Kursus oor die Doop

Written by Wilma le Roux on . Posted in Kursusse, VBO

Doop en Bediening:    

Ontvang wat vir julle gegee is

 Doop 2

28-30 Julie 2015

Aanbieders: Andries Cilliers en Tinus van Zyl

In hierdie kursus gaan die klem nie in die eerste plek op die verskille oor die doop val nie, maar eerder op wat die kerke in gemeen het en hoe ons aan die Doop die regmatige plek wat dit verdien in ons bediening kan gee.

Ons gaan ons uitgangspunt neem in die hoog-gewaardeerde ekumeniese studie Baptism, Eucharist and Ministry en fokus op die vyf betekenisse van die Doop waaroor hulle ekumeniese konsensus by ʼn groot klomp kerke kon kry.

Die kursus gee ook aandag aan praktiese sake soos geloofsformasie, liturgie en bediening.

Daar sal in die kursus spesifieke aandag gegee word aan:

  • Die bybels-teologiese vrae oor die doop.
  • Die BEM-studie en die bevindings van die studie.
  • Hoe ons aan die Doop ʼn regmatige plek in ons gemeentes en bedienings kan gee.
  • Daar sal ook aandag gegee word aan spesifieke praktiese programme (bv. ʼn 40-dae-kursus) en aan liturgiese riglyne.

Om in te skryf , kliek hier: VBO 9 Doop en BedieningOntvangWat_Gegee_Is#24FC78F

Sperdatum: 23 Julie

Eendag-kursus oor Kontemporêre Musiekbediening

Written by Wilma le Roux on . Posted in Kursusse

Bou jou eie pizza

–  Gemeentehulpmiddels vir musiekbediening


MusicWorkShop-Image
Ons nooi jou graag na ‘n opwindende eendag-kursus oor Kontemporêre Musiekbediening:

Bou jou eie pizza –  Gemeentehulpmiddels vir musiekbediening 

Wanneer: 23 Julie 2015

Waar: Bybel-Media, Wellington

Aanbieders: Faani Engelbrecht en Nico Simpson

VBO-punte: 5

Die beste pizza-plekke gee aan jou die geleentheid om jou eie pizza te bou, want:

as jou gesin soos my gesin is, hou die een van sampioene, maar nie van pynappel nie;

die ander een verkies spinasie, terwyl die ander een ’n karnivoor is wat net vleis en ekstra kaas verkies.

Musiekbediening werk mos maar dieselfde.

Jou gemeente verkies om geen dromme te hê nie, maar hulle sal heerlik saam met ’n kitaar sing.

Die buurgemeente kan nie sing sonder elektriese kitare en techno-klanke nie.

Vir gemeentes wat aangewese is op ‘backtracks’, kan dit egter moeilik raak, omdat jy eenvoudig moet vat wat jy kan kry.

Brandhout Multitracks is ’n rekenaarprogram en 20 liedere (multitracks)  wat jy self kan opstel en manipuleer volgens jou gemeente se eiesoortige behoeftes.  Jy kan selfs die toonhoogte en tempo van die lied bepaal!

  • Hierdie 1 dag-kursus word aangebied deur Ds. Faani Engelbrecht  en Nico Simpson – in samewerking met Bybel-Media se kantoor vir kerkmusiek.
  • Die kursus kos R750, maar sluit die volledige pakket en rekenaarprogram (ter waarde van R2000) in!
  • Kursusgangers moet hulle eie rekenaars en oorfone bring (’n tablet sal nie werk nie en Apple nie verkieslik nie).

Faani sal die program stap vir stap verduidelik en jou wys hoe om dit uiteindelik in jou musiekbediening in te span.

Wie sal baat vind hierby?

  • Enige predikant of musiekleier wat al ooit gesukkel het om ’n musiekbedieningspan op die been te bring
  • of een gedurende die vakansie bymekaar te kry.
  • Gemeentes wat glad nie ’n musiekbediening het nie, wat graag Flam-liedere wil sing en aangewese is op backtracks.
Vir ‘n inskrywingsvorm, kliek hier:  VBO14 Bou jou eie Pizza _ Kontemporêre Musiekbediening
Skryf in VOOR 19 Julie

 

Communitas kursus vir Jong predikante

Written by bestera on . Posted in Kursusse, Predikante begeleiding

Communitas bied op 23 en 24 FebruarieVraag ‘n kursus aan vir Predikante wat 10 jaar en minder in die bediening is.  Pierre Goosen van Predikantebegeleiding, sal die kursus aanbied. Hy skryf Kortliks oor die kursus:

Ellie Wiesel vertel dat elke dag as hy van die skool gekom het, het sy ma vir hom gevra of hy daardie dag ‘n goeie vraag gevra het.

Na ‘n klompie jaar in die bediening is dit goed om na te dink oor die vrae wat jy tans vra. Wat is daardie vrae? Is dit vrae wat jou roeping as predikant in ‘n gemeente bevestig? Vrae oor jou identiteit in Christus? Vrae oor rol en verwagtinge? Oor menswees?

