Geskape om te dans in die arms van die Drie-eenheid

Written by webmeester on . Posted in Vorige kommentaar

Rethie van Niekerk het vanoggend gepreek oor die geestelike gewoonte AANBIDDING uit Nehemia 8 – deel van die reeks wat ons die eerste kwartaal 2009 in die gemeente Somerstrand PE doen (aflaaibare hulpmiddels, Joernale en preke elke Sondag beskikbaar by www.ngkerksomerstrand.co.za)
Sy het ‘n ongelooflike bydrae gemaak wat met jou gedagtes resoneer. Ek haal kursories aan, sy sê:
“God het ons geskape om deel te wees van die goddelike gemeenskap. Die antieke manier om die drie-eenheid te verduidelik, is om te beskrywe as DANS. ‘Ons is geskape om te dans in die arms van die Drie-eenheid.’ Geestelike gewoontes is ‘n manier om die dans te leer, om in te val by ritme van Drie-eenheid.” Dít is mos wat ons moet doen! Dit is die vreugde van in God se koninkryk leiding gee.
En het sy bygevoeg: “Aanbidding is om in God se arms te val en sê: Nie my wil nie, maar u wil geskied. Ek is die klei, u is die pottebakker.
Maar dít is nie, soos baie dink, ‘n demper op ons gemoed nie, maar ‘n manier om tot rus te kom en fees te vier.
Die waarde van aanbidding is immers soos sy iemand aanhaal:
Rest,
Relate
Remember
Rejoice.
Dog ek deel dit met jou – want dit het vir my nogal baie beteken!
Chris van Wyk

Trackback from your site.

Leave a comment