Author Archive

Projek 2015

Written by webmaster on . Posted in KIX-KOM

Die Here het ons gelei om vanjaar by die ring van Morgenster in Zimbabwe betrokke te raak. Die ring bestaan uit 8 gemeentes. Hulle het ’n groot behoefte aan kategese materiaal en ons gaan hulle bystaan om nuwe materiaal te ontwikkel. Die goeie nuus is dat die Sinode van Zimbabwe kennis dra van die projek en as alles afgehandel is, wil hulle die nuwe kategese materiaal ook vir die res van die gemeentes beskikbaar stel. Ons gaan dus in noue vennootskap met Morgenster Sending-stasie werk en saam ontwikkel aan nuwe boekies in Sjona (hulle amptelike taal). Dit het ons laat dink aan ’n projek naam. Omdat die Sjona alfabet gebruik gaan word om die Bybel stories aan kinders te bring, het ons die naam gekies: “Zim ABC wat die Woord gee”.

Nou het ons ‘n wonderlike idee om die Sjona alphabet te gebruik in ons fondsinsameling. Julle kan die Sjona alfabet aflaai vanaf ons webtuiste. Kopieer dit en knip uit. Daar is ‘n Sjona woord vir elke letter en dit sal baie pret wees om dit aan te leer. Die plan vir ons fondsinsameling is dat die kinders indiwidueel of in groepe die letters van een van die volgende 3 sinne kan koop teen R5 ‘n letter. Die drie Sjona sinne is:

Jesus loves you – Jesu anokuda,

God is always with you – Mwari anewe nguva dzose en

We pray for you – Tinomunyengetererai.

November 2014 riglyne vir huiskerke en selgroepe

Written by webmaster on . Posted in Kleingroepe

met die fokustekste van die Leesrooster as basis

Een-en-twintigste week in Koninkrykstyd

2 November

Matt.23:1-12

Die grootste onder julle – bereid om te dien

Ysbreker

Wie is die grootste-in-karakter-mens wat jy altyd sal onthou en hoekom is hy of sy vir jou die grootste?

Lof en aanbidding

Kom tot rus by jou God. Fokus op Hom. Terwyl jy binne stil word, dink aan iets waarvoor jy vanaand die graagste vir Hom dankie wil sê. Noem dit dan in jou stilte by die naam. Geniet die stilte, die Here se teenwoordigheid. Loof en aanbid Hom dan met liedere. Iemand kan afsluit met die Ons Vader.

Hoe om e-boeke van Communitas te lees

Written by webmaster on . Posted in Inligting

Ons stel e-boeke in twee formate beskikbaar: ePub en mobi.

  • ePub kan gelees word op selfone, tablette en rekenaars.
  • Mobi kan gelees word op Kindle of op ‘n Kindle toep op selfone, tablette en rekenaars.

Om ‘n e-boek aan te skaf, klik jy op die relevante boek, klik op Buy Now (selfs al is dit gratis) en volg die instruksies.  Indien die boek iets kos, word die prys in dollar waarde vertoon.  Wanneer jy egter die aankoop doen, kan jy jou kredietkaart gebruik en die prys word in Randwaarde van jou rekening verhaal.

‘n Skakel word dan na jou Inbox gestuur om die boeke te kan aflaai. Onthou om daarna in te log by Communitas, wanneer jy jou boek wil aflaai, anders sal jy nie by jou rekening se e-boeke kan uitkom nie.  Die skakels vir jou aankope en downloads verskyn in die widget aan die regterkant van die webtuiste, genaamd: E-boeke.

Saam verder geluister – Kleingroepmateriaal vir Woord en lewe

Written by webmaster on . Posted in Kleingroepe

Kleingroepmateriaal

Hier is die kleingroepmateriaal wat saam met Woord en lewe – Advent 2014 tot Koninkrykstyd 2015 – gebruik kan word.  Bestel of koop by Bybel-Media.

Overberg – Pelgrims van hoop

Written by webmaster on . Posted in Nuus

Die Overberg Pelgrimstog van Hoop is ‘n inisiatief van Communitas  om die moontlikheid van ‘n pelgrimstog in die Overberg tot by Suidpunt by Agulhas te ontwikkel.

Pelgrimstog-SA250Ons eerste ekspedisie om die haalbaarheid van so ‘n droom te ondersoek vind van 18 tot 26 Oktober plaas.

Indien jy op die roete woon of werk en graag betrokke wil raak laat ons asb weet. Pelgrims is afhanklik van die ondersteuning van die plaaslike gemeenskap van hulle kos, veiligheid, verblyf en geestelike ondersteuning. Ons wil graag oornagplekke(kan ook privaat huis wees) wat as herberge kan dien, gemeentes wat geestelike ondersteuning kan bied en mense wat kos kan voorsien, lys sodat ons die inligting vir voornemende groepe bekend kan stel.  Indien u belangstel om pelgrims tov een of meer van bg behoeftes te ondersteun kontak vir Adrienne Bester by 021-8083382 of  abester@sun.ac.za of Frederick Marais op die stapgroep by 0833801657 (stuur asb eerder teksboodskappe omdat ons nie altyd ontvangs sal hê op die roete nie.

Ons is bewus van ander Pelgrimstogte in Suid-Afrika soos die Tankwa Camino, tussen Ceres en Calvinia en sal in die toekoms graag met hulle wil skakel oor die moonlikheid van samewerking en die moontlike koppeling van roetes.

Ons roete vir die komende ekspedisie is soos volg:

  • 18 Okt Mcgregor na Greyton
  • 19 Okt Greyton oor Genadedal na Wolfkraal
  • 20 Okt Wolfkraal oor Dassiesfontein na Tussenbeideklaar
  • (Aan die weste kant van die Babilonstoringberge)
  • 21 Okt Tussenbeidekraal na Volmoed Rereat Sentrum(Hemel en Aarde vallei)
  • 22 Okt Volmoed via Fernkloof Hermanus strandlangs na Gansbaai
  • 23 Okt Gansbaai strandlangs na Pealy Beach
  • 24 Okt Pearly Beach strandlangs na Die Dam
  • 25 Okt Die Dam na Agulhas (Suidpunt)

Oktober 2014 riglyne

Written by webmaster on . Posted in Kleingroepe

Vir huiskerke en selgroepe met die fokustekste van die Leesrooster as basis

Sewentiende week in Koninkrykstyd

5 Oktober

Matt.21:33-46

Hy het sy seun na hulle toe gestuur

Ysbreker

Hou jy van ’n storie met ’n gelukkige einde of eerder ’n realistiese einde?

Lof en aanbidding

Kom tot rus by die Here en fokus op Hom. Sien in jou stilte hoe Hy met liefde na jou kyk. Dink nou aan iets spesifiek wat die Here jou die afgelope week gegee het en waar jy besonder bewus was van die feit dat Hy Homself aan jou gee. Dank Hom daarvoor. Sing dan lof- en aanbiddings-liedere vir Hom. Iemand lees Psalm 19 terwyl die ander biddend luister. Gee weer kans vir stilte na die lees van die Psalm. Elkeen herhaal die woorde “Mag wat ek sê en wat ek dink, tog vir U aanneemlik wees, Here.”