In die twee dae sal ons binne die tema van Veerkragtigheid(Resilience) gesprek voer oor die moontlikhede joe jy jouself kan uitleef en verwesenlik as mens binne die vele verhoudinge met vele vrae en verwagtinge waarin jy staan. Vir ‘n inskrywingsvorm kliek hier: Predikante 10 jaar en minder

Verlore generasie?

Written by Wilma le Roux on . Posted in Jeug en familie, Kursusse

Bediening aan die 18-35 jariges:

‘n 2-Dag VBO Kursus

 Youth.image

Daar is min gemeentes wat daarop sal kan roem dat hulle ’n baie suksesvolle bediening aan die 18 – 35 jariges het. Inteendeel. Die meeste gemeentes sukkel om kinders na belydenisaflegging gekoppel te hou aan die gemeente.  Eers as daar kinders is wat gedoop moet word, verskyn hulle weer op die gemeente se radar.

Wat gebeur met hulle intussen?

En hoe kan ons hulle sinvol bedien in hierdie tyd waar hulle hul vlerke van nature sprei en ander horisonne verken?

Hierdie kursus gaan

  • jou blootstel aan die jongste navorsing,
  • jou in gesprek bring met Jeugwerkers wat hiermee getaak is,
  • leer by 2 van ons sinode se studentebedienings, en
  • uitvind hoe die tegnologie ons kan help.

Ons gaan ook

  • ons hand waag aan ’n paar moontlike oplossings,
  • en saam dink oor nuwe moontlikhede.
  • Ons gaan ook saam besluit oor die ontwikkeling van nuwe programme, platforms en prosesse.
Sperdatum: 19 Februarie

Om te wát met ʼn Gevorderde Sertifikaat?

Written by Wilma le Roux on . Posted in Kursusse, VBO

 Logo's Sentra  VBO Nuut en Geintegreerd

Waarom 9 kursusse in 3 jaar? Hoekom sal ek nodig hê dat iemand namens my besluit wat ek moet leer? So vra iemand oor die Gevorderde Sertifikaat in Bedieningsvernuwing, ʼn reeks kursusse wat jou oor ʼn tydperk van 3 jaar op ʼn nuwe leerkurwe neem.

In hierdie tyd gaan jy delf in werke van die mees relevante teologiese werke van ons tyd; gaan jy gesels saam met kollegas oor vraagstukke en vrese en saam na oplossings en antwoorde soek.

Iemand wat in 2014 die eerste 3 blokke deurloop het, som dit so op:

“’We read to know we’re not alone,’ het C.S Lewis blykbaar gesê. Ek het onlangs by ‘n nuwe gemeente begin werk en in my veertien jaar van bediening is dit my eerste een-man gemeente. Meer as ooit verlang ek na my kollegas – nie net wat werkverdeling betref nie maar veral wat goeie wederkerige vorming en saam groei binne ‘n unieke konteks betref. Die sertifikaat-kursus kom regtig tot my redding wat ‘n paar aspekte van my (een-man)bediening behels: Ons is ‘n groep leraars, van uiteenlopende kontekste, wat saam vir drie jaar op reis is.

“Ons kom sit elkeen met ons eie unieke konteks rondom hierdie tafel en tree in gesprek daarmee en met mekaar. Dit is dus ‘n skeppende proses waarin ons saam groei in sekere kern gesindhede, vaardighede en gewoontes vir bediening in ons tyd. Die aanbieders lewer nie teologiese monoloë uit hul akademiese kokonne nie, maar bring dit deurgaans terug na ons konteks en praat vanuit hul bedieningskontekste. Vir iemand soos ek wat baie bewus van die konstante vloeibaarheid van ons tye soms paniekerig die nuutste boek gryp (in die hoop op antwoorde, inspirasie en groei), is hierdie sistematiese bedieningsrelevante reis inderdaad ‘n pelgrimstog soos Eugene Peterson se “A long obedience in the same direction.” Ek kan nie wag om te sien wat met ons om die volgende draai gaan gebeur nie.

“Die drie blokke het vir my as mens persoonlik en as predikant baie beteken.  Uiteindelik is van dié kennis ook met gemeenteleiers bespreek en begin implementeer vir die gemeente se rol en taak as gestuurde geloofsgemeenskap.”

Kyk verder onder oor die uiteensetting van die eerste drie blokke waarmee ons weer vanjaar begin.

VBO Nuut en Geïntegreerd

Written by Wilma le Roux on . Posted in Kursusse, VBO

Nuwe en Geïntegreerde

Gevorderde Sertifikaat in Bedieningsvernuwing

ʼn Gesamentlike projek van die drie VBO-sentra

 Communitas Logo  Excelsus logo  Logo Shepherd

                                               

Ons begin in 2015 met ʼn nuwe, tweede groep wat die gevorderde Sertifikaatkursus in Bedieningsvernuwing gaan deurloop!  

