwest@sun.ac.za  of

Wilma le Roux (Tel: 021 808 3624, E-pos: wler@sun.ac.za

‘n Wonderlike reis

Written by Wilma le Roux on . Posted in Foto's, Kursusse, VBO

Geloofsreis 1.1: Emosioneel Gesonde Spiritualiteit

 19-22 Mei 2014 geloofsreis 1 met Gys van Schoor - Hermanus

 

Wat ‘n voorreg was dit nie om saam met 15 predikante en 3 lidmate vir 3.5 dae net by die Here tot rus te kom op Wortelgat op die eerste stasie van die Geloofsreis 2014.

Ons kon eerlik raak oor ons eie emosionele ongesondheid…

Ons kon by mekaar leer terwyl ons bewus geraak het van Sy teenwoordigheid.

Sien uit om die pad saam te stap. Sien jul by volgende stasie 15-18 September!

Gys, Albertus, Andri

 

WINTERSKOOL 2014

Written by Wilma le Roux on . Posted in VBO

 CHRISTUS DIE HOOP VIR AFRIKA

DIE VOLGENDE 20 JAAR –

Winterskool 2014 embleem

Predikante, studente en akademiese personeel van verskeie kerklike tradisies asook die breë publiek, word uitgenooi na ʼn Winterskool met die tema Christus die hoop vir Afrika – die volgende 20 jaar.

Wanneer: van Dinsdag 10 Junie tot Donderdag 12 Junie 2014

Waar: by die Fakulteit Teologie, Dorpstraat 171, Stellenbosch

Daar is weer soos in die verlede gesamentlike en parallelle sessies met ruim tyd vir besprekings. Die gesamentlike sessies sal hoofsaaklik in Engels wees, en die parallelle sessies in die betrokke spreker se taal van voorkeur (Engels of Afrikaans).

Gesamentlike sessies word elke dag deur ‘n ander hoofspreker aangebied.

Paralelle sessies – hier kies deelnemers:

  • een oggendtema, en volg dit oor die drie dae;
  • een Dinsdagmiddag sessie, en
  • een Woensdagmiddag sessie.
Let daarop dat die volle registrasiefooi ‘n spitbraai insluit wat op Dinsdag 10 Junie vanaf 16:30 aangebied word.

Ons hoop om soveel as moontlik van julle daar te sien, sodat die visie van die Winterskool kan waar word:

  • die voortgesette teologiese vorming van predikante en ander geestelike leiers;
  • die versterking van die bande tussen kerke onderling, en tussen die fakulteit en verskillende kerke, en
  • die bespreking van relevante teologiese-, bedienings- en publieke vraagstukke.

Skryf in deur hier te kliek vir ʼn inskrywingsvorm: Winterskool Registrasievorm_2014

Vir ‘n volledige program, kliek hier: Winterskoolprogram 2014-06

Of kontak Wilma

LW SLUITINGSDATUM: Vrydag 30 Mei

For an English programme, click here: Winter School_Program_2014

For a registration form, click here: Winter School Registration Form 2014

Die winterskool word aangebied deur die Fakulteit en sy sentra Ekklesia en die Beyers Naudé Sentrum vir Publieke Teologie, in samewerking met Communitas.

Nuwe VBO-Kursus

Written by Wilma le Roux on . Posted in Kursusse, VBO

Excelsus logo 

Communitas Logo 

Logo Shepherd 

Gevorderde Sertifikaat in Bedieningsvernuwing

Die Gevorderde Sertifikaat in Bedieningsvernuwing waaraan die VBO Taakspan in samewerking met Communitas en Ekklesia sedert verlede jaar beplan het, word nou met groot blydskap voorgelê. Die eerste kursus vind reeds op 20-22 Mei plaas.

