Interaktiewe webtuistes
Port Elizabeth kursus
Last modified on 2012-02-19 03:34:26 GMT. 0 comments. Top.
Communitas het ‘n deel van hulle webruimte by Hetzner beskikbaar gestel vir gemeentes om hulle eie webtuistes te huisves. Dertig gemeentes en instansies gebruik dit reeds. Deur middel van die VBO kursus, Interaktiewe Webtuistes, word gemeenteleiers begelei in die ontwerp, ontwikkeling en instandhouding daarvan.
Hier is die skakels na die eerste 10 webtuistes wat hierdie week met WordPress gebou is en nou verder ontwikkel sal word.
- Addo Zuurberg
- CMR
- GFB Jeffreysbaai
- NGK Alexandria
- NGK Newtonpark
- NGK Oos-Kaapland
- NGK Uitenhage-Oos
- Patmos
- PE-Wes
- Sherwood gemeente
Die volgende VBO kursus word op 27-29 Februarie in Stellenbosch aangebied. Dit is ongelukkig reeds vol.
Jy kan egter jou naam vir Divine gee, dan laat weet ons jou wanneer dit weer aangebied word.
Benewens ‘n hele paar opmerkings wat gaan help om die kursus beter te maak, is hier ‘n paar van die waarderende opmerkings:
- “Dankie dat ek bemagtig kon word om met entoesiasme en vrymoedigheid voort te gaan om ’n webwerf te bou.”
- “Die openheid vir vrae en kundige hantering van enige probleme bou selfvertroue in die proses.”
- “Die ‘help-mekaar’ dinamika laat almal baat.”
- “Ek weet nou al dit is een van die beste VBO beleggings wat ek kon maak.”
- “Baie dankie vir sinvolle dagwydings uit die Woord.”
- “Die dag se indeling, wyding en metodiek van aanbieding was deeglik en ’n groot veld van werk is gedek in ’n kort tydperk sonder om daardeur te jaag.”
- “Die ure het glad nie te lank gevoel nie en die aanbieding was ‘hands on’.”
Inline posts
Last modified on 2012-02-16 20:01:27 GMT. 9 comments. Top.
Joomla! het ‘n baie oulike opsie om net sekere artikels te wys op die voorblad, wat jou baie beheer gee oor wat op die voorblad aangaan. WordPress het nie as default só ‘n opsie nie. Jy wys of posts of pages op die voorblad. Jy kan wel ‘n post “sticky” maak (kyk in Quick-edit) sodat dit bo-aan die lysie van posts bly, al is daar ander posts daarna geskrywe. Dit is egter nie bevredigend nie.
Gelukkig is daar ‘n perfekte oplossing daarvoor: die plugin Inline posts. Jy kan daarmee op enige bladsy die posts se ID wat jy wil laat verskyn in dubbel hakies sit – bv: [[die drie syfer kode in die adres: xxx]]. (Om die drie syfer kode te kry, hou jou muis oor die post se titel in die All Posts area en gebruik die syfer wat in die “post=xxx” deel van die adres verskyn). Deur ‘n paar uitgesoekte posts op dié manier onder mekaar op ‘n bladsy te sit, verskyn hulle outomaties daar, en kan jy die statiese bladsy kies by Settings/Reading, wat presies werk soos Joomla! se Frontpage opsie.
Laai dit af by Aral Balkan se webtuiste, installeer dit via die Add new opsie by Plugins deur die upload opsie te kies en dit van jou rekenaar af te installeer. Gaan na Settings/Inline posts en stel die grootte van die titel (
h2 is die default daar).Wenk: Kies die eerste post se titel sodat dit nie clash met die Page se titel nie.
