Posts Tagged ‘menswaardigheid’

Teologie en Menswaardigheid

Written by Wilma le Roux on . Posted in Communitas-e, Resensies

‘n Werkstuk nav Prof Dirkie Smit se YouTube lesings oor Teologie en Menswaardigheid,

hierdie jaar Kursus op Aanvraag 12 in die VBO-boekie

– deur Ds Stephan Lubbe

Miskien sou ek dit wat volg as ’n preek (soos die opdrag dit aandui) kon aanbied, maar ek noem dit graag liewer…

’n Poging om nadenkend te reageer op VBO Kursus op Aanvraag 12, 2018 (óf dit na te praat waar dit my pas), soos aangebied deur Prof Dirkie Smit (YouTube-weergawe)

My eie gewaarwording rakende die saak van Menswaardigheid het oor die afgelope aantal jare, tot my eie verligting, gegroei – vanaf die jaar van die Algemeen-Sinodale besluit op die “Seisoen van Menswaardigheid” toe my reaksie was: “Wat is hierdie nuwigheid waarmee die NG Kerk nou weer besig is?” (min of meer dieselfde reaksie by ’n ouderling wat Prof Smit in die eerste lesing noem ivm US Teologie se keuse om Menswaardigheid as tema vir hul bydrae tot die “Hoop Projek” te neem: “Wat het teologie met menswaardigheid te doen?”), tot vandag dat ek byna die saak nie kan los-dink van enige kontak met en ervaring van mense in watter omstandighede ookal nie; en netso min kan ek die verband daarvan miskyk met die boodskap van die Evangelie van Jesus Christus.

Die hart van menswees het daarmee te doen. En dit raak elke terrein waarop menslike bewussyn, lewe en aktiwiteit plaasvind: Selfbeeld, Selfaanvaarding, Selfhandhawing, Psigiese en geestelike volwassenheid, Kinder- en Adolessente ontwikkeling, Seksualiteit en “Gender”, “Peer Group”-verhoudings, Huweliksverhoudings, Gesinsverhoudings, Inter-generasionele verhoudings, Groepsdinamika, Konflikhantering, Werksverhoudings en –omstandighede, Rasse- en Volke-verhoudings, Persoonlike en Groeps-identiteit, Lone en salarisse, Ekonomie en Industrie, Behuising, Besit/Eiendom, Nasionale en Internasionale Reg, Opvoeding en Opleiding, Geneeskunde, Politiek, Sport, ja, en ook Godsdiens en Teologie. Oral waar mense beweeg en met mekaar te doen het, word mense se waarde “geweeg”, in eie oë of in die oë van “ander”. En daar word opgetree teenoor self en ander in die lig van hierdie “waarde-gewig” van elke mens of mense-groep.

’n Belangrike vraag is, waarop hierdie “waarde-gewig” van mense gebaseer word? Wat is die standaard, die maatstaf, waarvolgens mens(e) se menswaardigheid gemeet word? Of is dit maar ’n kwessie van die menslike omgewing waarin hierdie waardebepaling plaasvind: Op die sportveld het die goeie atleet menswaardigheid; in die besigheidswêreld is die suksesvolle winsmaker die een wat menswaardig is; op die slagveld is die goeie generaal en die dapper soldaat die mense met menswaardigheid; mense van ’n “meer ontwikkelde” kultuur/tegnologie het menswaardigheid; ens.? En die keersy daarvan: Is daar dan mense wat nie menswaardigheid het nie, mense wat eenvoudig nie aan die norm voldoen nie; of ten minste as minder menswaardigheid bejeën kan word en “tevrede” moet wees daarmee?

Om die hele werkstuk te lees, kliek hier: Teologie en Menswaardigheid

 

 

Ontwikkel vriendskappe oor grense

Written by Wilma le Roux on . Posted in Ekklesia, Kursusse, VBO, Vennote

Loop Saam –

Walking Together:

Eendag-werkswinkel

Hierdie dag word ʼn spasie geskep vir alle predikante én lidmate wat graag ʼn rol in versoening wil speel.

  • Waar ons oor grense na mekaar uitreik en vir mekaar omgee, leer ons om mekaar met liefde en respek te hanteer.
  • Dan praat ons nie óór mekaar nie, maar met mekaar.
  • Dán, glo ons, sal ons met ander oë na mekaar begin kyk en ook anders teenoor mekaar begin optree.

Ons, die lidmate van die VGK, NGK in Afrika, RCA en NGK, het ʼn verantwoordelikheid om iets hiervan binne ons samelewing te modelleer.

Hoe kan ons mekaar help in die ontwikkeling van volhoubare vriendskappe oor grense?

Dit sluit alle mense in ons breë gemeenskap in.

Kom gesels saam oor hoe ons almal saam die pad na heling kan loop – al vier kerke, as deel van die Seisoen van Menswaardigheid se strategie om die herstel van menswaardigheid in Suider-Afrika te bevorder. Dit is ʼn geleentheid om iemand van een van die susterkerke of uit die breër gemeenskap te nooi om saam met jou die dag by te woon en reeds só iets te beleef van die reis om oor grense heen na mekaar uit te reik.