Die BEDOELING met die Sertifikaat is:

  • ʼn Intensiewe bedieningsvernuwingskursus wat leraars wil help om op ʼn dieper en grondiger vlak geheroriënteer te word t.o.v. hulle bediening. Daarom word die kursus in ʼn formaat van nege blokke (van 3–4 dae) oor die loop van drie jaar gedoen.
  • Die sertifikaat wil aan leraars wat behoefte daaraan het `n meer inklusiewe en omvattende reeks kursusse aanbied wat hulle op `n veel breër front gaan heroriënteer tov van ons bedieningseise vandag.  Alles wat ons weet oor die groot professies sê vir ons dat iemand wat vir 30-40 jaar in dieselfde beroep bly ten minste elke tien jaar deur `n redelike intensiewe program van verdere opleiding moet gaan. 
  • Dit wil inklusief werk m.a.w. teologie, vaardighede, houdings, roepingsbewustheid en spiritualiteit bevorder; die kursus sal nuwe insigte gee, maar ook baie prakties wees en mense help om innoverend te werk.
  • Die struktuur van die M Th kursus word as ʼn vertrekpunt geneem. Die verskil is dat daar nie ʼn skripsie geskryf word nie. Om kursusgangers dieper aan die dink en werk te kry word o.a.  ʼn joernaal gebruik.
  • Hierdie ʼn gesamentlike projek van die drie VBO-sentra.

Die program het `n klompie UNIEKE KANTE:

  • Ons probeer die meeste kante van `n lewe in die bediening aanraak (teologie, spiritualiteit, roeping en bedieningsvaardigheid)
  • Ons wil `n baie sterk konneksie maak tussen opleiding van leraars en die toerusting van lidmate: Een van die geformuleerde doelstellings met die kursus is dat ons met die opleiding van leraars tov `n tema hulle moet help om ook lidmate op te lei oor dieselfde tema.  Ons werk bv hard aan materiaal wat met lidmate gebruik kan word.
  • Daar sal genoeg insigsessies wees, maar ook `n sterk klem op selfwerksaamheid (bv die hou van `n joernaal), terwyl wedersydse, kollegiale  ondersteuning ook ingebou word in die struktuur van die kursus.
  • Die hele kursus het `n baie sterk missionale intensie en gerigtheid.  `n Mens sou kon sê dat die kursusse saam hande en voete wil gee aan die AS besluit oor Missionale Gemeentes

Ons antwoord op ʼn paar VRAE:

  1. Koste: Die verskillende modules word op die selfde patroon as ʼn gewone VBO-kursus hanteer, dws  R150 per kursus.  LW Die koste is vir elke blok, dws 3 x R150 per jaar, en jy skryf in vir die jaar, dus R450 vir jaar 1.
  2. Die kursus gaan ʼn inset vra maar ons sal bly moniteer dat die nie onmoontlik raak vir mense nie.  Ons het bv gevind dat dit nie help om te verwag dat mense baie leeswerk voor die tyd moet doen nie.  Ons sal vra dat van die joernaalstukke soms ingestuur word.  Maar daar gaan nie lang spesiale (akademiese) take wees wat gedoen gaan word nie.
  3. Ons werk hard daaraan dat daar by elke kursus materiaal en prosesse sal wees wat mense kan terugneem huis toe om iets van die dieselfde proses wat hulle deur is, op een of ander manier ook met die gemeente te doen.
  4. Ons sal ook graag heeltyd in kleiner groepe wil werk.  Ons ervaring met die M Th is dat die wisselwerking in die groep geweldig baie vir mense beteken.
  5. Ter wille van groepsdinamika asook logistieke reëlings kan deelnemers nie kursusse in verskillende sentra, bv in een in PE en een in Stellenbosch bywoon nie.   

Die UITEENSETTING VAN DIE EERSTE DRIE BLOKKE waarmee ons vanjaar begin, is soos volg:

Wil jy PEAK LEADERSHIP aanbied?

