Posts Tagged ‘Kursusse’

Verdien só VBO-punte

Written by Wilma le Roux on . Posted in VBO

Nuwe lys vir verdien van VBO-krediete

 
  • Woon jy ver van Stellenbosch?
  • Is jy alleen in ‘n gemeente?
  • Is jy sommer moedeloos en kwaad oor jy moet VBO-punte verdien en daar is nie tyd om so lank weg te wees nie?

In die afgelope paar maande het die VBO-kantoor koppe bymekaargesit om nuut te dink oor maniere om VBO-punte te verdien. Die uiteinde was die lys wat hier onder beskikbaar is, en wat in Maart deur die VBO-Forum goedgekeur is.

 

  • Ons het die lys uitgebrei sodat daar verskeie kursusse en metodieke is waarop jy aan jou voortgesette leer kan werk;
  • ons het gediversifiseer om ruimte te skep dat jy nie net op akademiese vlak nie, maar ook wat betref nuwe ‘skills’-aanleer en inbou in jou liggaamlike gesondheid krediete kan verdien – ‘n werklike liggaam-, siel- en gees opbouproses.
  • Neem in ag dat dit net vereis dat jy ten minste een ‘akademiese’ kursus ook moet bywoon om jou jaarlikse vereiste punte mee op te bou.

(LW die kursus(se) kan in jou eie of ‘n nabygeleë ring ook wees – onthou ons probeer al hoe meer kursusse na ringe neem op die ring se aanvraag)

Vir die nuwe lys, kliek hier: Verwerwing van VBO-Krediete Maart 2018

 

VBO-Program 2018

Written by Wilma le Roux on . Posted in Communitas Inligting, VBO, Vennote

VBO-

Programboekie

2018

is beskikbaar!

Ons bied met trots ons VBO-program vir die volgende jaar aan vir elke predikant, proponent, jeugwerker, kerkwerker of gewone lidmaat wat ‘n behoefte daaraan het om toegerus te word om al hoe meer te lewe vir Christus en sy kerk.
Om die VBO boekie met inligting oor kursusse en konferensies wat by Communitas en ons vennote plaasvind, af te laai, kliek hier:  VBO-boekie 2018Fin

VBO-Programboekie 2016

Written by Wilma le Roux on . Posted in Dissipelvorming, VBO

VBO gaan oor die verdieping van ons verstaan
van die evangelie,
ons ingesteldheid teenoor ons roeping en
oor die slyping van
ons bedieningsvaardighede.
Dit gaan veral ook oor konstante leerbaarheid:
oor die moed om in nuwe situasies in te gaan
met die vertroue dat die Here ons kan leer en
’n weg kan wys
wat ons nie nou helder sien nie.
9 blokke
Geagte kollega

Ons as Taakspan vir VBO stuur aan jou hierdie VBO gids vir 2016 met groot verwagting. Ons is tot ʼn groot mate ʼn nuwe span wat graag wil voortbou op die goeie werk van die vorige span. Hierdie jaar se gids is werklik ʼn spanpoging waaraan byna elke taakspan van die Sinode saam gewerk het. Meeste van die kursusse is daarom kursusse wat VBO saam met hierdie taakspanne aanbied.
Ons is bewus van die besondere uitdagings wat aan ons as predikante gestel word in hierdie tye en het na die beste van ons vermoë ʼn program saamgestel wat hierdie uitdagings aanspreek. Die uitdagings wat deur die Moderamen vasgestel is, het ons gehelp om die fokusse van die kursusse te ontwikkel.

VBO-PROGRAM 2015

Written by Wilma le Roux on . Posted in VBO

 VBO 2015

VBO-Boekie 2015

Die volledige VBO-boekie en program word hier beskikbaar gestel. Laai dit gerus af, kyk na die verskeidenheid van kursusse en dagboek dit waarin jy belangstel om by te woon.

Verskeie kursusse word vanjaar in Engels aangebied saam met Ekklesia, en word so aangedui op die program. Ons werk graag in sekere van ons kursusse met ʼn meer gemengde groep leraars omdat ons ervaar dat dit die leerervaring soveel verhoog.

Die inhoud van die 2015 VBO-boekie is weer lekker kompak gehou, maar ter wille van persone wat navraag gedoen het oor die agtergrond en doel van VBO, is daar ʼn inligtingsblad daaroor ingevoeg.

Die VBO-program vir 2015 sluit in:

  • ʼn Paar groot konferensies wat in samewerking met Ekklesia aangebied word, soos die Missionale Konferensie getiteld The Future of Missional Theology and Missional Churches; ʼn konferensie oor Erediens en Aanbidding: God bless Africa: Worship for a Time Like This (saam met die Calvin Institute of Christian Worship) en die jaarlikse Winterskool met die tema: Changing the World? An invitation to faithful discipleship and responsible citizenship.
  • Die internasionale Fresh Expressions Konferensie wat aanvanklik vir later in 2015 beplan is, vind nou in Februarie 2016 plaas.
  • Die Gevorderde Sertifikaat in Bedieningsvernuwing word baie sterk aanbeveel – lees ook die getuienisse van persone wat reeds met die program besig is.
  • ’n Hele klomp interessante een-, twee en driedagkursusse – o.a. ʼn Emeriti-kursus, een oor Gemeente-finansies en administrasie, oor Preek-maak, die Happiness-teorie, die Doop,  en nog baie meer …
Laai gerus die volledige boekie af – kliek HIER: VBO-boekie 2015_Nuutste

Armoede: Wat doen JY?

Written by Wilma le Roux on . Posted in Konferensies, Kursusse, VBO

Poverty handeOns almal weet dat grootskaalse armoede, menslik gesproke, waarskynlik die mees plofbare probleem in Suid-Afrika is.Terwyl dit so is dat baie kerke iets hieraan probeer doen, is die vraag of ons nie veel meer kan doen nie.

Ons is van mening dat hierdie ook `n saak is wat ons kerke (NG en VG) ten beste saam kan aanpak. Ons glo dat daarin ook `n getuienis sal wees. Daarom nooi die Bediening vir Armoede en Sorg graag alle barmhartigheidsverteenwoordigers, predikante, ringsverteenwoordigers van Armoede & Sorg en gemeentelede na hul Konferensie: Armoede en die Uitdaging vir die Kerk en sy Gemeentes.

Plek: NG Kerk Helderberg
Datum: 21 Augustus 2013
Tyd: 08:30 – 17:00

Vir meer inligting kontak Dr Braam Hanekom (Direkteur : Armoede & Sorg), 021-9577202