Collin Goeiman van die VGK en Hannes Theron van die NGK, wat beide praktiese ervaring het van gemeentes wat die Loop Saam proses gedoen het, sal as fasiliteerders optree.

Wanneer: 22 Maart 2018

Waar: Communitas, Stellenbosch

Vir ‘n inskrywingsvorm, kliek hier:  VBO5 Loop Saam – Walking Together Eendag-werkswinkel

Vir meer inligting, of om jou voltooide inskrywingsvorm en betaalbewys te stuur, stuur ‘n epos aan Wilma

LW: Indien daar Engelssprekende kursusgangers is, sal die aanbieding in Engels wees, maar jy kan vrae en besprekings in die taal van jou keuse voer.

Loop Saam

Written by Wilma le Roux on . Posted in Konferensies, VBO

Om in iemand anders se skoene te kan staan

Die kerklike wêreld het op 5 Julie 2017 tot stilstand gekom met die ondertekening van ‘n dokument deur die Gereformeerdes, Lutherane en Methodiste vanoor die wêreld, asook die Rooms Katolieke Kerk. Die dokument verklaar dat ons nou, na 500 jaar, op een plek staan oor die verlossingsleer. Ons word alleen uit genade deur geloof gered.

Bykans alle interkerklike verhoudings word hierdeur geraak. Die wêreldkerk sê hiermee onteenseglik ons is ernstig oor ons getuienis dat Christus heers. Hy verlos mense van hulle sonde. Hy laat sy koninkryk kom. Hy gee vir mense die verbeelding van ‘n nuwe wêreld waarin kragtige verhoudings oor kultuur-, taal- en historiese grense strek. Hy laat nuwe verhoudings ontstaan wat getuig dat Hy magtiger is as menslike voorkeure en aannames. Deur die beliggaamde versoening tussen mense word sy heerskappy gedemonstreer.

Die “Loop Saam- kursus” help ons om uitdrukking te gee aan die beliggaming van versoening en eenheid in Christus. Dit help ons om in ander se skoene te gaan staan en te ontdek hoe God ons lewe wil verryk deur verhoudings waaruit ons nog nie vantevore kon leer en put nie.

Wanneer? 23-24 Augusus 2017

Waar: Communitas, Stellenbosch

Met hierdie kursus wil ons iets gee waarmee ons gemeentes kan help om

  • oor grense na mekaar uit te reik,
  • vir mekaar om te gee en
  • saam te leer hoe om mekaar met liefde en respek te hanteer.

Die materiaal wat ons gebruik, is die twee boekies “Maak Kontak” en “Loop Saam” wat deur Chris van Wyk en Nico Simpson in opdrag van die Seisoen van Menswaardigheid ontwikkel is.

Hierdie kursus getuig oor God se droom vir ‘n nuwe wêreld. Dit kan jouself en jou gemeente oneindig verryk!

Met hierdie kursus, of eerder proses, glo ons, sal die menswaardigheid van ons land se mense herstel word.

Vir meer inligting, of om in te skryf, kontak Wilma

 

Winterskool 2016 laat ons dink …

Written by Wilma le Roux on . Posted in Courses, Ekklesia, Konferensies, VBO

 Winterskool 2016

 Tuiste of nie?

 Hospitality

Die afgelope Wintereskool by die Fakulteit Teologie op Stellenbosch is bygewoon deur ongeveer 225 persone uit meer as 20 verskillende denominasies en geloofstradisies. Daar is gepraat, geluister, geleer en gekuier rondom die tema van ‘n Tuiste vir almal – die toekoms van die Christendom en ons jeug in Afrika.

Hier onder is ‘n paar fotos en indrukke van enkele konferensiegangers,  asook ‘n samevatting oor die 3 dae wat gemaak is deur Danie O’Kennedy.

#WinterSchool16 @theologystel is starting today. Commemorating the 40th Anniversary of the Soweto Uprising – asking the questions ‘Is South Africa a home for us all?’ ‘How can we help to make SA a home for us all?’ Prof Bosman, Dr Theron, Ms Wiid, Re Geja in this picture. — with Dewald HoffmannBruce Theron and Hendrik Bosman at Faculty of Theology.  Prof Bosman
 Rev Geja  Rev Nkosinathi Geja leading the morning devotion on the prodigal children and the welcoming parent. Is the Church’s body language one that is open to the world in love? Looking towards the world, running to embrace, opening a home of blessing for all. The Church should not be inward looking, it should not be stationary, it should not be exclusive, but a welcoming place for all! — at Faculty of Theology.
Rev Esmé Bowers is the opening keynote speaker @TheologyStel #Winterschool16 , sharing her inspiring and challenging story of being faithful to the whole Gospel, for the whole world, through the whole Church. As a pastor, activist, mother, community leader and disciple she invited the conference members to discover their calling, to live with faithfulness and courage in the current time. Deeply challenging and very inspiring. In the last 40 years she has been part of many significant movements and challenges in the Church and society. Simple acts of courage and faithfulness, and even a willingness to ‘swim against the tide’ have achieved much for the common good! — at Faculty of Theology.  Esme Bowers 2
 Esme Bowers  

Rev Esmé Bowers Winter School – The church needs to have a heart for all!