Written by Wilma le Roux on . Posted in Kursusse, VBO

 

Peak Leadership Fasiliteerders-opleiding

 Peak_of_the_Matterhorn,_seen_from_Zermatt,_Switzerland

Die Peak Leadership-kursus is nie net ’n kursus vir besigheidsleiers nie. Dis ’n tydige kursus vir geestelike leiers vir die huidige werklikheid waarin God ons plaas!

Peak Leadership offers performance systems that motivate people. Employees will increase in engagement, become more positive & productive, and experience greater fulfillment in their roles.

In hierdie kursus ontdek leiers wat is die sogenaamde “Nuwe Ekonomie” en hoe om mense te begelei om mede-skeppend te word. Hulle leer hoe om beter as span (“village”) saam te werk. Die krag van die kollektiewe wysheid word deurgaans beoefen sodat leiers by mekaar leer, asook eer wat ander aan te bied het.

Daar is nou geleentheid om ‘n PEAK Leadership Fasiliteerders Opleiding by te woon. Almal wat reeds die PEAK Leadership kursus se 2 dele voltooi het, kwalifiseer om hiervoor in te skryf.
(Indien jy nog nie deel 2 afgehandel het nie, is daar wel voor die opleiding kans om dit te doen – daar vind ‘n Peak Werkswinkel 2 plaas op 15-16 April.)

Hoekom die Fasiliteerders Opleiding?
Dit is ‘n geleentheid om jou te bemagtig om gemeenskapsleiers op te lei in leierskap en húlle weer so te bemagtig.

Die opleiding sal plaasvind op 20-22 Mei en die 2de deel, die assessering, op 17-20 Junie.

Gedurende die gewone PEAK-kursus is die fokus op jou as ʼn afgevaardigde, as ʼn leerder of verkenner van jou eie leierskap.

In die Fasiliteerders-opleiding skuif hierdie fokus:

• die doel van die eerste 3 dae van die opleiding is om jou agter die skerms van die program in te neem en jou na die program te laat kyk uit die oogpunt van ʼn fasiliteerder.
• Jy kry kans om te praat oor doelwitte, voornemens en prosesse,
• kyk in detail na die oefeninge, en
• ondersoek wat kan verkeerd gaan.
• Julle kry kans om oor voorbeelde te praat en
• stories te deel wat jou ondervinding van die fasilitering van die program kan verbeter.

Die opleidingsdae is ʼn geleentheid om die skakels tussen die program en die werk wat jy doen, te verken – al die verskillende toepassings en opsies. Dis ook ʼn tyd van ondervindings deel en vrae vra.

Tussen-in
In die 3 weke tussen die 2 blokke doen jy jou persoonlike voorbereiding om geassesseer te word gedurende Blok 2. Dis belangrik dat almal genoeg selfvertroue het en bevoeg voel om die program aan te bied, en dat die eienaars van die program by Village of Leaders seker is dat almal goed toegerus is.
In hierdie 3 weke moet jy dus die program jou eie maak, jou eie stories en maniere om die materiaal aan te bied vind, sodat jy eienaarskap van die program kan neem en eg kan oorkom. Hierdie voorbereiding vereis ʼn redelike hoeveelheid tyd en daarom is dit belangrik dat jy genoeg tyd op jou dagboek toelaat daarvoor.

Die assessering
Hierdie blok voorsien ʼn geleentheid vir jou om jou begrip van die program te demonstreer – die teorie, die proses en die oefeninge. Elke persoon sal ʼn aantal geleenthede kry om gedeeltes van die materiaal vir hul kollegas aan te bied en terugvoer te kry oor wat jy goed doen, en waar daar kanse vir verbetering is.

LW Die sperdatum is 12 Mei.

