Posts Tagged ‘aanbidding’

Presentations Worship Conference

Written by Wilma le Roux on . Posted in Ekklesia, Konferensies, VBO, Vennote

 

Information and Power Point Presentations

During the two-day conference, hosted by Communitas, Ekklesia (Stellenbosch University), and
the Calvin Institute of Christian Worship (Grand Rapids, USA) several South African and international theologians presented papers. The purpose was to explore the relationship between Christian worship and the life and witness of the Church.

You will find some of the presentations below:

Tom Long oor Prediking en Aanbidding

Written by Wilma le Roux on . Posted in Ekklesia, Kursusse, VBO, Vennote

Kursus deur wêreldbekende homileet, die Rev. Dr. Tom Long

Ons is baie bevoorreg om in Maartmaand vir Prof Thomas Long is Suid-Afrika te hê vir `n paar predikantskursusse.

Prof Long is een van die bekendste en mees gerespekteerde homilete in die wêreld en sy boeke oor prediking en erediens word wêreldwyd voorgeskryf vir studente.  Hy het vir `n dekade of wat homiletiek aan Princeton Theological Seminary doseer voordat hy `n soortgelyke pos by Emory Universiteit se Candler School of Theology aanvaar het. Hy word vergesel deur sy vrou, Kimberly, ook ‘n homileet wat klasgegee het by Columbia Theological Seminary.

Hy sal op 12-13  Maart in Stellenbosch `n tweedag-kursus vir predikante aanbied rondom sy boeke The Witness of Preacing (oor die prediking) en Beyond the Worship Wars (oor die erediens, meer spesifiek verantwoordelike Blended Worship).

Dit beloof om iets besonders te wees.  Moenie dit misloop nie!

Vir ‘n inskrywingsvorm, kliek hier:  VBO4 Tom Long – Preaching-Worship

Stuur jou inskrywingsvorm en betaalbewys na Wilma

vóór 7 Maart!

Vir meer inligting oor Tom : http://candler.emory.edu/faculty/profiles/long-thomas.html

en Kimberly: https://en.wikipedia.org/wiki/Kimberly_Bracken_Long

 

Groot Konferensie, Groot Sukses!

Written by Wilma le Roux on . Posted in Ekklesia, Konferensies, VBO

Worship

Conference

2015

 Worship Conference

Hierdie is waarskynlik die omvangrykste konferensie nóg in Suid Afrika oor die erediens en liturgie – ons dink nie daar was al `n liturgiekonferensie van hierdie omvang in ons land gehou nie.  48 temas is deur 34 sprekers en predikers aangebied – sprekers vanoor die hele land, asook 4 van die Calvin Institute van Amerika.

Ons weet dat gereformeerdes deur die tyd nie baie aandag aan erediens en liturgie gegee het nie.  Hierdie instituut is besig om ons te help om in te haal op die agterstand.

Ongeveer 200 mense het ingeskryf vir hierdie konferensie met sy unieke en baie interessante reeks temas, wat ingesluit het:

Die betekenis en doel van Aanbidding/ Wat maak `n erediens goed?/ Om die liturgie van swart kerke beter te verstaan/ Om God te verheerlik in die erediens…/ Kreatiwiteit in ons aanbidding / Hoe word mense verander deur die erediens?/ Die rol van tegnologie in die erediens / Die plek van musiek in die erediens/ Wat maak dat mense na `n preek luister/ Plek vir die sakramente / Erediens en Pastorale Sorg / Kinders in die erediens… en nog veel meer!

Die fasiliteite van Helderberg Gemeente in Somerset-Wes leen hom uitstekend vir ‘n konferensie van hierdie omvang, en benewens die hooftemas kon ‘n groot verskeidenheid van wegbreeksesssies bygewoon word.

Gedurende teetye en etenstye (wat aangebied is deur ‘n baie bekwame spysenieringspan) het konferensiegangers wat bestaan het uit ‘n groot verskeidenheid van kultuurgroepe en denominasies, lekker saamgekuier en mekaar leer ken.

In Frederick Marais se woorde:  “Ons is baie trots om deel van so ‘n uitstekende konferensie te kan wees. Die samestelling van die gehoor is so hoopvol in tye wat ons land se mense sukkel om mekaar te hoor en te waardeer!”

Op die foto wat geneem is van die Beplanningskomitee saam met die 4 Amerikaners, is van links na regs:

Keith Griffiths, Debbie van de Laar, David Rylaarsdam (VSA), Duane Keldermann (VSA), Ankia du Plooÿ, Coenie Burger, Kathy Smith (VSA), Bruce Theron, John van de Laar, James Nicolson en Neal Plantinga (VSA).

Groepsfoto IMG_3129

Die volgende foto het verskyn op Helderberg Gemeente se webblad met die titel: Oor grense heen – wat ‘n pragtige illustrasie is van die gesindhede en uitreik na mekaar tydens die konferensie.

Oor grense heen_Worship Conf

(Beide foto’s geplaas met erkenning aan Jan Branders, kommunikasiebeampte by Helderberg Gemeente.)