 Two young activists @qina_qina and @eksjaco helping us to understand and reflect upon current student and youth movements of justice and transformation. ‪#‎winterschool16  Qina
 Pieter Grove  Rev Pieter Grove speaking on 1976 then and now. He was jailed as a high school pupil in 1976 for activities related to student activism. We are thinking about the issues then, and the issues now. So much has changed, but very little is different! We still struggle with race, economics, class, gender, exclusion and distrust. His reflection helps me to gain some insight into the politics of impatience and the politics of identity among students today. We have much work to do to engage the ongoing injustice that still exists with unequal education – what has changed 40 years on? — with Pieter Grove at Faculty of Theology.
 Lovelyn Nwadeyi speaks at the Winter School and challenges the church as having a too ritualistic religion and for commodifying salvation. This while the church is silent on socioeconomic and sociopolitical matters. Engage young people and question prevailing traditional orthodox beliefs. Micah – what does the Lord require of us?  Lovelyn Nwadeyi
 Lovelyn Nwayedi speaks  #winterschool Lovelyn Nwadeyi “church cannot continue as usual in unusual times”
 Prof Brian O’Connel “Industrial output, pollution and population are up, while resources and food are diminishing. The church on its own cannot succeed. A deep cultural change for sustainability is needed. Our culture is not energetic and inquisitive enough. This calls for greater creativity in a changing environment.” Wow!  Prof Brian O Connel

Danie deel sy indrukke as volg:

Die eerste is dat ons verskeie versillende stemme gehoor het in die 3 dae. Sommiges het ons ongemaklik laat voel, sommiges het ons getroos en ander het ons geïnspireer. Een van die belangrikste dinge in enige huis is dat ons moet tyd maak om na mekaar te luister. Danie sê dat hy bevoorreg was om rond te stap en by baie van die sessies wat aangebied is, in te loer. Daarom kan hy ‘n paar indrukke met ons deel.

Winterskool – die laaste dag

Written by Wilma le Roux on . Posted in Ekklesia, Konferensies, VBO, Vennote

Gedurende die oggend van dag 3 van die Winterskool het die fokus geval op die kwessie van ‘verander die Wêreld’. Kan die kerk ‘n rol hierin speel? En hoe kan ons dan hierdie rol defineer?

Dr Coenie Burger was die hoofspreker van hierdie oggend. Hy het verduidelik dat die tema vir hierdie jaar se Winterskool, nl. Om die Wêreld te verander (“Changing the world”) afkomstig is van ‘n boek wat geskryf is deur James Davison Hunter.  Hierdie boek is in 2014  in ‘n kleiner groep bespreek, en daar is gevoel dat die vraagstukke wat hier na vore kom op ‘n baie breër front bespreek moet word. Dr Burger het in sy toespraak aan die hand van Hunter se verrassende ontleding van die situasie in die VSA gaan kyk hoe dit van toepassing gemaak kan word op die kerke van SA.

Die hele toespraak, asook die van die meeste ander sprekers, sal later op hierdie webblad verskyn – hou die spasie dop!

20150604_113251 20150604_113808

20150604_121613 20150604_121944

20150604_114030

Changing the World?

Written by Wilma le Roux on . Posted in Konferensies, VBO

Winterskool-sprekers dag 1

Die sprekers van dag 1 by die Winterskool van 2-4 Junie 2015 op Stellenbosch

Prof Barney Pityana het tydens die hoofrede van die oggend gepraat oor hoe om beide ‘n getroue volgeling van Jesus én ‘n verantwoordelike burger te wees. Ons word binne ons demokrasië geroep om te getuig oor die transformerende liefde van God vir die wêreld.

Die res van die dag is gesels oor sake soos menswaardigheid (met ‘n dowe dominee en haar horende kollega wat vertel het hoe om die grense tussen dowe en horende lidmate in hul gemeente te oorbrug); oor dissipelskap en burgerskap vanuit die Ou en Nuwe Testament belig; oor die uitdagings van ongelykheid in ons land; oor hoe die kerk kan help om mense te laat verantwoordelikheid neem in hul eie gemeenskappe; en oor hoe die kerk moet lyk in die volgende 30 Jaar.

Hierdie 5 temas word elke oggend verder bespreek, vanuit verskillende hoeke en deur verskillende sprekers belig.

Tydens die middagsessies kon konferensiegangers inskakel by gesprekke oor hoe prediking in kerke regtig ‘n verskil op voetsoolvlak kan bring; oor die kerk se betrokkenheid in kinderwerk en die beskerming van die kind se regte; oor missionale gemeentes en hoe hulle ‘n verskil kan maak; oor hoe leiers ‘n kerk én wêreld kan help transformeer; en oor die verwantskap tussen dissipelskap, rentmeesterskap en verantwoordelike burgerskap.

KOM LUISTER VANDAG EN MôRE VERDER HOE JY KAN HELP OM DIE WêRELD TE VERANDER!!