Kliek hier vir ‘n inskrywingsvorm:  PEAK FASILITEERDERS OPLEIDING

 

 

Geloofsreise Herskeduleer

Written by Wilma le Roux on . Posted in Kursusse

VBO 6b Geloofsreis 1.2 Die innerlike reisVBO 6a Geloofsreis 1.1 Emosioneel gesonde spiritualiteit

Geloofsreis vir

Predikante

 Sentrum vir Geloofsvorming

Geloofsvorming is ʼn lewenslange reis saam met Jesus. Dit impliseer ʼn proses van radikale innerlike transformasie wat uitloop op diens aan die naaste en die skepping.

Die Geloofsvormingsreis of beter bekend: Geloofsreis vir predikante word reeds ʼn aantal jare as ʼn VBO kursus deur Communitas in samewerking met die Sentrum vir Geloofsvorming aangebied. Dit was oorspronklik geskeduleer om te bestaan uit 3 retraits in die eerste jaar van die reis.

Dit het egter vir predikante al hoe moeiliker geraak om soveel dae in een jaar uit hul gemeentes te wees vir kursusse of opleiding. Daarom het die Sentrum vir Geloofsvorming nou die Geloofsreis herskeduleer om ook net 2 retraits per jaar te beslaan.

Die doel van hierdie Geloofsreis

Dis om deelnemers te help om

  • Eerstehands met Jesus te leer lewe (Dissipelskap)
  • Hulself te leer ken (want Almost all problems in the spiritual life stem from a lack of self-knowledge -St Teresa of Avila)
  • Innerlik verander te word (Geloofsvoming)
  • meer vry en heel, meer mens en meer diensbaar te word

Die datums lyk nou soos volg :        

Retraite 1: Emosioneel gesonde spiritualiteit

19–22 Mei 2014

Een die grootste struikelblokke vir ons lewe saam met God is ons gebrek aan selfkennis. In hierdie retraite ontdek ons ons emosionele ongesondheid aan die hand van die werk van Scazzero.

Boeke aanbeveel: Pete Scazzero: Emotional healthy spirituality en Emotional healthy church (Die laaste een opsioneel)

Werkboek: R50

Begeleier: Gys van Schoor saam met Albertus Louw en Andri Eloff

Plek: Wortelgat

Kliek hier vir ‘n Inskrywingsvorm:   VBO 6a Geloofsreis 1.1 Emosioneel gesonde spiritualiteit

Retraite 2: Die innerlike reis: vals self vs ware self

15–18 Sep 2014

Groter emosionele heelheid van ons verwonding is van kardinale belang vir geloofsvorming.

Boeke: Basil Pennington: False Self vs True Self; Brennan Manning: Abba’s Child

Werkboek: R100

Begeleiers: Gys van Schoor en Pierre Goosen

Plek: Hermanus

Kliek hier vir ‘n Inskrywingsvorm:  VBO 6b Geloofsreis 1.2 Die innerlike reis

Die aanvanklike curriculum was ‘n reis van 3 jaar waar predikante op 4-dag retraits gaan, om in ʼn rustige omgewing begelei te word tot groei en verandering. Nou kan jy egter voortgaan met die reis ná voltooiing van die eerste 3 jaar, want daar is vanjaar nog 2 retraits bygevoeg.

Vir meer inligting oor die res van die reis, lees die artikel verder af oor die Geloofsreise as geheel.

Nuwe Leiers?

Written by Wilma le Roux on . Posted in Kursusse, VBO

 

Nuwe leiers

vir

nuwe werklikhede

 leadership-134
Ons moet begin om heeltemal anders te dink oor wat die kerk is, hoekom die kerk daar is en hoe die kerk effektief en funksioneel kan raak. Wat hiervoor nodig is, is ʼn absoluut radikale sprong. Dit vereis ʼn enorme omwenteling, en dan is die groot vraag:  Wat vereis die nuwe situasie van kerke se leiers?

Skryf in vir hierdie baie interessante VBO-kursus en kom luister en gesels saam met Nelus Niemandt op 25–27 Februarie by Helderberg Gemeente, Somerset-Wes.