Ons nooi leraars wat 5 jaar of langer in die bediening is om saam te kom dink oor hoe ons ons bediening sinvol en verantwoordelik kan inrig.  

Die eerste groep van 35 leraars het vanjaar die eerste drie modules voltooi en ons kry baie positiewe terugvoer.

Maar wat behels hierdie sertifikaat?

Die bedoeling van die Geintegreerde Sertifikaatkursus is om leraars wat al `n rukkie in die bediening is op ʼn dieper en grondiger vlak te geheroriënteer t.o.v. hulle bediening.

  • Die kursus word dus in ʼn formaat van nege blokke (van 3–4 dae) oor die loop van drie jaar gedoen.
  • Dit wil inklusief werk deur teologie, vaardighede, houdings, roepingsbewustheid en spiritualiteit te bevorder
  • Die kursus gee nuwe insigte, maar is ook baie prakties en help mense om innoverend te werk.
  • Die struktuur van die M Th kursus word as ʼn vertrekpunt geneem, maar ʼn belangrike verskil is dat daar geen skripsie geskryf word nie.
  • Om kursusgangers dieper aan die dink en werk te kry word o.a.  ʼn joernaal gebruik.

 

Die datums vir die nuwe groep van 2015 is die volgende:

Blok 1 Om die Tye en Geleenthede te Verstaan 17-19 Feb
Blok 2 Gemeentelike Ekklesiologie 21-23 Apr
Blok 3 DIE TRINITEIT-Die Wonderlike, Vreemde God in Wie Christene Glo 1-3 Sep

Familiebediening-kursus op Hartenbos

Written by Wilma le Roux on . Posted in Kursusse, VBO

 singlefamily

FAMILIEBEDIENING

– hoe werk dit?

 clip_families

Hoe werk familiebediening in gemeentes,

in huishoudings, in skole en

binne ‘n missionêre bediening in ons gemeentes?

Wérk dit?

In Richard Olson en Joe Leonard se boek: “A new day for family Ministry” maak hulle die stelling dat ’n familie ’n netwerk is waar twee of meer familielede op ’n emosionele, biologiese en wetlike vlak verskeie dinge met mekaar deel.
Dr Christo Thesnaar skryf so hieroor: “Vertaal in ons konteks sou ons kon sê: ’n Familie is ’n veilige plek waar die lede van die familie die ervaring van “behoort” het; sorg dra vir mekaar; saamgebind is deur hulle storie; bewus van en ingestel is op mekaar se agendas en aspirasies vir die toekoms; en wat leef en wandel in die teenwoordigheid van die Here en dit na buite toe uitleef. Dít is die kern van familiewees …”

Ons gaan op 29 -31 Oktober 2014 op Hartenbos saamdink, saamwerk en saamdroom oor Familiebediening.


Daar gaan gepraat word oor dinge soos:

  • Wat is die vyf teologiese uitgangspunte van geloofsvorming in gemeentes en in huishoudings? “Geloof word ingeleef en nie aangeleer nie.”
  • Ontdek die 4 SLEUTELS wat geloof in huise prakties maak:  liefdevolle gesprekke, stilwordtye, dade van diens en rituele en tradisies.
  • Watter nuwe tendense en navorsing was daar oor geloofsvorming en familiebediening in die afgelope drie dekades – en wat is die struikelblokke? Kom ontdek die strategie wat werk vir jou gemeente.
  • Help bou aan jou gesin/familie se “familie-sterktes”. Bied  riglyne aan gemeentes waarmee hulle families kan help om hulle eie sterktes te ontdek en uit te bou.
  • Leer hoe om ouers se begrip van sosiale media uit te bou en hulle te help om insig in hulle kinders se betrokkenheid by sosiale media te kry; en hoe om sosiale media in familie-bediening sinvol aan te wend.
  • ‘n Nuwe verstaan van Kinderbediening: op die voetspore van Jesus Christus. Kom help vorm ‘n nuwe denkraamwerk waarop kinderbediening benader en gedoen kan word.
  • Gesels oor die nuutste tendense in jeugbediening in die lig van die #Imagine jeugbyeenkomste – ontdek die nuutste ontwikkelinge in jeugbediening spesiale vir die huidige Suid-Afrikaanse konteks.
  • Gee gesinne/families die toerusting om hulle eie spiritualiteit te ontdek en uit te leef. Kursusgangers word bewus gemaak van die feit dat elke gesin/familie hulle eie spiritualiteitstipe het en dat hulle toegerus moet word om mekaar se geloof te vorm. “A lot of parents are overwhelmed and are content to outsource their children’s religious development, ”says Muldoon.“We teach our children manners, language, even things about sports we like, but we don’t want to teach them religion? Ours is a culture of pluralism and so we have to be more deliberate about what it is we want to pass on.”
  • Kom hoor wat is die nuutste tendense in kampbediening met die oog op familiebediening.

Die aanbieders is Deon Kitching en Gielie Loubser.

Om in te skryf, kliek hier: VBO 14b Familiebediening

Vir meer inligting: Kontak Wilma